真係估唔到咁快！
而由個仔出世得4磅幾到依家12磅
我真係好安慰！
媽媽我真係好擔心你會好細粒好瘦
雖然依家又唔算好肥
但見到你個雙下巴同肥脾
已經開心死媽媽喇！
証明媽媽既努力係無白費
天天兩個幾月先開始戒夜奶
我又餵人奶，果兩個月真係辛苦到無朋友
三個鐘一次，餵加掃風一個鐘，之後泵奶，得返一個鐘訓
有時個仔唔比你訓架，咁喊喊下又下一餐
不停既recycling.......真係好累
果兩個月，平均每日訓4-5個鐘到喇
仲要係分開訓
得有一次試過個仔扭到傻左
要抱住訓，我就48小時無訓過覺
咁咁開頭唔識分佢既喊聲
做哂所有野都係到喊
我真係好累好累，半夜自己一個人坐係到喊
雖然我老公就唔算係好幫手
但佢都未去到唔理我地咁覺好d
依家三個月人仔識玩識笑想講野
對住佢真係開心哂
