北海道 - 行程難題 (好鬼長氣篇)

我PLAN左咁多次自由行, 呢一次真係頭都大咪
最難PLAN係今次, 我真係比北海道考起了
但我都完成左.........真係非常之極度滿足

由於今次我地唔係2個人去,
好多野會變得唔flexible, 有2日要join佢地
而佢地又要5月先覆到我既日子
我打算5月book機票果d都ok喇~
點知香港人都係痴線, 再加上日元一直係咁眨....
全部人都去日本.........

其實早係3/4月我已經開始著手plan行程睇package
北海道直航4日3夜最平都要hk5xxx, (因為比cx 獨大)
我去9日咪者係一個double? 仲未計我想轉酒店呢?
仲有我要去既暑假附加費? 暑假冇平優惠.....
由於買package真係太難唔知點轉,
所以今次我決定自己搞............

有人suggest我, 由東京轉機去北海道會平d
而飛東京機票成日都有promo,
而airasia 又有機由東京去北海道, 真係fit到爆
airasia真係好平架ja, 一程內陸機一個人都係hk$400-600左右
就算來回都係hkd1000-1200左右,
如果買到東京機票hk$ 3000左右既話
者係機票只係hk$5000 有找,
的確係平過直航好多好多~~~~~~~~~~~~(如果我去9日咁多)
[當時既想法]

而事實係我果日去book, 東怡都有做北海道轉機
但要係札幌去札幌走, 時間又fix死哂
所以打算買東京package, 再自己買內陸機票
但由於俊仔請左假冇得改,
而我地去既日子已經冇哂package位
只好局住買淨機票...........
本身3日兩夜個package 最平果間酒店包tax都要hk$ 4900
都有d動搖, 因為未試過咁貴架...........(邊個叫你暑假旺季去者)
但冇計, 我地想book都冇, 冇哂平機位
好彩個agent又同我地搵到淨機票......雖然都要hk$4800包tax
不過有機位都要喇喇聲落訂喇
d香港人真係瘋癲去日本~

搞掂完個東京機票又要搵內陸機票既時候

我既行程confirm左係咁樣
東京 (Flight 2 hr) --> 新千歲空港 (36 mins)  -->  札幌 (2 1/2 hrs) --> 富良野 (2 1/2 hrs ) --> 札幌 (40 mins) --> 小樽 (32mins)-->  札幌 (3 1/2 hrs) --> 函館 (巴士 20mins)
 --> 函館空港 (Flight 1 1/2 hr) --> 東京

北海道真係太大喇, 一個地方去另一個地方,
講緊搞火車最少都要2-4個鐘........如果唔安排好d地方點去
搭車都side鬼哂你d時間真係
呢個行程我真係諗左好耐...........
點樣先會最順路............本身想去咪登別, 但真係唔太夠時間
所以只好忍痛skip左佢

係札幌入, 函館走, 係我覺得最好既行程安排喇
由札幌去函館要3個半鐘, 仲未計等車行路
一來一回者係冇左半日...........
(所以好多人揀搭夜宵車, 但車程又得3個半鐘.....)
而且札幌去函館車費真係好貴好貴........要yen8080 = hk$650 左右
一來一回者係hk$1300.........
如期係咁樣, 我寧願比多2/3百直接係函館返東京
真係慳返好多時間
airasia 一程都要500幾喇, 再加佢車費600幾, 都要1100喇
我book ana 內陸機票都係yen 18,000 = hk$ 1404
咁計係咪差不多?
最大既好處係內陸機ana 同jal 都係飛羽田, airasia飛成田
我慳返去新宿既時間可以shopping, 真係一舉三得!!!!!!!!

訂完機票可以開始訂酒店

東京 hotel wings
札幌 未book
小樽 宏樂園 + hotel sonia
函館 シーサイドホテルかもめ
富良野 pension lavender

本身一直都ok, book 其他都好地地
我冇係jalan.net book架, 我係上hotelscombined.com
搵最平果個web book, 如果唔係相差太多, 我都會揀返agoda同hotels.com
因為兩間都book過, 信譽好好~
如果唔係就係官網訂既, 因為我book既都係大路酒店
所以都有英文, 冇問題既..........

到我打算酒店可以慢慢book既時候
我果日check函館酒店............咩事~ all out??
係全個函館市都冇房, 連民宿都冇果下我先驚
我只好去google map 慢慢每一間咁搵.........
搵左2日, 終於都比我搵到一間係市區
不過就好鬼舊同細..........但真係冇法
佢平時yen6000一間, 冇喇喇 26-27 要16000一晚? 咩事呀?
我以為果2日咁岩有咩際, 原來唔係, 原來函館果2日有演唱會
者係日本人自己都book哂d酒店, (因為果日星期5晚)
我真係o哂咀.................夾到冇咁岩~
算喇我搵到酒店都算, 貴少少都要比.......好過訓街

依家係差札幌酒店者, 呢個應該冇問題喇瓜
札幌咁鬼多間酒店.........
都係唔好講咁多, 今日book咪佢先

好鬼多怨氣既北海道預備篇完~

小俊生日速遊泰 - Day 1 Thong Lo

估唔到一年去2次泰國.............明明自己上次仲話應該短期內唔會去=_=
世事既野真係好難講...........
本身想去上海架ma, 點知就h7n9,
咁岩俊仔生日有3日連假~ 唔想side左佢呀
好遲先決定去泰國, 所以要自己book喇~
諗住夜晚去第2日起身即玩會開心好多~
買左晚機去, 晚機返喇~ 真係玩到好盡架~

2013年5月17日

星期4晚一放左工, 拖咪個gip去大角咀join俊仔,
食完飯佢爸爸就車我地入機場
果日可能真係長假前一日,
機場多人都打仗咁, 去到check in, 果姐姐就同我地講
收到通知, 會delay, 不過未知會delay幾耐......
不過我直覺同我講, 唔會好耐

好多人check in...............好多人去旅行
我地check in 完都係9點半, 班機明明就11點起飛....
但仲要delay呢? 入左去hea......food court 搵個位食下野打下野
睇睇個牌, 終於知道0015確定起飛, 好彩, 遲一個鐘者~
(我經驗係3-4 個鐘, 仲要係機上面, 呢d真係好好架喇)

終於都比我地hea到11點喇, 去等喇

第一次搭香港航空, 本身我對佢既印象唔好
因為佢好多負面新聞, 不過今次佢比左好既印象我
下次有機會我都會搭

佢delay唔係大問題, 因為佢一早通知你, 而且果日機場咁忙
有dealy係正常, 而且唔係得佢一班dealy
而且果然係香港人, 一上機, d人一坐好哂 佢就立即depart
快手到呀~ 讚!!!!

一上機已經覺得好舒服, 感覺好新
止次搭泰國東方冇電視, 我都打算短途未必有(上次ua 長途都冇, 好離譜呀)
今次有, 仲要係大mon~ 幾靚架~ SURPRICE~
佢D戲仲好新tim 架~~

個位仲好寬敞, 幾好

不過最唔好既地方就係佢d餐唔好食.......仲要幾難食果隻
睇完部戲, 打多陣機就到喇~
2:35am 到..........打的去酒店, 訓覺~

第2日一早起身, 都唔算早架喇, 10點半, 搞到早餐都冇得食
不過因為噚日真係太夜訓, 就放過佢喇
今日地點, thong lo~

係泰國搭地鐡真係好方便, 同香港一樣唔會太複雜
係national stadium去到thong lo 都係20分鐘

thong lo 我都覺得算係一個幾冷門既地方, 對香港人唻講
不過而事實係真係唔係幾多野行

今次目的係拉麵街同dessert~~~
由thong lo station exit 3 出, 就會見到sukhumvit 55
一轉入去, 一條直路就大把野行
(以下呢個路口位轉左就係sukhumvit 55)

拉麵街係thong lo 10街, 而由一街行去10街其實都幾遠
我地就揀左行, 大約行左30分鐘喇~
因為早上都未算太熱

沿途風光

終於見到6

到左10喇~ 轉入去行一陣就會見到arena 10

here~ ARENA 10

拉麵街就係到喇~
thong lo有小日本之稱, 同時都有好多日本人係到生活
當日所見真係好多日本人係呢到~

呢間好似香港都有

呢間就係有人話一定要試架喇~
俊仔問我點解去到泰國都要食拉麵...?? haha 冇得解~!!!!!!!!!

呢個係救命飲料!!!!!!!!!!!!!!

真係好好食, 雖然佢個蛋就過左少少火,
不過個麵同個湯真係好濃同夠軟, 個cha燒又唔鞋, 抵唻~ haha

呢個係招牌蒜泥拉麵, 好濃味, 不過好香
如果食完呢個再食豬骨就會太唔同味........

食完拉麵, 行返出s55, 再行前少少係thong lo 13有一間超好食多士
after you dessert cafe~ (呢間好似係總店, 其實我出返去siam又有, silom都有) 

因為岩岩食完拉麵, 不過都仲食得落甜品既~
呢個多士係佢地既招牌,
起初睇佢個樣真係好普通, 但食第一啖我就太叫....好好食呀~~~~
雖然就貴左少少, 係泰國唻講.....要成hk$40-50一份, 不過真係太好食喇~

行前少少就係j avenue, 不過冇野行既~

因為只係好早, 所以我地加左個地方, terminal 21~

因為asok 搭2個站就到~ 行完~ 我地見仲有好多時間
搵個位坐係到飲下野hea下, 幾relax~ haha


早少少出左silom, 因為book左spa~
我都唔知原來silom係有一個商場叫silom complex

雖然佢就唔係多野行, 不過我地唔鐘意食街邊野既
都係去返商場食開心d

最後決定, 係呢間banana leaf

幾時都話冇準備就會有驚喜~
呢個炸魚真係好好食~

早知唔叫呢個, 好鬼飽

呢個curry seafood 一流呀~唔辣, 岩哂俊仔,
而且好多seafood架, 唔係流架~ 好味~

食完行左一陣之後就去spa喇~
silom centre point有買一送一, 所以好多香港人去架
今次我仲book左個couple jacizzi tim~
hehe, 第一次, 不過原來都唔係咁好玩....冇咩特別~



做完spa行多一陣夜市就返酒店lu~

喪食狂買曼谷 Day 5 - MBK, mango tree

2013年1月14日

最後一天得半天, 所以冇咩行程, 打算係酒店旁邊既MBK行下
因為有人都幾期待比人厄左,
話佢好似旺中咁..........但其實............

我地食完早餐寄存好D行李就出發
行到去MBK, 我發現左D野...........
點解我會見到SIAM DISCOVERY架呢??
咁者係代表好近喇同SIAM
原來有人一直知酒店係可以行到去siam , chilom都到...
我暈喇, 我地白白坐左咁多日車.....
不過算喇, 起碼下次我知....(唯有咁諗)

入到MBK, 我地已經知道有D唔妥.........
呢個局..........唔多似有野行wor...........

本身打算搵下mont 多士, 都冇咩心機喇,
旅遊書話佢似旺中, 我地一致認同佢係羅湖城~~~ 賣d野一樣架lor

所以好快我地就走返出唻喇, 咁早.....去邊好呀~
好喇, 就行去chilom喇..........天橋一直行,
其實30分鐘到就到架喇~ 都唔係好遠者~

去zen行下先~

不過都係冇咩行, 好似千色店~

咁就玩左一個上午, 11點幾, 去食個早飯喇~
係central world 搵mango tree
都唔係咁易搵, 因為佢唔係extactly 係central world入面.....

香港都有既mango tree, 係泰國食又會同呢?

冇咩人.............感覺都幾舒服

冬陰功..............好好飲呀~ 唔係太辣岩哂我, 不過陪酸呀~
唯一唔好就係佢太多"ja", 個口好唔得閒.......

鴨意粉~~我記得呢個係好好食架~ 個味道好特別,
唔同平時果d pasta

呢個蝦多士我真係比100分, 佢唔係太肥好多油
而且佢個汁好fresh 架, 你點一點個汁真係成件事唔同哂~~~
唔知香港有冇呢? 依家都想食~~ XD

食完最後一餐泰菜, 就要返酒店lu~
我地知道酒店出面有香蕉pancake 賣, 不過係下午先開檔架.....
咁岩比我地見到佢呀~ 我開心到呀~~~~~

takeaway一個上的士食~

我地2個女仔一人一個29", 真係再冇辦法係bts行樓梯上上落落
call 的士, 同酒店講好左, bt500, 但係佢最後話bt400就ok喇~
真係好喇~ 不過如果真係搭的士去機場, 你就真係要預鬆d時間喇
因為曼谷travel jam 係好嚴重的,
由市區去機場大約30-40分鐘.

2個女仔, 5天2大2細返..........好驚....

岩岩好39kg ja~ hahaha

最後係機場都唔放過最後洗錢既機會.....
hahaha 買手信買野食, 最後真係洗到冇哂錢!!!
點解連機場果d芒果飯都好好食~ 買左個返屋企比屋企人食~ hehehe

終於都打完lu~
不過我今晚又去曼谷喇..................所以想快快手打完呢個先~
俊仔生日之旅.........出發~!!!!!!!!!!!!!