第一次試婚紗

星期6 上左去Lugarcia 試婚紗, 因為係時候要揀紗去北海道影相

我上去之前都幾緊張, 因為第一次著婚紗, 而且第二次見佢地JA~

估唔到第一次著婚紗既感覺就係冇感覺
我以為會好似睇電視果D女仔咁,
一著婚紗個感覺就係要嫁喇好靚呀咁........

點知.................我好似平時買衫試衫咁,
真係一d感覺都冇lor.....=_+
可能因為只係帶去影相既關係, 我唔係太緊張條裙 

本身佢問我自己鐘意咩款, 我就話鐘意A-line, 唔鐘意太誇果d
點知我試左條A - line 之後, 我就不得不告訴自己一定要減肥喇,
如果下年想著A- line 出嫁既話

側身睇冇野, 仲幾靚tim......

正面.............你睇個肚腩幾得人驚......
個pat又大wor點揀得落手

之後試第2條, 佢話呢條都好多人揀架
佢個下擺真係幾靚既, 又幾特別.....
但可能我冇身材, 個心口位真係怪怪地
好似上面同下面唔係好夾咁既???

第3條, 佢比左條魚尾我試,
我知自己個pat大, 魚尾就一定唔好睇
不過都可以試既, 果然........個效果幾出呀~~~~~~ hahaha



最後比我睇到呢條.........因為要加錢, 所以佢開頭冇比我睇
但比我自己睇到, 想試咪!!!
一試就鐘意喇~~~ 雖然我唔鐘意果d 誇既, 不過呢條又ok wor~ 唔知點解呢?



最後當然加錢我都要租呢條喇..俊仔梗係冇意見架~

我覺得佢見完個著婚紗個樣好開心呀~ 問佢又唔肯話我知~~ haha