不要洗腦教育

噚晚老豆睇住新聞, 一邊話
"學民思潮班細路玩大左喇今次, 根本就冇傾計, 態度咁強硬,
D人又將佢地同64比, 邊有得比, 根本大家既目的都唔同, 64偉大好多
一路只係識叫人撤撤撤, 又唔同人講有咩問題
邊部分有問題咪叫佢唔好教果部分囉"

我覺得我老豆其實反映左香港70%既中年人想法
由佢既言論, 我聽得出佢係無知及自私

無知在於佢唔明白國民教育既內容
唔明白點解我地一直都反對洗腦教育
只是一味話由細到大其實都被人洗緊腦
點解無得傾?
佢從來都無真正了解過國教既內容係幾咁偏頗
點樣教個細路知要先愛党愛國再愛家
點樣教個細路唔可以講國家既壞話
中國就係想係呢一個科目上面慢慢入滲香港
令香港既一片自由淨土消失

你話我地唔愛國? 咁中國有咩天災, 我地香港義工唔係自願去幫手嗎?
奧運我地唔係最關心中國嗎?

我唔係好識得表達我心中既感受
但我唔想我既下一代會愛國多過愛父母
佢講錯一句說話要比人軟禁幾十年

自私既你地話唔關你地既事,
因為你地冇小朋友/子女已大個
難保到時你地既孫走唻同你講共產黨萬歲
你講一句中國壞話佢嬲你一世
呢一種洗腦唔係一朝一夕
你話有咩唔岩, 你咪教返佢岩lor
小朋友只會認為老師是對的
一個6歲既小朋友, 你話佢係石頭爆出唻 佢就信係真
你話唔食飯有巫婆會捉佢, 佢就信係真
有邊個細個冇比人咁嚇過?
係咪到大個先知原來大人細個係厄你?

我知道學民思潮同反國教既集會同絕食唔係玩大左
唔係你話, 傾都冇得傾
只係政府根本無誠意出唻傾
早係7月既時候, 已經開始有反對既聲音
有遊行, 有集會, 但政府理會嗎?
當你無到!!!!!!!!!!!
林鄭, CY, 係咁E出唻講2句野
話傾傾傾, 咁又可以點傾呢?

平心而論
今次呢件事的確唔係梁振英搞出唻
佢只係比PK曾玩, 留低既爛橙
佢又唔想得罪呀爺, 又唔可以得罪香港人
只可以玩失蹤!!! 比著你都唔知點做

十年前我地因為遊行集會成功推翻廿三條
一年前我地因為遊行集會成功令孔慶東道歉
今天我地一樣可以
加油。學民思潮。民間反國教

反。對。洗。腦。教。育