Adidas crew love party

2012年10月3日

我的名字你的姓氏!!!

由俊俊開始搵到工作開始
我就決定要結婚了, 其實說白了我是恨嫁
我想早D 結婚架, 一唻冇錢
二唻佢未搵到野做, 當時我個心真係好唔踏實
直到佢搵到工作..............
其實由佢開始同我拍拖已經話要同我結婚架喇
真係唔知邊到唻既感覺, 真係覺得佢係果個會一生一世既人

不過其實係點樣開始講起結婚架呢?
其實係佢媽咪催婚........係呀......原來佢呀媽以為我今年廿九架喇~ 哈哈笑鬼死我~
但就因為咁我地好認真咁諗結婚,
傾日子, 講買樓, 佢爸媽可以support 我地幾多.........
好認真架!~~~

我心目中有一個好完美既婚禮look
我相信每一個女人都一定有
但你會唔會有咁既金錢去做呢? 另一樣野lor~
我開始搵下結婚既budget, 好多好多錢要洗呀真係....
無可能樣樣都要最好, 只可以退以求其次

另一個擇日既問題好麻煩
原來好多好多禁忌........
我原本plan左一個日子, 2014年9月21日
可以夾到我地既a day, 可以唔洗記多一日...haha 幾咁懶.....
但發現理想同現實十分的不符,
因為最好係雙月, 但又唔可以6月
唔可以沖雙方父母同自己既生日月份
咁講法, 真係冇咩幾多個月揀lor -0-
5月- 俊仔生日, 俊爸生日
6月 - 我生日
8月- 我爸生日
9月- 俊媽生日
10月- 我媽生日
我所喜歡既秋天就冇左喇~
好想有人話我知其實係冇所謂既~!!!!!!!!

但係有一樣野係開心既
就係俊仔應承左我去日本影相, 仲要係北海道呀!
係我夢想既地方~~~~~~~~~
雖然我夢想係去北海道睇白雪
不過俊仔話去影雪唔凍死咩?!
所以我就退以求其次影花田喇! ~~~~~ 我幾順德人?!~ haha
呢個亦都係唯一一樣我地一致confirm 左架野.....

2年時間好似好多咁, 但我覺得愈多時間準備
我就愈放心, 你知我係一個好緊張planning既人

依家忙考試, 好多野都未好認真睇
考完就可以放多少少時間去睇
而且可以安排雙方家長見面喇
係呀, 其實到呢一刻都仲係唔係好多人知道
我爸媽都未知~ 因為2年後太多變數
我好認真同俊講我未必一定嫁你ga ma.......

佢地見完, 好好擇個日子就可以正式的plan 結婚架野喇~~~~~~~~


btw, 其實俊仔係未求婚架, 不過我都一早話佢知呢個step一定唔可以慳, 我好重視!
我知佢知道架喇, 上左心架喇, 未知幾時者.............

大阪2012 Day 2 - 神戶港, 四天王拉麵

2012年6月24日

上回講到因為miss左班車, 被迫放棄去六甲山
算~ 比多個機會+籍口我去多次
俊仔見我唔開心主動話"唔好咁喇, 我同你下次唻過" 係你先好講wor....hehhe

我地搭返車去三宮再轉車去神戶站
因為日本地鐡都幾煩, 有幾間唔同既鐡路公司係不互通
所以出發前最好就睇定路線圖, 去到先搵就哂時間喇
而且日本既地鐡我就覺得指示麻麻地~ 最好知道自己要搭邊條線, 問人都方便d

講完廢up~ 開始未呀?

去神戶站既主要目的地係神戶港, 因為睇人d相又聽人講話好靚又有d野行下咁
(最後都係以shopping 為主要目的)

我地出左地鐡站都搵左一陣路, 因為都有一段路要行架,
唔係睇就睇到, 我一早係神戶港個WEBSITE down 左個地圖 (雖然都幾簡單下...)
不過一出地鐡都會再有一個好d既地圖



係地下街巧遇牛奶妹, 但因為食得太飽喇, 只係食左一個雪糕

串過左地下街次後, 再行多一陣就會多到果個地標魔天倫架喇,
向住果個方向行就一定冇死喇!!!

到左個感覺好舒服呀(其實去旅行邊到係唔舒服架呢?)
因為係海邊有d海風, 再加上冇咩大既shopping mall, 唔好會迫~ so relax~
個感覺真係好似香港既赤柱/黃金海岸

係平台到影落去就見到神戶塔玲瓏既身軀喇~~~~~ (我好相信夜晚係靚好多)

如其話神戶多野行, 我會話佢好多特色既店舖! 好多真係出面係冇架~
而且佢個d 都係店舖細細, 出面又會有一d車仔賣d hand made 既, 真係幾特別!
除時除地都有意外收穫架~


 

我地行行下, 見到一間好多人圍住既店舖, 走入去八下咩唻先
原來係YOGURT, 香港都有,
不過呢間有個特點就係..........................

Y500 任食!!!!!!!!!!!!!!!!!!!!!!!!!!!!


可能你會話任食食得佢幾多呀, 不過佢唔係以前pizza hut果d salad bar 只可以一次
佢係可以無限tim 食, 者係你食幾多轉都得, 冇人會理你
喇, 有d cheap 精就開始諗喇wor, 咁一杯7個人share 都得喇~
係! 無錯, 係得既, 不過我想話你知, 佢地日本人真係一人買一個既
如果你真係抵得住佢地既白眼就去吧cheap 精

因為我地呢d有少少cheap 都係2個人一個好喇~ hahahaha
但睇下用pizza hut 起salad既經驗起出唻既高樓..........
我覺得我地y500 好抵架~ wakakaka

有起碼6-7 個味道, 都幾好味架~ 同txxxxxxxxx txxxxxx (唔識串, 香港好多分店架呢) 差不多!


 

第二轉了............明顯地少左好多! 其實都真係幾飽架~

 

之後仲比我發現左宮琪駿專門店~ hehehe
雖然日本好多地方都有,
但你又知唔知日本有一樣野真係好絕.....
叫"限量地區牌" ................多數都會被燒到.....orz

禁相唻架, 我影完呢張佢就話"no, photo"
不過呢個真係好搞笑~ 好想買!!!


 

行完我見差不多夜晚就行多陣先，睇咪個夜景先走

其實我地已經行返出去出口咁濟，
不過真想睇夜景，行返轉頭！
果然無令我失望，夜晚既神戶港，真係好靚好迷人

由其事係海邊影神戶塔，仲可以影到不停變色既摩天輪
真係好正！

影完相就閃人返心橋喇

第一晚由心橋行去道頃堀搵食，其實真係好近
大約十多分鐘路程，果邊多好野食好多

 


行下搵下，都無咩心水，
之後見到四天王喎，一早打算食，但未知幾時
有哂天時地利人和就入去坐喇喂

其實四天王入面有九成都係香港人！哈哈
已經過左好耐喇！食評真係打唔出（好無誠意呢件友）
我只記得爸爸叫左呢個好似叫四天王拉麵超多料



佢個豬骨湯底好正，唔係好重味精
麵係粗麵，爽口！

總結：要去試試！嘻嘻！

最後行咪激安！就返酒店喇！

又完左一日喇！！！