TOY STORY 3 (含trailar)

玩具奇兵流落托護中心 大難臨頭諗計甩身
故事來到第三集，小主人安迪經已步進大學階段，離家上學。與此同時，胡迪、巴斯光年、三眼仔及薯蛋頭先生等一班玩具同志們則慘被冷落，被捐贈到日間托謢中心。究竟他們可否克服重重困難，再次返回小主人身邊？胡迪和巴斯光年，老友聚首，今番又會有甚麼奇遇？史上最大規模的玩具『難民潮』馬上展開！



我等左11年喇! 終於.......終於佢都出3喇!
如果佢係好睇既, 我等又如何.......
不過人生有幾多個10年.....如果有下次, 唔好要我等咁耐!

我已經訂左7月16日睇喇! IMAX!
呼! 要早半個月呀! 仲要係11:50 PM 先有位! 傻既~
証明香港人都好期待呀~
睇完返唻話你知好唔好睇下!

-------------------------------------------------------------

終於我都睇左喇, 期待左一個月喇! 真係傻架!
不過 pixar今次冇令我失望, 相信都冇令toystory 迷失望
因為真係一部好戲! 有笑位, 有感動位!

toystory 由第一集開始就係講"友情 & 義氣"
與安仔既友情 ...........玩具間既義氣.........
直至呢一集都冇放棄過呢2個大concept!

故事一開頭就係安仔小時候同佢地玩既vedio,
之後鏡頭一轉, 返返去個玩具箱, 佢地想盡方法都想安仔再同佢地玩
可惜, 安仔都係冇理佢地..........

玩具們一開始以為安仔大個左喇, 唔要佢地喇~
所以寧願走, 去一間托兒所, 希望可以搵返以前同安仔玩既回憶
點知就係惡夢既開始喇...........

佢地遇見一隻有士多啤利味既抱抱熊

起初以為佢係好玩具, 點知............

最後當然又係因為woody既義氣同聰明救返大家!

成部戲我最喜歡個結局, 令人一再反思再反思!
人係會長大, 但玩具不會大
佢地都會寂寞, 都係好需要我地去保護, 去愛惜
如果有一日, 你真係唔可以再要佢喇!
請你轉贈有需要既小朋友, 令佢地唔會再寂寞

評分 :  (最高)