今朝一早5點就要起身
出發去追海豚.........今日天氣都好好!!
係alona beach既早晨,
我睇到一生人第一次既"海天一色"
真的美不勝收
噚日已經叫左resort 幫我地pack了早餐
有三文治, 最估唔到既係, 仲有生果~~
真係好sweet~不論係reosrt定係d mango
係船上看日出, 真係很寫意!
佢地係就船家, 但唔知佢地咩名....因為唔係我地book的 XD
不過php2500, 7個人, 不過唔包船仔同鞋.....船要php 100 @人, 鞋要php150@人
有d比人搶野既感覺! 不過都冇法架喇~~~
我地架船行左大約20-30分鐘到就去到一個地方
見到有好多其他船都係到, 應該係大家都係到等緊d 海豚喇
我地當然冇失望喇, 好快就見到有d海豚係遠處玩緊,
見到大約有10條呀~ 超興奮, 我狂尖叫.....kaka
海面又一陣平靜, 船家又同圍行下.....
神奇既事唻喇! 忽然有一條海豚係我地船邊跳起!
我地勁興奮, 狂叫........唔知佢地係咪聽到我地叫得好開心呢
所以走唻同我地玩呢??
真係好開心呀
之後我地又再開多十幾分鐘船去浮潛喇......
我都唔係好知係咪去左Balicasag Island, 因為有D似係去左海中心!
我地落大船, 要轉船仔, 先比人搶PHP100 @人
之後又話要換鞋, 又比人搶多PHP 150@人...唉, 算!!
去到海中心, 佢係咁E教左你幾下,
之後佢自己就上返船, 你地自力更生喇!!!
就係因為咁, 我地不斷咁踩到珊瑚
因為D 珊瑚又好滑, 所以我一個唔小心就滑倒
仲流血tim.........好彩冇鯊魚~
因為第一次浮潛, 我個人比較緊張
所以開頭都放鬆唔到個人
但之後因為d魚真係太靚喇
而且餵包真係好好玩既關係, 個人可以放鬆了
就感覺得到海的平靜....................很喜歡這感覺!
因為這感覺, 愛上了浮潛, 決定了下次再去!
真係好多魚魚, 連好淺水的地方都有好多!!!
我地有自己準備麵包, 船家都有比, 但唔係好夠!
因為我好驚d魚咬我手指, 所以我成日都拎拎下個包就鬆開左隻手! =_=
多d blog友話見到nemo仔, 我都特別留意
好彩都比我有幸見到
好美麗的魚!
blue starfish! 但我好似反轉左佢....
玩到累喇, 係時候上返船
開始出發去食lunch喇!
因為lunch又係唔包既, 所以要自費喇
(因為唔記得帶相機, 所以冇相睇喇)
我地7個人, 食左一條大星斑, 7隻大蝦, 仲有白飯, 可樂
都係php4500, 者係大約每人hk$40, 真係超抵!!!
d星斑同蝦都bbq, 真係好正! 再加上佢既特有source,
真係依家諗起都仲流緊口水
食飽, 影左一陣相就上返船喇
又開左一陣船, 去到海中心
船停左係到, 船家就開始落去捉海刺比我地食!
努力的搵到了一大袋!
放佢係手, 係好奇怪架, 因為佢仲係到move緊架, 佢d刺係到行下行下咁, 好搞笑!
不過係一d 都唔好食架............除左海水味,咩都食唔到!
終於都到左virgin island喇! 但因為下雨中, 我地又驚愈落愈大
落船係咁e 影下相就快快上船喇
好可惜冇機會行沙路...............下次下次
在回程的時候, 發生了點事!
可能下雨中, 又大風, 海面比較大浪....船又細!
它不斷的上下搖晃, 浪不斷咁打上唻
果個離心力就有如你玩激流一樣
我不斷大叫, 因為真係好勁, 我一路叫, 佢地一路笑...冇良心
沒有留言:
張貼留言