Day 4 - Goodbye 新宿

終於都打完喇............打左幾個月咁上下

2011年9月22日

係池袋返返新宿, 又未夠鐘去機場wor, 做咩好呢?
係我地酒店附近記得有間機鋪

呢部3d 機, 我地玩左唔同既version 2次
好好玩呀~ 不過真係好貴呀>_< 好似要成400-500 yen 一次~

仲有呢部咁搞笑既snoker bowling,

好好玩呀, 勁搞笑~



仲玩左9格籃球架, 原來一d 都唔易架!!!!!!!!!!!

 

係時候要走lu........好唔捨得呀!
我一直都好想好想試下食火車便當, haha
係新宿車站就有架喇, 其實一d 都唔平架~ 成600-700 yen 一個

又係松茸飯~

i hope to come again too~

拜拜日本~

Day 4 - 池袋

等我今日得閒少少, 打咪呢個我以為呢一世都打唔完既遊記先.........

2011年9月22日

今日係last 一日喇, 真係好唔捨得架,
岩岩先有返d 旅行既感覺, 又要走喇

早上既新宿街頭.........同晚上差好遠!
周街都係燒肉, 不過我地冇食wor~

一早既jr 已經好多人返工喇......

今日得半day 就去d 近少少既地方喇~ 去俊仔話未去過既池袋喇
我上次唻都係行左個naima city ja~ 因為都係得半day~ haha
今次我地就可以有多少少時間, 去試下個個都讚good 既無敵家先~

我上網睇左點去架, 不過都係有d麻煩野出現既~
路在口邊者, 問下人lor~!
終於都成功去到喇~ 果時10點幾到喇~
我地唻食早餐架~, 不過都有幾多人同我地咁諗
好彩都唔係好多人............

等左3-4個字到, 終於都有得食喇~
入到去唔係好多麵揀, (我都忘記左我叫左咩喇)
佢個玉子真係超好味呀.............係我食過咁多間拉麵最好食既~
個湯頭就同其他2間差唔多! 而且佢係粗麵唻架, 我唔係咁鐘意呀~
都係鐘意一籣同一風堂多d~

食完野, 係池袋周圍行下..........

其實都冇咩特別野行, 因為我地都係唔多行商場既人
但池袋就比商場包圍住.............

行到唔想行, 返返新宿lu~

Day 3 - 新宿晚

呢個TRIP 我諗我要打到傻............到唔記得哂D野....

2011年9月21日

上回講到我地去完六本木, 睇完一個咁靚既夜境之後

就返返新宿喇, 我好想去TOKYU HANDS呀~
不過噚日唻close 左, 我地就返時間唻,
因為係新宿南站, 好遠架~

真係冇令我失望, 我買到d好靚好靚既3d post card 呀!
仲係我最愛既熊貓同企鵝仔tim~ 雖然有d 貴~ 不過真係好得意架~
我早幾日見到香港有得買, 不過就冇咁多款
而且貴過我係日本買一倍咁多............

好彩我有個地圖王lor, 我想去既地方,
基本上有一個地圖都有人可以帶我去到既! hehe
我地去完新宿南, 又要行返去新宿西
為既就係天"當", 自從上次我地係日本機原巧合下食左一次之後
就難忘佢既天婦羅喇...........
而新宿分店, 就只在新宿西!
唔好睇少, 新宿其實真係好大~ 好似油尖旺加咪咁大~ 係真架~

好辛苦先搵到, 去到都9黠幾, 好彩未close,
唔係咩心機都冇哂!

我地坐低, 以為要出去買架, 傻傻的行左出去
果個男仔同我講日本, 我側頭? 下?
佢就問我"中文可以嗎?" (普通話)
我立時開心哂, "可以呀可以呀!"
佢就問我係咪外賣, 唔係坐係到叫就可以喇~ haha 搞笑~

見到佢有新品限定, 松茸! 即叫~ 想食好耐~~~~~~

我只叫左一個suba 者~ 不過松茸真係比我想像中更好食
好香既菇味, 就算炸左都冇搶走到~

有人去邊都要叫既beer~

咁好食, 當然清哂喇~.....keke

食飽飽. 好滿足, 我地當然未捨得返酒店喇~
記得噚晚見到極大既激安堂, 今日見有少少時間
而且仲有力氣(呢個好重要~)

唔入就真係笨喇, 大到傻左~
我地唔係part part 行, 都行左個幾2個鐘
仲每人買左幾千yen 先捨得出返唻~

我估佢係close 12點, 因為我地10點幾行到12點到
見佢開始pack 野~ and d 人開始走喇~
真係好大好多野行, 化妝品, 公仔, 衫褲鞋襪, 手袋, 電器...........其實你想得出既都有得賣!
冇誇張~
係一個好好既night shopping place~ 唔好行新宿市中心果間, 好細~(對比起呢間)
地點係新宿東(korea 街) 副心都線新宿東站附近, 佢入口好似一個停車場既~




品嚐咪我每次都要食既巨鋒就sleep lu~

Day 3 - 六本木

哼, 我係唔會放棄架! 我唔會, 一定會打哂個冇人睇既遊記既
因為呢個TRIP 係一個好有紀念價值既6週年trip

-----------------------------------------------------

2011年9月19日

上回講到我地離開左秋葉原就要去六本木,
今個trip 我地想去d 我地之前未去過既地方~ 東京太大~ 總有地方要去一次~

唔去唔知, 原來六本木係好多野行.....

係秋葉原就去六本木好方便, 因為銀座線就到~

其中一個我想唻六本木既原因係--- 一風堂
當時係香港岩岩開, 多人都爆, 人人去香港食
我地就去日本食! hhohohoho

今次我叻呀, 因為我上左google map 實地行左一次 (實街圖)
所以我竟然可以係完全冇行錯路既情況下帶俊仔去到~ 叻~

我唔係唔想去近d, 不過東京只有六本木既分店~

呢個係白丸, 我記得係10算既情況下, 呢碗係要70 幾80 元架,
不過日本既餐廳好, 食品好都唔興加一
可能係因為要比食品稅 (當加左一, 實際平過加一)

我食完果一刻覺得好食過一籣~ 個湯頭就一樣既~

六本木街頭.....

食完一風堂lunch, 就想去六本木山, 我知係可以行過去架
(行幾耐忘記左, 不過都唔會太遠)

係我地應該係到左六本木山既area 入面, 因為太大
見到cold stone, 俊俊話想食, 因為香港冇, 上次係台灣食過好食(但香港依家又開左?)

我都忘記左係咩味道, 因為佢果d 日文, 我是旦點左一個架ja~
佢地炒雪糕果時好開心架, 因為佢地會一路炒一路唱歌
係每一個都會唱, 仲係唔同既歌~真係食果個都開心哂~

六本木山.............都幾大~

行左一陣冇野行既商場 (我地唔係鐘意行商場人)
去我想去既朝日電視台~

好多叮噹呀

朝日電視冇台場果個狗狗電視台咁大, 而且冇咩行tim~ 又唔比上去參選既
影左幾張相hea一陣, 因為我地要等天黑呀~

LV前一照, 名店走廊

終於都天黑喇, 我成功叫到老公陪我上去展覽台,
因為其實都幾貴架, 佢如果only 睇夜境就y1500
再多y500 就睇咪水族館 (小型)
我老公知我一定要睇咪架~ keke~

好黑呀個小型水族館

因為黑佢打d 燈落d魚到好靚~~~~~~~~

仲比我見到一隻好cute既小魚? 佢全個area都係呢隻野
起碼離遠睇, 我以後係科斗, 但睇真d佢有手手腳腳架wor
我又以為係就變青蛙既科斗喇~
再睇真d, 隻隻都係咁架wor~ 唔識大架喇? 好搞笑呀~
我一直聽到d 日本人叫"kawaii~~~"

佢太可愛喇
有真既可以買返屋企養..........睇圖佢就好易養!
如果可以拎返香港都有少少衝動!!!!!!!



真既買唔到, 咁只可以買隻公仔望梅至喇~
俊仔話我應該真係好鐘意呢隻野, 因為我絕少會買公仔! (接近零既%)

係好細架ja, 睇小小魚, 再睇可愛隻野!
之後就搭笠上去展覽台睇東京鐡塔!
好認真, 我對近睇呢個東京鐡塔真係一d 興趣,
但係呢個遠境又真係幾靚!

可能日本d 屋都比較short~ 咁就更加特顯東京鐡塔既美麗!

佢有個nemo 魚缸, 個個都好似我咁影相架~ haha
唔知佢原意就係咪咁呢?

記得次前係千奇百趣睇過日本有個地方係可以睇到2個東京鐡塔
一個係真既, 一個係馬路
我相信就係呢到, 不過角度問題我影唔出
不過真係好靚!!!!!!!!!



好似星星呀~ haha
我地係到hea左一陣架都~