近況

嘩..........我睇返blog先知自己有幾耐冇打過生活blog.....

冇計呢幾個月搞結婚架野, 又真係忙左少少....

依家做左人妻一個月喇, 有咩改變? 

冇咩架, 要自已洗衫煮飯, 拖地.....好多野做 (但我都唔係日日做....XD)

所以改變真係唔大, 我估最大既改變係, 好唔習慣冇左屋企人係身邊

以前係會好想離開佢地自已生活, 但當真係要自己生活既時侯

我就成日返娘家.....hahahahaha

不過兩小口子擁有自己既小天地真係好開心, 起碼我可以揀自己鐘意既傢俱

打做我地既安樂蝸......(雖然諗起2年後要搬就好很煩....)

俊仔都好用心都整我地屋企架.......

我早前又學人係淘寶淘傢私, 有d 真係一d 都唔會平得過香港

但我又搵到物流公司既運費唔貴, 但就唔包上樓

我鐘意左好耐好耐好耐, 一直既夢想就係有一張公主化妝台, 

終於都比我買到, 我真係好開心, 好多謝老公比我任性!!!

佢本身係包安裝既, 但由於係大陸, 所以我要自已裝

佢地3個男人, 係冇咩說明書(有=無既說明書)既情況下

整左5個鐘,. 終於都裝完喇, 好靚好靚...........雖然有人整壞左少少野

搞到唔係幾完整, 好彩店主免費運返香港比我....

希望我好快可以打我地既honeymoon trip - England 喇~~~

(但我發現我之前果幾個trip都係semi finish 架.......真係一d 都唔好意思....hahaha)

927 Big Day

籌備左2年, 終於都完成左呢個超級大project~ 一生人真係結一次婚好喇(彩)
真係超級多野搞呀~婚前一個月真係大壓力到呼吸唔到….訓唔到…..
但好彩我有一班好幫手既兄弟姊妹老公, 真係幫左我唔少架~

到真係big day 果日, 我真係輕鬆過現場所有人
輕鬆到個化妝師都問我點解我可以唔緊張? Haha 唔知呢
我之前planning, 果日我就咩都交哂比佢地理,我真係唔多理架喇….
雖然漏野既情況就梗係有, (果日最大既漏就係唔記得左拎件婚紗去男家, 搞到時間上有少少遲左, 但最後都當然解決到)
控制唔到既人都有(明明果d人有自已既工作岡位, 但唔見左人)…..但我都放開d, 冷靜d一定有解決方法~
而果日好多謝我一班兄弟姊妹既幫手, 可以叫好順利?咁完成左呢個project~~ 真係好感瀲~ 眼見果晚最開心既係我地既爸爸媽媽, 其實所有野都抵返哂

好開心係我未收到相之前收到呢一d 相, 係一個兄弟女友, 全程跟住之後幫手影既,
雖然唔係pro, 但已經可以解下我既睇相之苦

老公斑彩虹兄弟...........

呀伴娘個表情真係好正, 一睇就知唔係咁易對付喇!!!!! hahaa

攝影師要求咀住轉, 真係轉到我頭暈.............

我架型爆花車!!!! 出到銅鑼灣成功吸引途人既目光,
仲有人問, 呢架係咩車tim~~~ hehe

係伯大尼我換緊衫果時, 兄弟chok 住影,,,,,,,好想睇.....XD

爸爸帶我入場, 佢仲緊張過我, 律師教佢慢慢行, 

我話行慢d, 自然d得架喇, 佢就一路行, 一路係到數腳步 1, 2 , 1, 2.....

真係笑死我.......我話自然d得架喇......

我知佢係好開心既

我一去到酒店見到自已個backdrop 出現真係好開心~~~~ 因為同我想像中一樣咁靚~~
好多謝V8 不停咁聽我意見, 又比我改咁多次......

photo corner 果個魔天輪就成為左目光, 連我見到都覺得好靚

呢個係unexpected 既, 好多謝V8 借出呢個咁靚既魔天輪比我地

仲好細心咁印上我地既logo 同熊貓~

photo booth~ 雖然唔清楚, 但配合返個主題.........好靚~

我都見到photo booth 既重要性, 好彩有整, 當d人好悶唔知做咩既時侯

新人又忙影相, 咁d 人就可以去photo booth 影相......

再加咪pops , 咁就好好玩喇~~~

呢個小小candy corner 係我自已整既, 糖先已買, 樽都係~~

不過唔係好多人食.......haha~ 

全晚最鐘意呢個造型, 好elegant 好靚~~~
好多謝我既化妝師jenga~ 果晚個個look 都比人話靚爆呀~~

超級超級鐘意呢張相...................我的16位兄弟姊妹, rainbow 加上個backdrop

好colorful 呀~~~~ 個個都好開心~~~~ 好想快d睇到攝影師果張.......

唔知幾時有相睇呢?

2014復活節 - 中山溫泉

今個復活節真係特別HAPPY
有4日連假~
就算係返大陸, 去左2日旅行都好好架喇

同成班人去玩既係去邊都咁好玩~
去左中山溫泉, 就算係一個冇野玩既地方
打下tennis, 浸下溫泉, 食下玩下都好好呀

果日約左9點等, 點知我遲大到9點半先到
好彩係10點船者~
上到船食左個早餐, 訓一陣傾一陣好快就到中山港
中山港再轉車去雅居樂, 成9個字架, 又再轉車去中山溫泉
真係好轉折呢

去到未陪鐘拎房, 去食野, 之後就可以返房休息再出發
集合左之後就發現, 原來呢到係冇野玩架
係一個勁hea既地方~
(俊仔想打golf架, 但太貴喇, 要成900一個人, 所以佢話下次兩個人唻玩)
最後比我地問到個室內網球場返唻~ 好搞笑~雖然好貴~
成200一個鐘, 不過咁熱打室內會想死架
而且大部份人都未玩過, 當玩下喇~
估唔到個場都幾正~ (雖然開始果一個鐘冇冷氣)

打左2個鐘之後, 我地就返房沖涼
再出去市區食飯

勁搞笑, 一開始我地都冇頭緒食野,
見到有一間野叫惹味野味
我地唔敢入呀~ 點知呢個時候有個呀太同我講
好好食架~ 食小菜架ja~ 唔洗驚~
我只係問左佢一句, 你係咪香港人呀?
haha 香港人唔會厄香港人既~ 就信左佢
仲叫佢介紹左幾個菜比我地~
食完就覺得陳太真係冇介紹錯!!!!!!! 好好食!!!!!!!!
最好食係個陳皮豬手~ 超好食!!!!! 食到耍再encore tim~去

去左超市買定宵夜就返酒店喇

返房換衫就出發去溫泉喇, 因為佢閉1點, 夜d冇咁熱又冇咁多人
我地8個人, 見個冇人既池就走去成個池用哂~ haha 好正~
最搞笑係仲有得玩冰火呀~ 佢溫泉旁邊就係泳池, 係凍水~
成班人浸完溫泉個人熱哂就走入去泳池, 好爽!!!!!!!!!!!hahahaha

返房大覺訓~ 呢到最嚴重就係蚊..............超勁多!!!!!! 好得人驚!
真係要有蚊賬先訓到覺~

第日我地冇起身食早餐, 出返去市區食返陳太推介
之後就決定去深圳按摩..........咁就唔會唔知時間點用喇~
3個小時既車程就到喇~















按完仲去左我想左好耐既海低撈打邊爐呀~ tomato!!!!!!!
超正~ 仲介紹左比佢地tim
最搞笑係我地吹水呀輝生日, 佢就送左個果盤比我地hahaha
















之後2日睇左戲係屋企HEA左成日!!!!! 休息夠又要再搵工~

哥哥結婚了

 

2014年1月14日

 

我哥哥終於結婚喇, 原來睇住一個識左十幾年

好熟好熟既朋友結婚, 真係會好感動架lor........

睇住佢地既prewedding vedio, 我同fiona講

我仲見到佢十幾年前學生look果個樣呀, 冇個樣都冇咩點變

依家又話要結婚喇, 嗚, 真係大個仔喇...嗚.....

 

呢個哥哥真係令我又愛又恨呀~ haha~

我地曾經有個一段好曖昧既關係........

我曾經以為佢喜歡過我(有冇我真係唔知架, haha)

中間曾經有幾年冇聯絡, 但一見返又會好似以前咁....

 

講返噚日先...............

 

我地放左工就一齊搭車落尖沙咀

因為上次去煌府飲完, 印象唔錯~ 點知今次係咁差

原來真係間間都唔同架d質數

 

服務冇, 服務員質數差,

食物差, 魚又鞋, 雞又冇味, 個燕窩又唔似燕窩,

個場又迫又細.............

係, 我認我要求係高, 所以我睇場都睇左幾耐......

我最最最基本既要求只係每一個人客都可以睇到個台

因為自己做坐上客就會覺得好緊要~ 雖然話有電視

但參與感會低好多...........

 

仲有一樣野, march in 果條路我去睇場都一定會問架~

如果太短我唔會接受~!!!! 我真係一個麻煩人

哥哥佢地好似10秒就march in 完~

(佢地又行得快.....我會提自己唔好行咁快.....)

march in 我覺得係好感動時刻, 10秒行完, 感動個屁~

之後都係果d 罐頭野..........hahaha

 

其實佢上菜都好快, 我地食到10點半就可以走人
同哥哥影咪相就走人

祝哥哥同嫂嫂百年好合, 快d行返個仔仔比我地玩下~~

豐富聖誕節2013

係francis bb未返美國之前就捉佢去食最後的午餐
推介佢地去hyatt 食tea buffet~ 個個都叫好呀~~
希望我可以快d可以去到美國睇你
其實最快你下年都會返唻飲喇 XD~

 

 

一飛就飛返去平安夜~

平安日有得早放~ 同同事食完lunch~

返屋企hea一陣俊仔就放工喇~

我地2個再係屋企訓左個午覺~~ wahahaha 好爽~

再起身出去食dinner~ 因為book左係大角咀食者~

 

ok果間食過一次覺得ok~ 聖誕節又冇指定要食聖誕大餐最難得

一坐低, 俊仔就比左個驚喜我~ 因為個waiter問: 黎生, 你係咪訂左板加拿大海膽?

hehe~ 俊仔真係乖~ 記得我鐘意食咩既~ hohoho

咁樣食海膽都係第一次, 真係幸福到暈左係到~

佢同日本海膽最大既分別係佢就爽少少, 冇咁creamy 但都一樣咁甜咁好味~~

 

 

呢到另一樣主打就係生豪刺身~~~~

揀左4款豪, 美國, 南非, scottland, 同法國

之前一直都有聽人講法國豪係最好食~

原來係真架~ 入口竟然有3重味道~~ 好神奇~ 其他都好好食~

食完生冷野食個steak................好失敗!!!

呢個係聖誕set 點解可以咁失敗, 我叫5成, 佢唻左welldone

仲要冇咩牛味, 一d都唔juicy~ 唉~ 幾百蚊架大佬!!!!!!!!!!!!

好想投訴, 但俊仔話算~ 睇在聖誕節份上放過你

聖誕節正日去左開party~ 總係覺得聖誕一定要開party先開心架

下年應該會係我地屋企~ 咁咪唔洗飲酒lor~ hahahha 你地冇藉口喇ma

唔講唔知, 原來今年係我地最後一個單身既聖誕

但對我唻講冇咩特別, 因為單唔單身, 結唔結婚我地都一齊過架喇

哂氣~~~~~~~~ hhahahaha

 

朋友是要一起歡笑的~ 開心沒有人分享, 是不會快樂的~~!!!

是晚笑到聲都沙哂~~~ haha

 

難得聖誕有一日空閒~就同左屋企人去tko 睇下monchichi
好耐冇影過家庭相喇..........

成個聖誕都忙緊結婚佈置d野.....唉~ 一係太貴, 一係太普通
我地又有自己idea wor~ 睇左3間都未有心水~~~

11月尾

11月尾都好多節目架~

 

先係去左科學館睇巨龍傳奇

一去到科學館天橋已經好有驚喜

有隻好大好大既會move恐龍~ 雖然近睇唔係好真~

但遠睇真係好得架~~ 好surprice~

 

 

可能果日星期6, 都好多人排隊入去呀

好多一家大細~ 但係好快就有得入喇

起初會有d model睇~ 好得意架wor (如果係真就當然唔得意)

再之後就係恐龍骨~其實識左好多之前唔識既恐龍名

但我又會記得幾多呢?? haha~ anyway~ 我覺得好好睇~

星期日, 問仔爸爸既surprice? party~

haha~ yan想比問仔一個驚喜

叫我地約人, 我地都係叫到幾個人~ 算係咁

去左一個未去過既魚排~ 都ok~

雖然好似就貴左少少~$220一個人~

 
 
 

                                     唔包打牌~ 但包釣魚




佢一人分左一份釣魚用品.....之後我地玩左一個鐘
我..............一條都釣唔到, 佢地個個都釣到一條
雖然我地都係玩下又唔會食~ 不過真係幾難釣架~

釣完就開始BBQ喇~


玩到7點幾就搭返大飛出西貢碼頭去旺角食飯
中間發生左一件我呢世女其中一件十分"魚"既事
話說我地搭車去到旺角, 之後大家一齊出左車
但間CAFE其實係油麻地果邊, 所以叫返佢地去油麻地果邊落
我就細細聲同呀俊講: 你地去cafe先喇, 我同呀yan去拎蛋糕呀
之後俊仔好大聲, 係好大聲: 哦~ 你地去拎蛋糕呀~ 咪早d講lor
我果一刻真係好想搵個洞走入去~~~
問仔就係我後面ja, 你做咩咁大聲?
yan話我比俊激到成塊面紅哂~我果一刻真係腳軟
成個人蹲左係地.....唉, 比佢激死我喇
 

 

去到cafe, 因為當日係史既正日生日

所以問仔話要同佢一齊慶祝wor~ 仲一齊叫candle tim~

笑死我地~

cafe同我地影左張即影即有, 後面有隻眼睇住我地

佢地話呀史係到睇住我地~~hahahaha

 

星期二, 終於都等到~

frances老公係美國唻左~ 第2次見~
frances話佢好靜, 唔係呀~ jesse好talk得架wor~

 

我地book左大喜屋, 但由於未夠鐘

所以去1881影下相先~

終於都有4個人既合照喇~等左好耐喇~

 

jesse食完大喜屋話佢食果d刺身係佢食過最好食既

更加會因為咁樣鐘意左香港~

咁就多d返唻喇, 等我可以見多d frances呀~