回憶。貼紙相

今日因為俊仔一句

想搵返果張相，

我就打開我果個收藏得好好既盒仔

入面有哂咁多年我影過既貼紙相

好多年無打開過，但入面d野keep得好好

話就想當年手機仲係黑白mon

影相？邊有咁高科技

想同朋友留倩影就要去影貼紙相

當年影貼紙相係一個活動唻架

（更加唔好講依家d街拍）

貼紙相鋪曾經瘋魔過萬千學生

當時有邊個無一本兩本貼紙簿係身？

跟現在90後講，他們又點會明白

想搵幾張放係成長片段

一張一張，回憶，太多太深

每一張相既背後都有一個故事

可能係開心可能係唔開心

但起碼呢個回憶係深刻既

依家睇返都會會心微笑呀

手機影相係方便，係可以影到靚為止

但有時一d可愛鏡頭或者貼紙相先有

我send返一d舊相同朋友分享

佢地都好驚訝我keep得佢地咁好

十幾年前呀！真係唔想認老都唔得

好慶祝既係貼紙相鋪雖然愈來愈少

但未至於淘汰

我同俊仔依家都仲有影貼紙相架

雖然可能依家係一年一次

但我真心希望到我再老d都仲可以同你影落去 =]

打開一睇，數一下，原來我同俊仔既貼紙相係有咁多O_o

好，我打算做一個相架入起哂佢

Big day 曬下佢地先！

果然8年都不是浪得虛名！

風箏愛情

人們常道, 談愛情如放風箏一樣
時而收, 男人某程序上喜歡女人的看管(女人一樣)
時而放, 有時候要放男人出去看看這個世界, 才懂珍惜你,
你們才可以飛得更遠
但只要你一放手, 它就會飛走, 一去不復返
當你後悔想在某山頭尋回至寶時
它可能已經被人經過撿走了
可能他看見它被人棄置山邊可憐它
可能他看見它破掉了想修好它,
但在過程中, 他對風箏起了感情變化
從此據為己有.............
你不可以怪誰, 因為當初是你自己選擇放手
當你知道它被某人撿走了
你是憤怒? 是不甘心? 還是痛心?
是被以上的一切朦掉了眼睛, 看不清楚自己的心
不知道是不甘心還是真心痛恨自己為什麼放開它
冷靜下來想清楚過後, 答案可能不一樣

捉緊了對的就不要放手

一秒感動

記得曾經看過一篇這樣的故事,

在追求她的時候, 他說: 牽著我
到求婚的時候, 女孩只聽到一句話: 相信我
女兒出生, 他在旁邊說: 謝謝你
有一天, 女孩問他, 如果女兒要嫁喇, 他說: 還有我
這一生, 女孩一次也沒有聽過"我愛你"
但愛, 從未離開過她

愛不用說出口, 是做出來的
盡管你滿口甜言蜜語, 不尊重女人有何用?!

他的甜言蜜語很少, 我沒有投訴
我深知道他表達的方式不同罷
他身在日本, 知道我喜歡上那個卡通
我告訴他有扭蛋可以賣, 順便選出喜歡的一款 
他告訴我用了y2000, 不停的扭,
扭出以上我喜歡的款式三大個
我以為電影情節才有
雖然2000不多, 但心意認意十足
是我太易被感動,
謝謝你這一秒感動

有人問過我, 這麼多年, 你們不會悶嗎?
除了我們的相處之道外,
感動和驚喜一定唔可以懶惰

2012末日論

瑪雅預言, 2012年12月21日將會是世界的終結
不論你相信與否, 你的末日又會怎過?
我選擇平淡的過, 公司反而有末日BBQ
可能會找最愛的人, 陪陪家人
這都不是末日都應該要做的事
這陣子興起"末日飯", 在世界終結之前見見想見的人,做做想做的事
沒有世界末日, 你就不會去愛身邊人嗎? 珍惜眼前人, 永遠不會遲

如果明天真的是世界末日, 我會平常心的走,
因為世界終結與人去到盡頭一樣,
都沒有東西可以留戀

拒絕的理由

昨天收到了一個我認為很無理的要求
我說要我死我都不會說出口

一位男性朋友,
因為抵擋不了女友一次又一次的背叛
打算提出分手
兩個都是我的朋友
正所謂左手是肉, 手掌也是肉
好言相勸, 無功而還
無論我打算怎樣打圓場,
他似乎意志堅定
我承認我為女朋友說得不多
因為她真有理虧在先

他答應過她要永遠都守在她身邊
要堅守這個承諾, 不可以先打玻
就不可以提出分手,
但又不想再折磨自己, 忍受著被背叛
同時他愛著她, 不想直接的傷害她 - 直斥其非
只好想一個他"認為"兩全其美的方法

男性朋友提出了幫助的要求
由我向女朋友道出他有第三者
我一口拒絕

我沒有必要為你講一個不存在的謊話
令你好過一點?!
你說寧願她痛恨你分手
總好過令她覺得內疚, 是很偉大嗎?
愛情結束於一個謊話上, 是必須嗎?

你說我自私, 你又何嘗不是
你要我親口結束一段我覺得美好的感情
我。做。不。到
我並沒有勇氣去面對女孩的哭訴
沒有勇氣去面對世人的指責
就。像。你。一。樣

男人要有承擔, 是你告訴我 
明白你在理性與感情之間掙扎著
十年感情不是輕易放下
但既然你今天選擇離開
就要瀟灑一點, 不帶走一片雲彩

沒有勇氣去踏出那一步
是因為感情戰勝了理性
我相信兩方永遠都無法得到平衡

男人的浪漫

女人間的浪漫可能來自星星, 鞋及衣裳
男人間的浪漫大概來自汗水, 情義

那天不知哪個發起的男子組大合唱
大大聲的, 叫破了喉嚨
"今天只有殘留的軀殼, 迎接光輝歲月, 風雨中抱緊自由~~~~"

我在旁邊看著很感動
可能經常聽到你們的小時候, 這個怎壞, 那個怎弄人

一班年少無知, 一起那麼輕狂過的小子,
轉眼已經成為這一班廿十多歲的大漢

不禁令我想起俊爸的一班老友
我也見識過他們的胡鬧
也看得出俊爸的眼裡是多麼的青蔥
總是閃爍著朋友的影子, 咀角未曾平放~

看著你們手搭背的大合唱
一時間覺得你們會變了40+,
向旁邊的人吐了一句 "他們的十多年就是這樣做成的"

當年的輕狂做就今天你們的成熟
縱然心底裡還有那一點點的幼稚
你們沒有不變的身軀, 會高會肥會瘦
但十多年的感情, 我知道沒有變化的一天
祝 友誼永固 !!!!!!!!!!!!

插曲中的一個甜蜜音符

昨天發生了一件小插曲, 在我的人生來說是小插曲中的一個甜蜜音符而已
我們在旺角街頭為一件小到一個月一定會忘記的事而鬧交
鬧交的時候最容易出口傷人,
他發脾氣道回家, 我拿他沒法,
他直奔回我家的方向, 我大叫一聲"我行果邊呀"
轉身就向相反方向走, 頭也不回
我一直走一直走........
我想, 從來也未曾試過這樣在街分別
因為每一次, 他會拉住我的手
我們今晚會再聯絡嗎? 他會先致電嗎?
想得更遠, 我們會分手嗎?

我故意的走慢一點, 好等他有機會趕上我
以他性格, 一定會就這樣一走了知,
因為他說過
正當我走過了兩個街口, 放棄了
他走了! 正獨自哀傷的時
一個熟悉的身影以快步的走在我前面附近位置
我正低著頭眼睛失去焦點的走著
差一點就錯過了他

迎上前, 他沒有走避, 我再也忍不住我的笑容
見到他的一那, 我真的心甜到說不出話
我以為他放棄我了, 我以為......
我知道你愛我, 原來你一直默默的跟在我背後
只是我並沒有回頭..........

最近的我, 我是知道的!
但我更知道什麼叫知足常樂!

[在一起久了，难免争执。有些恋人，每天都吵，但年复一年，还在一起，尽管每天吵，
仍然分不开。有些恋人，从来不吵，外人都羨慕他们的甜蜜，
但却闪电般地分手了。
吵架是疯狂地交流,肯留下来争吵的总是爱你的。反而忍耐，渐渐会成为定时炸弹,
有一天突然爆炸,所有感情都瞬间摧毁。]

安全感

女人的安全感是男人? 個人化睇是錢
我不是拜金女孩, 不愛用名牌
但錢對我重要......
不是出身大富之家, 從沒有抱怨過
也沒有必要嫁入豪門之心
但求有個男孩疼愛我非常
人愈大, 安全感的價值會改變
10年前的我, 的確天真的覺得有個愛自己的老公就足夠
10年後在社會打滾後, 明白到安全感的由來

我的心一日比一日慌
愈愛你我愈慌
你未必會是我的麵包樹
我早告訴你我可以自給自足,
我愛你, 但你必須証明你也愛我
安全感一日一日從你身上消失
每天也在給你機會, 也希望自己放鬆
但原來一天一天的過, 心只會愈來愈緊
自私一點說吧, 我在擔心自己的將來
對, 我的未來已經包括你
也請你考慮一下我的顧慮吧

可以做的, 可以說的, 可以教的,
也許我做不夠!

沒有要求你飛黃騰達, 沒有要求你有車有樓
我只希望有一點點的安穩, 可以嗎?

了解你嗎?

今天看了<誰家灶頭無煙火> 
貝兒跟棟哥因為太多心理因素未能突破而未能一齊
呢個時候EX 既出現令佢地2個都起左變化
白玫瑰身為貝兒既好朋友,
見到EX 既出現令本身應該已經萌芽既戀情消失
自然會想出手相助
但反而比貝兒責怪

我感受一下子上了腦
貝兒知道玫瑰做的一切都是為保護她嗎?
但同時玫瑰又知道貝兒真正的心意嗎?
她會想你出手嗎? 她有自己的想法嗎?

人就是會這樣, 有時會覺得自己做的永遠是對
永遠是為對方著想, 但又是否她的真正所想?
父母亦然, 朋友亦然, 情侶亦然

對於你對我的不信任,
從前一直都認為是你的錯
但責任在我,
我想想, 如果當初我沒有這樣的話
今天結果會一樣嗎?我們今天會變這樣嗎?
是我給予你太多的壓力
責任在我, 我心傷又自責
沒有人可以給我補了這個傷口

由當天到今天我對你的心願都沒變
即使我不,再是你信任的人
我只想你幸福快樂

男人愛面子?!

❤if only you could see into me...❤

人家說女子都是天生口不對心的
我說男人亦然
在公開的平台上公開說了一些甜美的稱讚說話
你說旁人側目, 你淡淡的回了一句"所以我沒有回應"
你說的那一刻淡淡然, 認為只是小事一則
而我卻緊緊於懷, 我吐了句"你不喜歡嗎?"
你連忙說不也連聲解釋
話說了出口就收不回去, 有如覆水難收
介意的不是別人的看法, 是你在人前的表現
如你真的喜歡, 不會如討厭一樣回應
你就這麼要面子嗎? 就這麼難大聲的說愛我嗎?
我有令你這麼的尷尬嗎?
男人就是這個樣子嗎?
得出這樣的結論,
大概因為別的男人在我面前也有說過自己的女友不是
但心底裡清楚明白他有多愛他女友
朋友面前拒談結婚, 表現玩世不恭
女友面前大談結婚, 表現浪漫新郎
是看厭了吧?
書有<男女大不同>, 大概我看一千篇都無法理解男人
人本身就是一種感情複雜的動物

無痛失戀

 

記得多年前睇過一部電影"無痛失戀"
到現在還深深記住了
它大概是說世界上出現了一個新的科技
可以令你一夜間, 把失戀的痛苦洗去
什至會忘記自己認識這個人
不過在洗腦的過程中, 你要再一次經歷你們的種種
無論是快樂的, 還是傷心的

當年失戀的我, 無比想接受一次洗腦
不過失戀也是成長的一部分
他會令係成熟, 明白戀愛是什麼

昨天, 一件小事, 他說是無心之失
我覺得是事出有心
兩個極端的答案, 永遠都冇法得到共識
作為女人, 一個聰明的女人
我選擇用擁抱去解決一切的問題
兩個人再堅持己見, 都只會無止境的爭辯下去

我在理智與感情之間掙扎
相信自己還是因為愛他而騙自己
表面上, 我相信了他
一合上眼, 一幕又一幕出現眼前
痛苦, 痛恨相信他又委屈自己
擁著他, 淚, 終於落下, 在沒有他見的情況下

要這麼委屈求存嗎?

由他這兩天的行為舉止, 我覺得自己100%做對了
聰明的女人, 硬碰硬只會令兩個都受傷
儘管他真的做錯了, 女人的退讓會令他內疚
男人內疚比要他認錯, 對你好100倍~
但原來佢愈對我, 我心裡愈唔好過

不過那一幕未能離開我的腦海
它像小虫子一樣一直狂鑽......
我不要洗腦子的機器
我只想要一部自我收復軟件
收復到事情未發生前
又或者, 將它從我記憶中洗去
多好................................................

想通

早2日, 約左老婆出唻傾下
我覺得係問題既問題
雖然我一直都覺得佢唔覺得有問題
不過當我問佢" 你估我有咩同你講?"
佢就話"因為我同佢地close左, 你覺得我冷落左你"
者係話, 佢自己都知原來係有問題
不過自從上次我嬲左佢果件事之後
佢就真係好似覺得我好快冇事咁
一直都冇搵過我
咁已經唔係冷落呢個問題

當我以為我同佢傾完我會release 左
但其實知道真相係仲痛苦
不過真相我一定要知
知道左, 咁只好搵一個大家都舒服既方法
果日我同哥傾左好耐, 又同俊講
佢地都叫我
你唔鐘意, 人地又唔鐘意你
咁你咪唔好再同佢地出街lor
之前我係到諗, 呢d叫比面party
因為我一直都係唔開心既

直至今日
呢d 比面party 原來都係冇必要出席
咁只好講句"朋友唔夾就係唔夾"
同我老婆保持關係既方法應該就係咁
佢又唔洗再難做 , 要揀邊
我又唔洗唔開心
win win 瓜?!

哥, 你回來了

3年, 原來整整3年冇見
自從3年前你係我生日Party 消失之後
我就冇見過你喇
雖然呢3年唻, 我唔係冇時冇刻都排住你
不過見到某d 回憶既時候,
都會不經意既想起你
我話我係唔會放棄架
噚日, 終於都見到3年冇見既菠蘿哥
(唔知依家仲有冇人咁叫佢呢?)
大家係身型上都變左(大家都肥左)
不過係心態上又或者態度上
大家都冇咩點變呀, 佢一樣都係一個
把口衰得唻甜死人既疼我哥哥

呢晚我追問, 點解你當年就咁消失左?
佢第一句係話"唔記得左"
再比我追問之下 "當時有野煩緊"
我再問, 佢就自己轉開左個話題喇

佢唔想講, 我係唔會迫佢既
雖然我係好想知點解 不過對我唻講
現在先係最緊要既, 只要你唔好再一次消失就好

 

我好開心, 我地仲可以好似以前咁說說笑笑
同你一齊, 我的確係好開心既
不過我就要將d 正能量pass 多d 比你
我覺得你好多負能量呀

 

哥哥, 你仲記得我幾多號生日
都算係咁架喇
你臨走既時候 , 約左我食生日飯
仲話會有surprice 比我
哥, 你d surprice 唔係咁少野架wor
我驚我會好期待

踏出成功的&quot;第一步&quot;

呢2個月唻, 我都似在逃避緊一個問題
但其實我知道係要面對
身邊既朋友都叫我take it easy , let it go
但我自問: 我真係唔可以, 我最討厭不明不白的事

我在逃避一個人
一直冇勇氣當面同佢對質
大概對手都未有覺得係一回事
之前以考試為由
試已考, 果天我係facebook 留他一言
約他晚餐, 如果不是太尷尬
我想同他面對面交談
呢2日我係到諗, 到底我應該同佢講什麼
一直以唻大家誤解既內容?
對佢既不滿?
最後我決定平常心
問問他的近況, 呢2個月我們是這樣近那麼遠

同一天, 同一小時內,
我send左第2個msg
唔經唔覺, 原來已經第3年,
我第3個生日........
但我對佢既思念, 真係一d都冇少到
早個星期同朋友講開
佢建議我send個msg比佢
facebook 很好, 佢唔覆, 大家都唔會尷尬
幾日後, 佢覆左我
真係一個天大既喜訊
我真係好好好好開心
仲即刻約食飯, 成功!!!!!!!!!!!!!!!!!!!!!!!!!!!!

唔到最後一刻, 不可回的地步, 我都唔會選擇去放棄
你可以話我固執, 但我有我既堅持
我有我重視既人和事

我相信, 我踏出左我成功既第一步

只要明朗化, 誰先踏步有何干

我有d 期待呢2個晚上...........................

香港地...

香港地, 我就真係悶悶地
個個星期6/日, 唔係行街睇戲食飯就係打牌
人生就係咁苦悶嗎?
雙子就係咁不安於室
想嘗試諗下一D 活動出唻可以去下
俊仔講咩都係運動...跑步, 遊水, 單車.....
唔係唔鐘意, 但係唔係好想
我話去果D 佢又BAN我
行山, 東涌, 海洋公園....
香港其實好多地方可以去架
我覺得.............真係要搵下先
冇理由咁悶架,
唔通真係要買返本香港自由行唻行下?

也許相處很難

人與人的相處很複雜, 對我來說
比愛情還要複雜

與戀人相處,
也許你可以不保留的將自己最真實的一面程現他眼前
但朋友麻..............好朋友的不說
不論是同事/朋友, 只要是比較生疏一點的
我都會失去自我
這我理解, 我是一個慢熱的人
對陌生人陌生事欠缺安全感
但只要多見幾面, 吹吹水
也可以開心的談起來
第一次見面的, 總會覺得我"好靜""好斯文"
可惜, 懂我的便知我是一個大傻瓜

有一些人總是熟不起來
無論見了多少次
最多也只可以做點頭之交
這不是什麼大問題
人生漫漫, 怎可能每人都儘是朋友
可是, 與之同行同活,我很痛苦

幹麼要說上痛苦那麼嚴重
沒有{合適}話題, 沒有共同朋友, 沒有相關工作聯繫
悶爆
他們幾個在我身邊交頭接耳
我有不識趣的問過, 可是有答案=無答案
人家不想說, 只聽他們笑! 有啥意思? 
一個人呆座, 寧願在家做死屍吧了!

減少一點與他們的相處
免不了, 因為他們是好友朋友

相處仔要人夾人緣, 相處不了的不要勉強
這不會有好結果

「末日浩劫」?!

唔係電影, 係今日yahoo 既新聞主題
"日本的核危機已經完全失控，更以「末日浩劫」 形容..."
世界是否末日? 2012年上帝是否要再一次收回全世界的性命?

連月唻既大地震, 令地球人個個都慌亂
日本100年來的311世紀大地震,
至今已經有超過6萬人死亡及失蹤
估計仲會有上升既空間, 邊個會想死亡人數不停咁上升
原來風景如畫既地方, 依家如死城一樣
頭2日之外, 我都唔敢要睇新聞
唔係想不聞不問, 只係睇一次喊一次, 又何必呢?

大地震令日本經濟大地震, 唔夠, 人類既文明令自己受害
核能發電係最先進既技術, 但又係害人最深既設備
日本經濟本身就唔好, 有30-40% 經濟來源係旅遊
依家咁搞法, 日本經濟只會一落千丈
原本打算年底去北海道, 但因為核問題取消
原本打算未來一至2年會去日本東北睇紅葉
未去, 就已經失去.................

天災係最唔可以避免, 人類既渺小真係無能為力
我地可以做既就係好好愛惜身邊人
及時行樂, 今天的事今天做,
因為無人知道明天會否降臨

最佳損友

最佳損友 - 陳奕迅

曲：Eric Kwok
詞：黃偉文

朋友我當你一秒朋友
朋友我當你一世朋友
奇怪過去再不堪回首
懷緬時時其實還有

朋友你試過將我營救
朋友你試過把我批鬥
無法再與你交心聯手
畢竟難得有個最佳損友

從前共你促膝把酒傾通宵都不夠
我有痛快過你有沒有
很多東西今生只可給你
保守至到永久
別人如何明白透
實實在在踏入過我宇宙
即使相處到有過裂口
命運決定了以後再沒法聚頭
但說過去卻那樣厚


問我有沒有
確實也沒有一直躲避的藉口
非甚麼大仇
為何舊知己在最後變不到老友
不知你是我敵友
已沒法望透
被推著走跟著生活流
來年陌生的是昨日最親的某某

生死之交當天不知罕有
到你變節了至覺未夠
多想一天彼此都不追究
相邀再次喝酒
待葡萄成熟透
但是命運入面每個邂逅
一起走到了某個路口
是敵與是友
各自也沒有自由
位置變了各有隊友

問我有沒有
確實也沒有一直躲避的藉口
非甚麼大仇
為何舊知己在最後變不到老友
不知你是我敵友
已沒法望透
被推著走跟著生活流
來年陌生的是昨日最親的某某
早知解散後各自有際遇作導遊
奇就奇在接受了各自有路走
卻沒人像你讓我眼淚背著流
嚴重似情侶講分手

有沒有
確實也沒有一直躲避的藉口
非甚麼大仇
為何舊知己在最後變不到老友

不知你又有沒有
掛念這舊友
或者自己早就想碰頭
來年陌生的是昨日最親的某某
總好於那日我沒有沒有遇過某某

幸福小TIPS

1. 8點起床, 12點睡
2. 每天最少翻5頁書
3. 每天要跑30分鐘步
4. 對一個陌生人微笑
5. 讚美一個人
6. 說一句我愛你
7. 每週至少做一次愛
8. 每月最少有一個小進步
9. 每半年去一次旅行
10 每年看一次牙醫
11. 至少有一個人值得深愛
12. 至少有一個愛好讓你契而不捨
13. 至少有一個夢想變成現實
14. 至少有一個電話深夜可打擾

能做到哂既你, 當然幸福健康
我估有D也許都會係理想
不過相信什麼叫"事在人為"

人的距離

人與人的距離應該有多遠
視乎你們相熟的程度
陌生人的距離
朋友的距離
好朋友的距離
戀人的距離

由陌生人開始慢慢把距離拉近
原來這需要同步
大家開始步伐不同的時候
代表你離我更遠
我用跑的追回嗎?
你停了步, 轉身就走
向他方走過去
我停在原地促氣, 人也有累的時候
跑到跑不動了, 還可以追嗎?
眼淚不由自主的落下
草地上只有干草, 再長不出太陽花

止不住眼淚, 但止住了腳步
很想用力的再踏前一步
但發現竟然沒有勇氣
是怕被傷害吧 

當大家沒有了共同的方向,
又或者迷失了的時候
是否一起尋回方是最好的辦法?

我答應, 我會止步但不會倒退
希望有一天你會再一次走到我前面
是冷靜期, 不是放棄