尋找the one 的旅程

由9月中我已經開始左我既尋找The one 之旅
我地因為攝影化妝同pre wedding 都唔係幾慳 (我地覺得唔慳得)
所以就著手係其他地方慳喇~ 錢就得咁多~ 係咁架喇~

有一日, 我同班姊妹先到訪尖沙咀金巴利道婚紗街睇睇
 睇左red 佢唔算多款, 但真係勝在夠平~
$4999 就有4套~ 不過係大陸款~

之後去左in wedding~ 佢都算多款,
不過我都係唔係幾岩

希臘女神好大, 好多款, 真係超多
有我去台灣果間咁多~ 而且我睇左幾條都鐘意
不過因為果日我冇約, 冇地方比我試
但個sales 都好鬼nice, 不停拎衫比我睇~~
佢都唔算貴tim~ $9000 有 9 套
但係d 衫比較大路, 唔算太特別~

之後微微新娘, 我入左去一陣就出返唻
佢d 婚紗舊得驚人..........全部都好似米白色咁既~

有聽人講過charming image, 不過睇完facebook
冇咩特別款想試就算

then就轉戰中環, 去左之前一直一直都好鐘意既
Moreno bridal
佢好細間, 唔算多~ 但有我之前睇過鐘意既
可惜, 我試上身..........完全唔同感覺
果然睇相同試係2件事~ 冇左一見鐘情果個感覺呀
就好似一見鐘情個男仔但相處過後唔係幾夾一樣
佢唔係唔靚, 真係只係同我唔夾!!
而且佢一D 都唔平呀~ 2件都已經7000幾
OUT butget 得好緊要呀~~~~~~~ T^ T

所以決定上大陸一轉睇睇有冇得租/買
我上左淘寶睇過一輪, 而且都搵d有實體店既睇
因為我個人覺得婚紗係一定要試
因為個個人既身形/感覺都唔同, model 好睇唔代表你好睇
佢著得唔好睇, 唔代表你唔會靚~~

我有聽人講廣州有婚紗街, 仲要好平
不過我覺得太遠喇, 近少少搵深圳算喇
最出名果間叫nsn bridal......好多wow b2b 介紹
佢可以去到租期15日咁多
不過..........佢都唔平呀~ d packages 同香港差不多wor...why?

剛過去既星期6就上左大陸睇

先係去左比較遠少少同平到喊既名門新娘先~

 

佢網上面個門面好靚~ 令我對佢有少少信心~

不過真係去到.......佢係一個大廈入面~

佢好細.........可以睇既婚紗大約只有20-30 套

好新淨既, 最大既特點係佢好平, 平均幾百蚊就有一套

大陸睇婚紗最大既好處係可以任試,

最大既問題係呢到d sales 真係唔會sale 你架

你話叫佢介紹比你, 佢叫你自己睇喇~ 係哂ipad到喇....好無奈

我試左幾件都係唔係好岩~ 唉~ 算喇~
好彩佢地都冇黑我面 (之後有冇我就唔知喇)

雖然真係好平, 不過冇理由為左平就屈就自己架ma~

 

唔岩就唔好哂時間, 快快去第2間

呢間就會近羅湖少少, 佢主要都係做香港人生意架睇得出

我冇約果日, 去到咁岩冇人~ good~

(其實我估係wow 友都可以收過佢地email)

睇完佢地個website~ 我見可以去睇下咪去lor

睇又唔洗錢既~

 

起初見佢d package 好吸引, 1988 有4套

點知拖尾要加, 呢個要加果個又要加都加左.....haha

不過拖尾要加就香港都要, 都唔多出奇

 

本身真係冇打算租架, 不過我試左10件左右

已經有起碼2件係鐘意架喇~ 咁冇計喇~ 香港都未試過既~

佢地聲稱自己係搵工廠做,

的確佢地既衫我係出面冇見過的~~~

而且又真係幾特別既~~

 

試下試下, 我就join左喇~~~ haha

雖然我知大陸還衫會好麻煩,

不過試完上身, 的確係覺得靚左, 而且瘦左就岩lor~ haha

 

呢條gown 影相唔係好grand, 不過真裙都幾閃

而且個心口位好靚~ 係好整齊, 好新, 佢話佢地全部得一條...

我鐘意佢個裙擺, hohoho~  

 

 

雖然我係想要長拖尾, 但呢個小拖尾都幾靚~

我睇完話覺得似孔雀, 之後佢就同我講呢條真係叫孔雀

係真唔係架?! hahhaa

之後睇晚裝, 紅色呢條真係一見鐘情

掛起唔夠著起靚, 仲要好顯瘦~ 唔知佢果塊係咪magic mirror 唻既 XD

好特別, 好中國風呀~ 而且我個人係比較岩著入肩衫, 著得靚架~

 

 

最後呢條purple~ 本身呢個大deep v 唔係好接受到

不過試完, 佢同我拎起個領口少少~ 又ok wor~

因為本身條裙係靚既~

有個大露背呀 woho~ 露背我ok架~ 雖然就唔係靚背,
但冇得露前面咪露後面lor~ wahahaha

最後就confirm左, 男禮都係果到租,

因為已經睇中左一件白色~ 佢d 男禮都幾靚haha

 

又ko一個item喇~ 呼~

時間多就有呢個好處, 呢野唔洗迫咪一次過搞.....

冇咁大壓力先喇~~~

 

俊仔今日主動問我, 仲有咩未搞,

我send左個checklist 比佢, 之後佢就話

嘩~ 咩原來咁多架~ 睇見就煩

我回佢一句, 你知我幾煩呢?