尖東 -- King Ludwig beerhall

尖沙咀梳士巴利道港鐵尖東站地面32號舖
(尖東站 k 出口, 左行至再左轉)

佢total 有3間分店,
赤柱美利樓, 尖東, 灣仔
總店在赤柱!
係openrice 個個都讚好, 的確真係幾好~

年年男朋友生日飯好頭痛
又要新又要浪漫, 最重要當然係好食喇!
今年就揀左試呢間喇
因為未食過德國菜, 都應該試下

環境黑黑的, 仲有live band, 都好romantic架

我一早訂左台, 好彩有訂, 估唔到平日都咁多人
果到都算係難搵, 都咁多人…應該係真係好食

我地order左一隻豬腳, 一客薯餅, 一客腸 同一杯beer~

其實真係好大杯呢, 只係0.5L ja~

豬腳超好味, 個皮脆到卜卜聲..但又唔會話好干架wor~
雖然係咸左少少, 不過呢配啤酒真係一絕!!!!!!

呢個係出名既豬肉腸, 都係有少少咸而且好有豬肉味..kaka

個薯餅唔係最吸引, 係佢個source最吸引人...
我地叫左白汁大蝦帶子, 個白汁好食到呢.....好
creamy, 仲可以當湯飲tim呀~ 下次唔叫薯餅都要飲白湯~

男友生日當然唔少得蛋糕喇,
訂台果時訂咪蛋糕, 黑森林, 我唔食朱古力, 我唔識欣賞
不過我就覺得唔太甜都可以!
(ps, 佢問我洗唔洗live band 唱生日歌比佢聽, 不過唔洗喇)

結賬: $603

好滿足好開心既一餐