小車: 7月 2010

2010年7月30日星期五

潛行凶間 (Inception) [含trailer]

Dom Cobb (里安納度狄卡比奧飾演)是一名精於潛盜的神偷，專門趁目標人物於睡夢狀態中思維最軟弱的時候，潛入他們的意識中盜取機密資料。Dom的天賦技能使他成為商界間諜活動夢寐以求的的合作伙伴，但同時亦令他變成失去所愛的國際逃犯。此時，Dom接受了一項新任務，只要事成便能得到一個重生的機會，但是，他卻要做到潛意識犯罪中最不可能的境界：潛植意念。Dom與他的夥伴並不是如以往般策劃完美的盜竊行動，相反是要潛入目標人物最深層次的潛意識中，植入一項意念。如果他們能夠成?#92;，這將會是開天闢地，史無前例的完美罪行。

但是，即使他們如何精心策劃行動的每一步，在這次任務的潛意凶間中，卻有一個神秘敵人如影隨形，彷似能預知他們計劃的每一步……而這個神秘人，則只有Dom能夠感應到其存在……

睇呢部戲真係要帶個腦入場架!
如果一分心, 就會唔明白佢去到邊!
而且唔可以miss左頭果幾分鐘架.......
唔係特別精彩, 只不過係戲既關健~
有做首尾呼應~

你一開始睇既時候, 會唔識分邊個係現實
邊個係夢.........但佢會慢慢咁教你分架喇!
你會開始投入角色.....
因為其實都幾緊湊,
係2個幾鐘入面, 只係用左大約半個鐘唻交代what is inception?

之後就正式係 inception mission!

由mission 開始果一刻, 你就會好自然咁緊張落去
冇時間比你去放鬆呼一口氣~ 每一分鐘你都要思考
佢地係到同時間比賽, 你就要替佢緊張!

事情會愈來愈複雜...........到主角都開始有d動搖!
到底佢又可否走出夢境? 回到現實?

夢呢個topic好新鮮, 第一次一個咁frensh既題材
其實自己本身都對夢呢樣野好有興趣
到底夢是潛意識定係潛意識地發夢呢?
戲入面有對白係話

"我幾時知道自己係發緊夢?"
"當你發現自己冇開始既時候, 夢係唔會有開始, 只會係中間出現"
我閃左一下, 係wor~ 冇諗過! 係真架!

話人係夢有住自己既潛意識
更加可以係夢入面偷潛意識主人先知道既野!
但inception就相反, 係植入一d記憶/意念
係咪好似好深架呢? 我都覺!
好佩服編劇....係一部好戲~ 令我有回憶既戲!

PS, 果日聽收音機講, 原來INCEPTION個結局係係完哂字幕之後呀
佢話睇完哂字幕, 會有個轉"叮"一聲! 落地既聲呀
買碟買碟睇多一次!!!!!!!!!

灣仔 - 華星冰室

地址 :

灣仔克街6號廣生行大廈地下B1號舖

因為今朝食左個好飽既早餐,
到食飯時間都仲未餓, 所以遲左一個鐘去食lunch

於是, 我地就過左食lunch時間先食!
呢個時候食咩好呢? 又唔係好餓.....

就試下開左好耐, 成日都好多人既華星喇!

大大話話佢都開左2/3個幾月.....只係佢lunch成日都好多人

今日2點落去, 冇咩人! 正

叫得做冰室, 應該都係玩懷舊feel架喇!
其實佢開果時, 唔明點解一間茶餐廳開幕會有咁多明星花牌
原來係華星既舊大粒野開既~

(題外話: 華星最近重開, 又簽返千嬅做一姐, 我好開心呀! 我鐘意佢果時就係華星)

叫冰室多數都冇咩特別野食, 同擅島一樣!
唔係sell 飯, 係sell 特餐!
而華星就同牛奶公司一樣, 就sell 炒蛋~

認真, 我冇食過牛奶公司d炒蛋!
不過我就覺得呢個華星炒蛋都好唔錯!
好滑, 又有蛋味!(唔係講笑架!有d真係冇味)

放上厚多士到食, 仲有少少火腳既咸味, 唔錯唔錯

去冰室, 點可以唔試奶茶呢?....華星奶茶...可以喇! 唔香, 但都滑既~

最唔得就係個牛肉通粉喇! 佢原本既常餐係配叉燒湯意
因為我不嬲都唔喜愛湯意, 所以改了! 黠知好失望!

通粉太lum, 冇口感, 牛肉冇味又唔lum又un, 仲有d粉係上面tim
湯底不知是什麼, 冇味道!!!!!!!!!

cashier 旁就有一張好大既簽名board.....我搵左好耐都唔識分! haha

$28一個餐, 太唔抵喇! 都係食返新刈記喇!

2010年7月29日星期四

埃及菜Early Bird $148歎皇室晚餐

埃及餐廳Habibi為慶祝開業十周年，剛於日前推出Early Bird優惠，客人只要於晚上6時至8時半入座，即可以$148優惠價，享用原價$288的四道菜經典皇室套餐。套餐由皇室御廚後人炮製，菜式包括頭盤（Hot Mezze）、凍頭盤（Cold Mezze）、湯及主菜，其中海鱸魚伴酸醋汁、春雞釀雜乾果伴酸甜石榴汁等，均用上蔬果打成汁醬，味道清新，很適合夏天享用。

info
Habibi
中環蘭桂坊15-16號協興大廈1樓
電話：2544 6198
供應時間：6pm-8:30pm
備註：1.設加一，收現金及信用卡；2.晚上八時半前結賬才可享以上優惠；3.供應期至9月底