開始今日既local tour 呀~
因為我地同佢地係唔同酒店既,
所以我地選擇唔返酒店住
直接開始個行程喇..gogogo
第一站 -- butterfly garden
呢個地方其實都冇咩睇, 不過D butterfly真係好大隻
有d仲好靚tim~ 最靚仲有花, 呢到好多既靚既花
係到行一圈都只係要用廿分鐘, 咁又要入場費php 20
不過算喇, 見到d好嘔心既毛毛虫, 又可以同蝴蝶影相就算喇!
我真係唔夠膽掂佢地 >_<
第2站 -- 朱古力山
呢到又係入埸費 php5, 不過佢話果d入場紙係可以係佢到用返既
咁佢地買手信果時, 又真係用得返既....記得用喇 =]
條樓梯其實都唔係好長架者...不過有d 團友都行到索哂氣 XD
其實唔係真係好高, 唔好比佢嚇到 =]
終於都見到喇
個guide話山頭有2000幾個朱古力, 大自然真係神奇~
上到山上又真係幾靚, 雖然我地去呢個時間唔係最朱古力既時間
不過都唔錯呀! 山頭真係好多朱古力
我地影左好多相呀
果到做影相生意果d人都勁nice,
even 我地冇幫襯佢, 叫佢同我地影
佢都就到角度最靚呀, 又話呢張唔靚再影過咁
再一次証明菲律賓人勁nice!!!
第3站 -- 眼鏡猴保育中心
其實我地去呢個到底係咪真果個都唔知
因為我地回程既時候又見到第2個, 算喇! 見到佢就得喇!
入到去見到第一隻, 嘩, 真係好可愛~點解可以咁細隻
仲細過我隻手掌! 隻眼又大, 一度想偷佢返HK 養..wakaka
我地一去到佢仲係到訓緊覺, 之後個工作人員嘈醒左佢
為既係放佢上我地肩膀影一張相, 我地有比tips 佢,
(係呢到好興比tips, 不在乎多少, 佢真係會對你好d XD)
之後可能比我地嘈醒左, 隻眼睜到勁大, 勁可愛!
我都影得佢好可愛!!!!
第4站 -- Loboc River遊船河
入場費連lunch php 300, 再請導遊食
大約1點3上船
上船果一下係有dd失望, 因為佢停左係到好耐
我心諗"你唔係唔行下ma?"
我地因為肚餓都傻, 所以唔理3 7 21 去拎野食
係係菲律賓既第一餐呀............><難食到呢...
不過都有心理準備, 因為d人講過架喇!
係咁e食下d野, 有個人走出唻唱歌wor~
佢唱得又好聽wor, 我地個船有d 菲律賓人, 佢地又一齊唱, 仲係到跳舞tim
個氣氛都好好呀~~
之後佢要收野, 見我地食餘咁多野話鬼我地
車, 又唔知自己d野難食.......我地係咁依食返d就叫佢收左佢喇~
船既中途會停係一個小島上
那個小島既人都扮成土著咁既樣!
d小朋友就拎住d 巨野係到叫人影相
我當然都有影喇!!!!!!!!!只係比左php20者!
不過佢都唔算係好恐怖!
船程大約用左1小時15分鐘
第5站 -- 巨蟒蛇
落左船上返車, 司機問我地去唔去睇big snake~
我地當然話好喇~~~
可能因為好近, 幾分鐘就到喇!
一入到去見到有個男人扮女人係到表演
, 唔睇也罷之後入到去見到巨蟒喇......真係好大條呀!
可以走入去個籠同佢零距離接觸
我當然係怕喇, 都係出面影下佢算喇
我d團友好勇敢, 走入去影! 但出唻話我知佢手震...wakaka
"大佬, 點知佢幾時醒呀? 如果一醒, 我命都冇!" (巨蟒冬眠中!)
第6站 -- Baclayon Church
呢到都係影下相, 那天又曬到飛起!
人地係到做緊唔知咩典禮, 我地係到影相, 都唔係咁好!
好快就走左lu~
第7站 -- 麥哲倫紀念碑
未落車已經有少少雨, 落車行幾步仲落大雨
所以我同佢都未唻得切合照就要衝返上車喇~
返酒店lu~ 因為團友們住bee farm, 司機話去完bee farm再車我地返Amorita
so 我地多左一個景點喇! 本來都冇打算上唻既!
就買左d bee farm好出名既jam and honey就走lu~
同佢地分手之後, 我地就返AMORITA喇!!!
沒有留言:
張貼留言