goodbye 吉隆坡

打左3個月, 我終於都打完我個吉隆坡樂浪島之旅喇! hand clap.....

2011年6月22日

我地行完街街之後就返左酒店拎住行李就去monorail 去sentral 再轉air bus 去機場
我要同呢個地88 lu , 不過吉隆坡冇咩值得我留戀

去到機場, 你知喇, 我地係幾咁熟路
就去左white coffe 食最後一次,
不過今次唔係食kaya 喇~ 食喇沙
都唔錯, 不過我唔錯意佢地d 香草味!

過多一陣就上機lu,


呢個trip 我最深印象既, 都一定係高空3萬尺果個恐懼感
有人話以後都唔搭air asia, 我就覺得只係當日天氣問題
其他時間搭我都覺得冇咩問題
另外, 我真係好難忘樂浪島果個李斯得林海
仲有marine park 果千條魚魚, 真係又驚又喜呀
第一次潛水喇, 令我本身對海洋有興趣既加愛大海~

雖然我未必會再唻呢一個地方
不過呢一個trip一定會係我一生難忘既
仲有幾個好美好, 難忘既回憶比我同我下一代分享
人生麻, 我覺得有回憶跟下一代分享才不白過!

第五天吉隆坡 - 新鋒肉骨茶

今日一日打4篇blog, 叻叻
因為有另一個topic打喇, 再唔打咪佢, 我真係負債王喇!

----------------------------------------------------------------

2011年6月22日

行完商場, 食最後午餐先
俊仔一直都好想好想食肉骨茶
知道佢鐘意食, 就搵左好多食+好多旅行團都會去既

新峰肉骨茶

地址： No. 35-41,
Medan Imbi, 55100 K.L.

其實都幾難去, 因為個地圖同本身個位置好似有少少唔同咁
新峄其實係係bukit 區架, 不過佢地d 街名真係條條都差不多
者係Jalan imbi 同 medan imbi , 而且google map 好多細街冇show出唻
我地真係行到傻左~
最後我地知道medan imbi  係Jalan imbi 既一條小街! Jalan imbi 係大街

我地行到Jalan imbi 係咪係到行都見唔到
之後就見到好心人喇
佢地本身係門口吹緊水, 之後聽到我地係到講廣東話
問我地洗唔洗幫手, 好快就指出左新峄係邊喇~ 感動~

我地去到lunch , 不過已經1點幾,
d 旅行團已經走哂~ good~

佢d tissue 都要$ 架, 收我rm$0.6一張架.........=_=

唻個招牌肉骨茶先~ 果然係好唔錯! 好有肉味, 不過冇咩藥材味!

不可少既菜菜!
呢個最後午餐好好味!

吉隆坡之旅要完lu....................

第五天吉隆坡 - vincci

2011年6月22日

馬來西亞vincci 真係超級的出名, 佢出名咩呢?
就係出名又平又靚
我都話我係咩都唔會執輸果d師奶, 點會唔行呢?

原來vincci 都有2間, 我之前係雙子塔見到一間
佢個樣就知係高級野, 我行入去睇, 雖然唔算係好貴果d
大約hk$ 300-400 一對, 不過覺得佢地講到咁平lor
我本身都失望架喇! 點知我就見到d 人係某一個街口拎住個vincci 行過
我地向呢個街口出發~ (唔好問我邊個, 唔記得, 一定係paviliron 附近)

佢除左有鞋 , 仲有袋, 仲有accessaries..都幾平tim
大約hk$80-199 不等, 其實有d 似香港既red
d 鞋係好平冇錯, 不過d 款唔係真係咁靚,
我呢d 又唔著高跟鞋既, 更加係冇咩款可以揀tim

你搵到呢個門口就叻喇, 唔好問我係邊到wor.....hahaha

另外我想一提既係, 佢地d sales 令我好不爽
佢地冇笑容, 都唔緊要! 黑面, 問佢野3句應一句
個個都係咁架wor, 好好生意都洗咁呀?
問佢有冇size, 佢會拎會比你試, 但有冇size唔會講架wor
你叫佢拎多次就黑你面..................唉~

最後我都係買左一對比自己, 一對比呀妹!

第五天吉隆坡 - PAVILION - SUPER HERO

2011年6月22日
呢一篇BLOG 係厄blog既, hahhaa
因為相會多過字, 因為我都唔知打咩好...........

上一篇提到我地係pavilion 周圍行下行下, 比我見到super hero shop
你知喇, 香港冇架ma........所以點都要入去睇下既~

門口好大個superman~

我起初係偷偷的影, 好鬼祟! 不過之後見到sales 哥哥見我影又冇野
我又愈來愈大膽, 者係可以任影喇 ( blog post 唔哂, 仲有wor......ha)

超大呀隻鞋, 就咁睇唔出, 佢有我3隻手掌咁長架~ 邊個可以著呢?
唔通真係綠燈俠?

連fitting room 都靚過人既~
入面勁多大figure呀, 可能d sales 都習慣左d人入唻運吉
佢地都連招呼都費事
仲好, 我地2個玩得幾free.....haha

你知唔知呀, 佢d 野真係又靚又貴呀!!!!!!!!! 唔係唔靚, 我地呢d唔鐘意既就覺我貴到飛起呀
成hk$400一件tee wor........>< 鐘意咪值lor~

門口仲有好大架batman 車呀~~~~~~~~~~~~ 真係幾型wor~
我地仲叫sales 幫我地影相tim~ hohoho
"2條友又唔幫襯, 仲要我影相? 影朦d 先~ "
所以張相矇左........hahahaha

玩完!~

第五天吉隆坡 - PAVILION

今日係最後一日lu,
又話咁快就又要結束5日既enjoyable trip喇
每次去旅行都好唔捨得走架, 梗係喇可以狂玩!
不過唔做野又點會有$去旅行呢? 係咪?
唔好咁長氣喇, 開始遊記喇!

2011年6月22日

都話去到邊都要食一下mc記先~ 因為酒店附近真係冇咩野食.......

一個好good 既morning 就由一個麥當當開始!!!!!!!!

食完當當, 我地就行過去吉隆坡好出名既PAVILIO 商場喇
其實我地2個都唔係好鐘意行商場
可能比香港化左, 覺得冇野行! ALL 都係名牌唔岩行
不過去到吉隆坡, 我地又真係搵唔到野行咁冇法喇

由我地酒店出發, 行左大約15分鐘就到喇~
都話住bukit好方便~

最出名呢幾個碗, 我見個個blog 去呢個地方都要影既
我當然係唔會執輸架

呢個人主動要求影既大廈, 佢話好靚........
好靚咩?

我地去到都係上午10點幾, 佢都未開
開11點, 早知再訓晏少少喇! haha, 算!
係出面影下相喇~
佢出面放左4個大字 S. A. L. E.
女人最愛果4個字, hahaha, 我覺得好cute呀~

我地要同佢影下相喇! 123, 笑~

終於等到入去喇, 係咪等開門就有既好處
有一排人企係門口同你講"早晨, 歡迎光臨" 感覺so 豪, haha

我地行入去, 快look左一個圈, 見d 鋪都未開門
而且好多都係名店! 咁岩見到地下有一間godiva咁坐低食個high b 喇~

比佢見到香港好似未見過既朱古力cake,
可能ifc 有得食, 我地未出唻見過世面既唔好見怪
呀朱古力人已經係唔理依家咩鐘數, 人地比唔比佢買
就走左去比$..............haha

真係一個high b 唻架, 唔好講笑, 成hk$40一件cake 呀~
想飲多杯野都冇$ 比呀~ 你話我地幾羞家呢~

好認真, 呢件cake真係唔值$40,
我地好覺得佢係一件外判cake(除左上面果粒價值$30既g記朱古力), haha
因為個味真係麻麻地, 上面我地以為係白朱古力,
但原來係cheese, 仲要係好似car 夫cheese 果d 味! 有d怪, 真係唔識欣賞!

食完行下行下, 比我地見到一間super hero shop wor~

待續..........