大阪2012 Day 5 - 奈良小鹿

2012年6月26日

呢日都係我最期待既一日, wow~
因為好鐘意小動物既我, 可以咁近距離摸佢地....
係香港真係難d lor, 我都唔知點解
有地都用唻起樓起商場, 邊有咁大個公園...(唉...)

一早起身食咪早餐就出發
去奈良其實好近, 半個鐘多d就到架喇

心斎橋 (大阪市営御堂筋線・天王寺行) à なんば 徒步 大阪難波 (近鉄奈良線急行) à 近鉄奈良

近鐡奈良站 奈良公園出口, 就是 奈良公園

要轉車

係唔係幾遠既地方, 就已經見到佢地 -- 小鹿 (當然都有大鹿)
我又唔明點解佢地咁生性wor, 只係公園到走, 山下山下,
唔會走入市區架wor~

係門口已經見到好多喇~ 佢地都幾活躍!!
有鹿餅賣既地方就有鹿~~~

有角既應該就係公~

一直行就去到興福寺, (大家唻都唔係睇寺架喇XD)

呢到D 鹿就懶d, 佢地唔係訓就係o屎~hahaha

走去同佢影相都完全唔驚人, (其實係唔show你)

再行入去, 就會見到好多鹿bb, 好得意架~~~~~~~~

食新鮮草, 幾叻~

呢到搞笑喇, 
本身我地都唔打算買鹿餅, 因為d鹿唔知點解見到d鹿餅
就隻隻都變哂毒后.....痴哂線, 
我見到有個小朋友, 比佢地嚇到成包扔左係地

我地見, 呢到冇咩鹿
又冇咁多公鹿(有角果d) 買一包唻玩下喇,
出事了~ hahah~ 其實都幾搞笑~
我拎住包餅, 唔知點解好眼利既公鹿見到走過唻呀~
我舉高包餅, 轉身諗住走佬喇
點知隻衰野用角係咁頂我背脊, 仲踢我, 幾衰

到俊仔餵既時候, 因為佢拎住地圖又餅
比鹿又頂又踢, 唔小心地圖落左地下
有隻鹿一個唔該就咬住左...XD.....成張食哂落肚
我表示十分無奈!!!
下次唔洗買鹿餅喇, 係地鐡拎多幾份地圖餵喇~ (講笑, 你唔好咁做)

沿路行上春日大社

so sweet~~

我都係鐘意BB豬(鹿)多D.....溫柔好多.............

春日大社冇咩特別, 又好細......

有鹿餅會比鹿圍.....但d人真係好enjoy~~~ hahaha

母子~~~~~~~~~~~~~~

bb 好驚人呀~ 見人就閃, 佢真係好細隻架ja

好難得先影到呢一張.......真係好好好好得意呀