台北2013 - 西門町 台北車站

2013年7月1日

最後一天, 決定係西門町同台北車行下就算喇
雖然我地好夜先搭飛機~ 係酒店BOOK左車, 7點返到酒店就得喇~

我地11點先起身, 真係好眼訓呀...........
因為唔知點解噚日唔知搞咩都成2點幾先訓.....
12點先出得門口!!!!!!!

放好D行李之後就出發去西門喇~
好快者, 幾個站就到~
其實我唻呢到都冇咩目的架, 主要真係行下
搵下者係, 因為台灣SHOPPING 真係唔係幾岩我
就好似返大陸shopping 咁, 點會買到野?

去台灣, 我最鐘意就係食~ 燒+ 邊爐, lunch nt 490 一個人任食
算係咁架喇~ 仲要好多野食架,
仲有beer, 又有hagen - daz .....幾好~~抵食喇~ 所以都好多香港人唻

慢慢食都2點lu~
噚日係士林已經見到呢個豆豆機, 想要, nt10一次咪玩下
咪知佢好易夾, 不過個夾就勁奸,
未到個口就已經放口............次次都唔得~ 俊仔都試左幾次架喇~ 都係唔得~ haha~ 算喇~

經過戲院, 睇睇個時間, 咁岩有場wor
我地又冇野做, 睇場戲喇去~ haha
我估都冇咩香港人去旅行會去睇戲架喇~



睇完都4點幾5點喇~
仲有少少時間就去台北車站買咪個蛋糕先喇

因為我地之前係住台北車站
我問俊仔仲記唔記得點係西門行過去
點知佢真係記得wor.........幾年前既路都仲記得!!! 好勁呀!!!!!!

我專登想去台北車站入少少果邊個間食胡椒餅呀~
勁掛住呀~~~~~~~~~~俊俊又記得點去wor~ 真係勁愛你~ haha
次次都新鮮出爐, 真係勁好食~ hehe

再係台北車站附近搵食~ 有人話未食o仔麵wor,
是旦入左一間, 原來真係唔係是旦入一間都好食架~
呢間就麻麻地喇

要快去完成咪最後一個task就返酒店搭車喇~
查理布朗,
自從上次有人唻左佢d 蜂蜜蛋糕比我食完之後
我就鐘意左喇~ 今次一定要買返去~~~~~

佢真係唔易搵呀~
佢地址係台北車站微風~
我地去到台北車站, 係地圖係見到有微風, 係台北火車站入面
但認真的睇指示牌又唔見有wor.........

最後係台北車站行唻行去都係要問人
佢唔講我都唔知原來係果到~ 有條手信街~
幾經辛苦, 終於搵到喇~

就係呢個位入, 台北車站大堂~~~~~~

仲買左個好食toast~

係時候返酒店去機場喇~
酒店d人話去機場要1個半小時,
上車問司機, 佢話要50分鐘~
點知...................半個鐘就到喇~ 我地早左勁多就到左機場

2個29" 好勁呢? haha

早一日已經收到佢地話香港打風,
都有d擔心會唔會返唔到唻
我見到好多機都delay呀~ 我都好擔心~
好彩可能我地本身都係夜既, 所以都可以正常飛~



好準時就返到香港喇~~~~~~~~~~~~~
又要返工喇~~~~~~~~~~~~~~

台北2013 - 士林夜市

2013年6月30日

ok~ 終於正式我地既台北旅行?!喇~~~~~~ hahha
係中壢搭左9個字火車, 終於唻到台北火車站
但由於我地係去士林, 所以再要轉車....
搞到成9點半先到酒店

我地住果間係士林夜市附近, 我專登揀住呢到係因為我知道會搞到夜
如果再住台北車站或西門既話, 咁就冇時間
住士林既話, 行幾夜都唔驚喇~~~ hehe

呢間叫星美飯店, 都唔平架.......都要hk1000一晚架~
不過overall 都ok既~ 雖然佢個樣就殘d~~

放低d野就立即出發市林夜士~~~
佢中間果d檔仔未出唻呀~ 唔怪得咁好行喇~ haha
原來未夠夜~~~~~~~~

因為我地未食晚飯 , 決定掃街~ 最開心就係咁~~~

俊俊日日夜夜都想念既藥排骨, 竟然食唔返果個味道
俊仔一食就話.........唔係! 唔係咁既~~~

士林好似裝修過, 但反而我覺得裝修完仲衰
佢d野分到好散, 搞到我都唔記得自己去過邊到

好多香港人lor真係, 因為有短假期,
香港人最鐘意唻台灣!!!!

之前係捷運對面果個熟食檔搬左去地下B1
感覺上唔知點解少左好多野咁呀~
好多檔都唔見左, 到底係我錯覺定係真係少左?

坐底食一個O 仔作結~~~~~~~

俊仔有買到野, 我就咩都買唔到~  HAHA

返去訓覺覺, 都好累喇今日~

婚攝行台北 - 揀相日

2013年6月30日

其實3日佢地真係好趕架, 要傾野一日,
果日影完相, 已經9點幾10點喇
但佢地仲要揀相執相到唔知幾點比我地揀相~ 真係好辛苦架~
好彩佢地只係港客係咁者, 本地客點都唔會咁趕既~

果日12點CHECK OUT~ 我地2點先開始揀相~
所以去曼哈頓放底左D行李之後, 就又去逛下喇~

行唻行去都唔知食咩好,
最後去左食牛肉麵

呢間三商應該係連鎖快餐店, 見佢都好有system~
個牛肉麵我就覺得普通左d喇~ 都係噚日食果間好食好多~

食完再去行下商圈, 其實真係冇咩特別野行
我不嬲係台灣都唔會買到野架, 所以一d 都唔擔心~~~

差唔多時間, 我地就返去睇相喇
先睇左一次先~ 之後再慢慢揀邊d要, 邊d唔要
佢影左幾百張, 但佢揀左200幾300張比我地
睇左一次我地已經有心水邊d唔要~

先del 第一輪, del淨180幾張~
你要知道台灣個system係, 你唔要既, 底片都唔會比你
要就要比錢買~ 我地個package係包36張相,
依家先覺得"只有"36張係十分唔夠架~
起初去之前, 俊仲同我講, 我地唔好加相喇
因為反正都會去北海道再影~
最後..................唔捨得del果個係佢

又睇, 再睇, 再再睇之後, 我地del淨62張~
嘩~ 我覺得好叻架喇, 好多都係好唔捨得del架~

之後就走左個sales過唻, 同我地講下有咩優惠咁樣
佢話依家做緊promotion, 多買30張有20張電子檔送~
我地依家已經有62張, 者係要買多4張就有多20張~  好似幾抵wor~~~~~~~~~

咁我地就可以再係唔捨得del果到再揀返24張出唻喇~ 我覺得好夠喇~~~~
起碼每個場景都有幾張~~~

佢地好好呀~ 每日都買珍奶比我地飲,
今日仲買野比我地食tim~~~~~ 我好感動的說~

揀相揀相, 揀完仲有一大堆野要揀.........
佢放好多野架, 又簽名簿, 又相架, 又呢又路~
除左揀相之外, 揀呢d我真係冇咩心機揀
因為對我唻講全部都係無聊野~~~~~~~~
所以之後我都呆呆地, 咩都比哂俊仔決定~~~~~~~



搞下搞下搞到7點幾~
嘩~ 揀相幾個鐘 都累過噚日影左12個鐘呀~~~~~~

好喇, 我地要走喇, 講真, 真係有d唔捨得佢地,
因為佢地好似朋友咁對我地~ 感覺真係feel so warm呀~
可能係一種手法都唔定, 不過最緊要比得開心lor~~~~~

我地去左火車站, 要去台北喇~~~~~
再見喇中壢,  雖然我應該唔會再唻, 但我一定會記住呢幾日既happy moment既~~~~~



----------------------------------------------------------------------

我真係超期待睇果D相呀,
而且我真係覺得我地去影多係一個非常正確既決定
因為去北海道得一套婚紗再加一套Casual wear
我冇咁多個造型睇之外, 原來feel and 景都好緊要~
而且我睇相果時已經好鐘意d相, 同個feel~
我真係好開心呀~~~~~~~~~~~~~~~~~
雖然要等2個星期先有個draft睇~ 我真係等唔切呢........

婚攝行台北 - 拍攝日 愛神

我終於都打呢篇BLOG喇
我係懷住一個好興奮既心情唻打呢篇野架
因為我覺得自己真係冇揀錯婚拍公司
雖然佢都係D好公式既野
但我地遇到個好好既攝影師.......福哥!!佢應該係做左好耐果D
我估40歲左右喇, 但好難得既係, 佢仲係好有PASSION
同佢去影相, 真係feel 到佢pro而且又搞笑~ 個氣氛會輕鬆一d~~
真係好多謝佢, 教我地擺pose, 點笑係最靚....

2013年6月29日

果日一早就有意外出現, 本身我地好早就起身
但點知想出門口食早餐既時候就...............
發現大門唔知點解反lock左....搞到我地出唔到去
之後我打返去婚紗公司求救, 等左半個鐘先出到唻~
就係咁, 都係遲左少少..........

先set頭化妝~ 第一次見自己咁鬼濃妝, 不過的確一上鏡就咩都flat哂~
俊仔都係化............有人同佢set頭......幾好

終於都化好左第一個造型喇
我send比佢地睇, 多數都話我好似成熟左d
不過影d相出唻又唔會, 都ok既~~
我覺得有唔同既造型試多d野先得架ma~
個個style都一樣咪唔好睇lor~....
我真係全部比哂造型師 - VIVI 話事架~ 佢話咩就咩.....我都ok~ 我幾好?! haha

我地先影studio入面, 佢好大架, 有2層係studio~
起初都唔係太慣, 有d生硬, 不過我天生就唔驚鏡頭既
所以好快就冇事喇, 笑得好自然架~
不過俊仔就笑容有d問題, 佢不嬲都唔係幾識得笑~
我意思係對鏡頭笑, 露齒笑正正就係佢既weakness喇~
希望佢慢慢習慣下喇~~~~~~~~~

我都唔知影左幾耐影到幾點喇
佢地就捉左我去換衫換妝
(我完全地100% 信任佢地就可以架喇, 都唔洗知要做咩架~ haha)

本日最鐘意既一個造型,
由個頭到件婚紗我都超鐘意~ 一流呀~~ 好young 好靚呀~
果然帶color con呢個選擇係正確架, 對眼真係bling好多架~

我地要比租車錢, 其實都幾多其他洗費
租車喇, 入地費喇, 呢樣果樣, 如果你忍到手咪得lor,
如果唔係好多時都會覺得, 唉~ 唔緊要喇~都預左~ 洗下洗下就洗大左~

我地去左一個叫做 --- 愛神既地方~~~
呢到係台北至台中一個叫大石既地方
由中壢去大約要50分鐘~ 都幾遠架~
我唻呢到係為左佢個似沖繩果個教堂~~~~~~~

入場費都幾貴, nt2000 5個人.........都係果句, 出得唻行預左要還



佢唻到2012 年4月先開始服務, 係專起唻咁用既! 婚攝用
如果香港有地, 其實都可以考慮下起
因為講真幾好搵架, 佢起完之後就完全唔洗repair咁

我眼見佢d野已經開始好殘, 但冇所謂架
因為佢地會ps架ma~~~~

入面真係有好多情景架~
我估攝影師會就返你個style 再搵下景.........
我個福哥就影左下面幾個

呢個係最唔鐘意既, 因為好多人影.......而且唔知呀!!!!!!
但我地都揀左一張..........


呢架車, 福哥同我地影左一張我超鐘意既~
都係佢教我地擺pose~ (雖然都係果d 行野)不過真係勁鐘意lor~~~~~~

呢個希臘風反而冇咩特別.........我地好似都係揀左一至兩張

終於都到左我的最愛 -- 教堂喇
我地揀左好多張相呀呢到, 張大相都係揀左呢到呀~
因為好多張相都真係好靚~ 我冇後悔唻左呢到呀~

雖然眼睇好似幾舒服, 冇咩野,
但當日真係勁曬lor~, 我地2個真係曬到勁噴汗
裙入面已經係濕哂喇...........

個太陽真係對我地太好喇~




影完出面, 再開門入入面...........一開門.........
嘩~ 熱到呀~~~~~~~~~~~ 係個焗爐入面咁呀~~~~
因為佢果d 玻璃吸哂d太陽........再有溫室既效果
但為左d相, 我地唔可以怨一句,
而且為左已經見到汗如雨下既福哥又訓地又躊, 我地要做好d....快d影完~ 大家happy~~
估唔到出唻既效果係非常非常咁好~~~~~~~~~ 一百分滿意!!!!!!!!!!

去花田影左幾張, 得意相~~~

呢到呢個湖, 福哥問我"敢不敢?"
我二話不說就走上船~~~ 當然有人睇住我喇
呢條船其實好輕.........感覺唔多穩定架,
我自己一個都仲好d呀~~~~~~~
俊仔上船果時, 我地2個都勁驚lor~~~~~~~~~ hahahaha
好彩最後出唻個效果都係勁好lor~ 好彩有上船者~~~~

 

 

之後就去左換衫~ 佢入面有一個換衫既地方~~
可能我果日已經晏左, 冇咁多人架(以下係官網相)
都幾方便~~~



又搵地方影下相!!!!!!!! 呢到好似叫韓風~~~

之後影左幾個境我都覺得麻麻地既, 不過就因為個構圖都幾靚~所以買左幾張
最主要係因為條裙而買的~~~~~~~~~

影完就再換衫出發去海邊喇~~~~~~~~~
由於福哥話想影日落, 真係安排到d時間岩岩好, 唔遲又唔早,
去到咁岩好日落, 可以岩岩影到個好靚既咸蛋黃呀~~~~

福哥有Passion在於, 佢係第一個衝去set好哂d 鏡頭既人
仲不停叫我地快d........因為我地去到已經見到個日落
真係電光火石之間, 日落只有10-15分鐘
就係呢10分鐘, 我地好快就影左好多相
而有好多張都係好靚架~~~~~~~ 太愛福哥喇~~~~~

影完之後我地就返返去公司lu~~~~~~~~ 影最後一個造型
佢地不停同我地打氣, 話我地辛苦喇
其實我真係唔覺得辛苦, 反而覺得好好玩tim呀~~~~~~ haha
最辛苦既係佢地呀~~~~~~~~~

黑色呢條係我揀既~ 而且俊仔超鐘意lor
佢地真係揀到f時間好岩, 我地影到最累就完既時候
就影d 要冇表情既相, 岩哂喇~ 想笑都唔識笑喇~~~~~~~~ hahahaha

俊唔到我地都係有影cool cool既相, 不過就叫左佢唔可以tune到d相暗暗的~~~
我地想colourful d~~~~~~~~

搞掂哂所有野已經9點喇~~~~ 咁就12個鐘喇~~~ 開心既時光真係過得特別快~~~~

其實真係唔太累, 但因為噚日已經去左夜市喇又冇咩特別,
所以今日就係附近食好喇~~~~~~~~~

食物就一般般喇,
返到去洗左2次頭先洗到d gel~ 搞呢搞路, 1點幾先訓lor