婚前試愛

婚前三日兩夜，琪琪和澤各自面對一位一百分的男人/女人，拋開一切責任，過程絕對保密，二人又會否接受這場婚前試愛？

睇<婚前試愛>主要係因為係葉Sir, 佢d試愛系列的確唔錯
不過我不得不說
一部比一部差

婚前試愛係講2個就結婚既人,
因為大家既不信任, 而令到大家背叛大家

葉sir既系列, 最正既就係永遠你都會係睇完之後帶到d野走
唔係咩concept 咩感情觀! 而係金句
"十個男人九個滾, 仲有一個仲諗緊"
"維繫愛情既最好方法就係要先hurt左佢, 因為內疚先可以一生一世"
"為一個保守一個秘密, 你就可以控制他的一生"

我雖然唔係好十分認同佢講果既野, 不過都係好句呀

點解我覺得今次部戲差
有幾個原因
原因一, 劇情不合理
佢話琪琪(周秀娜) 係一個不知情+ 飲左酒既情況下同左jack 上床, 好後悔
不過劇情, 佢地飲酒果日佢係好清醒下.........而且仲係做主動果個
真係冇咩說服力

另外, 寶(carol) 巧遇澤, 加上無家可歸,
澤又願意收留一個只有一面之緣既女仔呢?

原因二, 演員演技浮誇
佢地係新人, 我唔可以有太多既投訴既,
不過佢地d戲真係幾令我入唔到戲,
一睇就知係做緊戲,
葉sir鐘意用新人我明白…..
也許要d比時間佢地

overall 唻講都可以既, 反而係d配角特出左..............kaka
唔知葉仲有咩可以試愛呢下?

聖誕節準備篇

平安夜, 當然要扮靚靚喇!
女為悅己者容! 女人扮靚唔一定要係因為男人既
but 有80%既女人都係因為吸引異性而扮靚
女人扮靚化妝, 除左會有自信一點
走係街既時候, 人地望你, 你會覺得因為自己美
因此女人永遠既道理係 沒有醜的女人, 只有懶既女人

我的變化不算太大吧! 有d真係偽裝咁唔係化妝架!
可能係我化妝的技術未到家吧
又可能係本身我素顏都可以見得下人吧..........kekeke

分享下當天的打扮吧

張相因為地下有spot light 打返上唻, 搞到d似鬼呀

毛毛hat係人地係日本買的, 好舒服架(d毛毛好滑)!
真係好適合冬天呀~

呢件粉紅西裝褸係唔知n年前買架
因為鐘意, 唔捨得扔
但因為太紅, 唔多機會著
聖誕節當然要紅一紅佢喇

mini skirt + 過knee + ankel boot, 好有顯瘦既效果呀

正! 可以出發食聖誕大餐...........gogogogo

借東西の小矮人 – 亞莉亞蒂 (Arrietty)

早係3個月前我已經出了--宮崎駿新作
今天我終於都等到佢喇! 我算係宮崎駿fans
由龍貓, 魔女宅急便,螢火蟲, 我就睇宮崎駿.....話時話都有差不多十年

 

講返今次部戲先, 其實呢2年, 宮崎駿都好似改變唔少
思想係簡單左定係商業化左?
上年既波兒令佢有唔少劣評
今年的<借東西の小矮人 – 亞莉亞蒂> 評語我未睇
個人覺得唔夠好!

 

其實佢個story係好架!
宮崎駿既作品, 每一部都一定有一個主題
借東西の小矮人主題story 我個人覺得係
人情味!

宮崎駿係好sell 人情味既人
佢其實每一部動畫都係好full of 人情味
今次主角-- 阿祥 不經意間發現了小矮人 – 亞莉亞蒂
由於阿祥沒有什麼朋友
因此主動想跟小矮人 – 亞莉亞蒂做朋友

可惜, 如果小矮人 一旦比人類發現就要離開

因為人類都唔係個個都係好人
會有人傷害佢地, 為左生存, 佢地不得不走

成部戲都係圍繞住小矮人 – 亞莉亞蒂同阿祥的感情
他們由彼此不可接近, 到最後2人變成好友

唔可以話戲係悶既, 只可以話劇情太易估得到
男友係旁邊冇訓覺, 但係咁叫悶

宮崎駿先生, 我會一直支持你, 直至你終老

 

 

聖誕睇左好多戲呀~ 呼, 仲有幾篇blog要出呀~
有<婚前試愛> , < 小人國大歷險>, <毛百萬>

my first x&#39;mas gift

果日冬至既時候, 收到今年第一份聖誕禮物
好warm 呀! 係from我可愛的老細,
教我如何不愛你

我老細真係好到不得了呀! 佢係我遇過最好最好最好既老細
我真係唔捨得走呀~ 唉~ 反正仲有成年, 一年之後先算喇...........

講返份gift先, 佢話係佢老婆揀既!
我地一人一份架~ 都係hand cream~
Loccitane, 我未用過, even未入過佢既鋪頭 (過份呢? )
所以我對佢product係零知識的!
因為我每次經過就係覺得好臭
香到過左龍就係臭架喇

個盒好靚呀! 好有x'mas feel呀~ 我諗應該都係x'mas box set喇~
唔知幾$$呢?  幾$$唔緊要既, 心意好重要呀!

返家就立即開唻試下喇!
佢分別有3種味!
first, rose..............好香wor, 而且仲係好滑好水, 好易推開架tim~
應該會放手袋喇

second, cherie ! (自己?) 呢個味道有d奇怪(冇食過喇)
唔識得去形容, 我覺得佢唔係唔香, 只係比較特別~ 但個人唔係咁鐘意

最後 一支, 我睇哂成支成盒野都冇話係咩味
就咁只好靠我既嗅覺喇! (講明先, 唔係幾靈架下)
呢個既cream 狀比較硬, 唔係好水! 不過好有feel wor
咩feel? 唔....................好似搽面霜果個感覺!
而且搽左上手之後係可以last好耐架d香味! 仲好滑tim
佢話加左butter, 唔怪得喇! 個質感真係好似butter呀~ 明未呀?
未講似咩味tim............佢似茱莉花味呀! 好香呀! 正~

ps. 我出呢篇post既時候, 應該已經收到第2份禮物from 男友喇
      唔知係咩呢???

怡東酒店 lunch buffet

公司的冬至, x'mas 決定係怡東食buffet
本身係打算係世紀酒店既生豪buffet架~
點知我地太遲book喇! 好多都full哂喇
算喇! 怡東都ok既....................

怡東係望海既~ 不過海境不美................anyway~ 都唔係睇境架喇~

我唔係第一次食呢間, so冇咩suprice架喇!
佢冷盤係比較多既~ 有sushi, 不過唔係好多款
夠食就得喇! 佢唔多款, 不過每次refill都唔一樣架
刺身既新鮮程度有改善空間

凍海鮮都ok wor, 起碼佢d 蝦係好食既! 又大隻~

我仲食左salad, (有我最鐘意既松子呀) 正呀!!!!!!!!!!!!!!!!!
佢唔知係咪因為聖誕呢? 有turkey食wor~ 我好似係第一次食
我覺得冇咩特別lor! 好似雞肉

dessert 方面其實好多架! 不過我地手腳慢! 而且唔食得咁多
(我當然唔係只係食咁少喇) 果2個mararon 抵左喇~
個mini apple 唔好食既.................

佢仲有依家好hit既foren yourget食架~ 不過我冇食呀!
再食就飽哂, 而且呢期成日係街食喇~

其實lunch buffet唻講都幾ok架喇~
我上次係食佢既dinner, 好似要$3xx, 依家lunch $2xx, 仲有8折
d野食同dinner一樣, 咁其實都抵左架wor

多謝老細! merry christmas~~~~~~~~

The ONE - 六本木

又話the one 好多野既..................
其實, 佢唔係冇野食呀! 不過可能係太貴我地負擔不起之ma
係the one 行唻行去, 好多人~
本身打算食果2間, 好x多人~ 我地又餓, 真係等唔到喇~
咁就是旦搵一間喇

其實呢間入到去已經冇咩人............咁都冇野既~可能係佢地理位置有問題者
係menu見到呢個咁搞笑既特飲, 因為太貴, 所以冇叫到~

漢堡咖哩! 個咖哩好普通, 咁都冇野~
不過個漢堡好硬, 明明岩岩整起, 點解咁硬?
唔通唔係岩岩整既? 咁真係好懷疑wor

佢話自己最出名既鐡板飯! 咁我鐘意食pepper lunch架ma
當然要試下佢喇~ 點知個結果係好失望!!!!!!!!!!!!!!!!!!!!!!!
下面呢個係佢menu推介的牛肉鐡板!
佢d 飯好lum, 好似bb食果d飯仔咁
牛肉佢明明specify係咩咩靚牛肉(忘記了)
不過食落係好鞋, 又冇牛味架..............唉
u know, 我覺得pepper lunch好食佢好多!仲要平過佢~
佢係sold for $78 未加一~

我朋友的三文魚!!!!!!!!!!!!!!!!!!!!又係咁既樣~
其實個樣就唔關事, 因為佢一唻會問你洗唔洗同你炒咪
就係你面前炒.............先會咁樣衰既

個跟餐麵c湯~ 一飲就知係用粉開的................失敗

由於佢話依家做緊promo, 甜品(指定) 可以半價~
我地就叫左剛剛係menu見到好得意既雨寒天試下

個答案係----------------早知唔試~
原來係咩味都冇架! 而且果個汁又太甜!
總之就係no good喇~~~

no again~ thx

台灣飲外賣?!

搞笑, 話說今日收到呢個E-MAIL

有趣................
幾有生意頭腦~ 比個叻你!
可惜我公司少人~如果唔係都可以幫襯下既~