小車

2010年10月15日星期五

台北之旅 day1 淡水

係台北車站買左張悠遊卡先!
佢問我地唻台灣幾多日, 我話4日, 佢就Suggest我入NT400
(佢真係好勁架, 真係夠用到岩岩好)
悠遊卡係可以退架, 所以好怕麻煩既我地去到邊都係買佢地既嘟嘟卡架~

出發去淡水! 我唻過咁多次台灣, 前2次都係同屋企人同跟團, 都好似冇去過咁既
(由前年第一次自由行開始, 就愛上了我行我素, 真係好爽架
自己想去邊就去邊, 最大既問題係! 知道同記得自己去過邊!
我去過2次台灣, 唔係好耐之前ja ma, 我已經唔係好記得自己去過既地方
但可能自由行要自己plan哂d野, 仲要自己用個腦去記下路, 好易記得)

其實台灣捷運同香港地鐡差唔多, 係差唔多簡單! 一睇就知自己去邊搭車
對比起日本既jr, 真係簡單到不得了

咁易搭, 當然好順利就去到淡水喇, 搭左近35-40分鐘車
不過有少少遠咁喇, 不過係一個好地方! 遠都係值既

紅頂車站好靚! (人就唔好睇喇, 果日好死眼訓~)

淡水街頭.............

行緊街既時候, 見到有排長龍
(我地呢d唔會執輸既, 咩都會走去8下先架喇

, 有好野唔執真係笨lor)
果然係好野! 我地起初見到個個都叫冰火, 應該好好食試下咩唻!

咪菠蘿油lor~

咩冰火者! 新鮮出爐既菠蘿油! 冇錯!
(係香港死都唔食, 因為勁肥, 但一出去就將個limit set到勁低lor, 低能

)
不過不可不認既係佢的確同香港果d係有分別架
香港果d菠蘿包係勁多包同上面果d脆脆呀ma~
但呢個呢就個包唔係好勁厚, 上面冇甜既脆脆, 不過都係脆脆的! 好味!

行到街既盡頭就會係海旁喇!
其實海旁好熱鬧架, 好開心呀~ 仲有好多碼頭去八里, 漁人碼頭
我地唔知8里有d咩, 所以去漁人碼頭睇情人橋~

佢都唔知係唔係碼頭, 幾間船公司用同一個碼頭
搞到我地d人都唔知去邊到!
因為我地係用悠遊卡, 去邊到得!
但買飛果d, 就真係行唻行去............

船程都唔近架, 我諗有15-20分鐘, 係呀! 真係幾遠架
不過咁靚, 都係值既! 船票一程NT50

身後就係情人橋喇

你睇下幾熱鬧, 係台灣去到邊都可以食到邊~
有一個溫馨TIPS, 因為我地係呢到見到以下豪大大
係士林好勁果間呢, 本打算夜晚去士林都要食左先
1, 驚今晚冇肚食咁多野!
2, 驚要排隊等勁耐!
係到買都係一樣野, 佢講明一樣

我第一次食! 的確係好大件, 我地2個人都食唔哂 =_=!
不過味道真係唔錯, 佢唔會好油好肥果D, 而且又唔只有粉冇雞

你看...........多美! Hea到入了黑先走.............

搭返船返淡水街口, 行第2條街出捷運站果時
見到呢個搜奇博物館, 我見到佢個門口好正
都有1516入唔入去好呢! 最後都係入左去
haha, 入場費nt60! 我覺得入面真係好多好搞笑珍奇既野睇架~ 都值得一入~

行完呢到已經8點幾喇, 我地2個spot呀!
要走喇走喇..............

gogogo美麗華!

ps, 本身係驚唔夠時間去士林, 想唔去美麗華架
但我點都唔肯, 因為我真係好想去坐個勁大wheel呀~
當然最後係我win架喇

台北之旅 day 1

好想keep 住一年去一去旅行( at least呀~) 今年我其實真去左好多旅行...
自己都覺得有d多, 下年只可以去次ja~ (冇$呀)
今年3月, cebu, 6月, kenting, 10月, taipei...每3個月去一次...
下年開始就唔可以咁架喇~

又想飛一飛喇! 今次又係去台灣, 不過係去台北
本身好多地方想去, 不過就因為冇咩$$, 只可以去d 唔洗點洗$既地方喇!

講返今次個trip先~ 因為我地搭10點幾機, 所以都唔洗咁早去到機場
不過都要8點幾架, 因為要去拎group tickets 呀~
去拎完飛之後就仲有好多時間, 去左T2 食個早餐先喇~
因為T2 先有茶餐廳呀ma

搭中華就預左冇咩好食, 冇咩好睇
食果然都係唔好架喇, 但係睇ok wor,
d 戲好新wor......雖然一程機睇唔哂, 但一來一回就睇哂喇

食下野, 睇下戲, 1小時10分鐘就搭完喇~
其實桃園機場已經比好多機場大架喇~ 起碼唔係一出就係門口
所以去過幾個亞洲機場, 都係香港機場最好pround of hk~

一落機, gif 都唔洗等 (我地醒架ma, 時間慳得就慳, 用hand carry喇)
出左去搵巴士去酒店, 飛狗係可以去到西門既酒店門口架~
來回都係nt260 一個人ja, 都幾抵wor~
大約一個小時既車程就到酒店門口喇~ 幾好~

我地今次住既係儷萊飯店, 我之前上網見過d人話佢好唔得
不過我自己體驗過, 呢個係平既價錢應該有既質數
佢地理位置其實都ok既, 佢係台北車站同西門町中間~
又唔會嘈, 係附近冇咩食同行, 要行少少路出返去台北or西門

一入到去lobby都ok既, 唔算係太差既! (大陸最差既都住過喇

)
好快就有房喇, 雖然果時已經2點幾喇~
一入笠, 唔..........有一boo味! 好舊果d味呢..........(唉, 算喇, 咁平)
好彩, 一入到房都可以既~張床都算大, toilet 都ok喇~
最最最最最最唔鐘意既一樣野係有一大塊鏡對住張床, 真係好唔鐘意
可能我太勁鬼喇

真係好彩咩事都冇發生過~

放低左行李之後就lala聲去台北車站食飯喇,
2點幾喇, 好肚餓呀~
有男朋友係到真係好呀, 個腦完全可以唔洗用架
因為佢係一個真人gps好勁架佢認路! 對我呢個方向白痴唻講真係天大既喜悅~

有人肉gps, 當然好快就去到台北車站喇~
行入台北車站地下街, 咁岩比我見到呢間"熊貓生活館"wor
佢係餐廳唻架, 當然要入去試下喇

偷拍偷拍...........好愛

唻到台灣當然要飲愛玉喇,
唔係到到都飲到架, 咁當然就算係台灣, 都唔係到到都咁好飲喇
呢個都唔錯, 唔太甜, 但又唔淡wor

係台北車站見到呢個廣告, 我地一見到, 男友就話要影相
因為奪魂鋸, 佢覺得好好笑~ 但係我地諗唻諗去都諗唔起佢香港叫咩名
終於最後一日, 比男朋友記得係"恐懼鬥室"

出發去淡水~~~

2010年10月11日星期一

魚排滑水日

2010-10-10

今日好HAPPY~ 因為男朋友上次去完玩wakeboard,
依家玩左上癢喇, ok~ 雖然只係第2次
我就唔係好敢玩, 好驚死又驚痛!

我地一行6日約左係馬安山廣場等,
之後買少少野飲就搭的士入去喇!
因為我未去過, 但其實原來咁鬼遠! 去到個冇野既碼頭, 要成$60 車錢
我地搭的士去到[榕樹澳碼頭], 係入去既途中勁行山路!
大家都擔心緊唔知點返出唻..........