小車: 8月 2010

2010年8月29日星期日

綫人 (The Stool Pigeon)

刑事情報科督察李滄東 (張家輝飾)，一直透過綫人收取情報破案。一次行動，滄東為了抓犯，無奈地犧牲了他的綫人廢噏 (廖啟智飾)。廢噏身份被悉破，給仇家復仇身中多刀，從此淪為瘋子。滄東立功破案，雖旋即晉升，但此後活在陰霾，內疚不已。

一年後，警方收到線報，劫金大賊巴閉回港準備做案。滄東上司命東安排綫人混入巴閉圈子。滄東往監獄找即將出獄的細鬼 (謝霆鋒飾) 當綫人。細鬼為了籌錢救妹，無奈答允滄東。憑着超卓的駕駛技術，細鬼終成功進入巴閉賊黨做車手。

在滄東的安排之下，細鬼很快得到巴閉一黨的信任，更與巴閉的女友阿弟 (桂綸鎂飾) 一同參與物色金店、買槍；本已有足夠証據給滄東抓犯，但滄東上司不甘只抓賊黨藏械，一定要等劫案正式發生才動手拉人。滄東知細鬼再跟進落去，生命將有極大危險，他當然不想再推另一個綫人去送死，可惜在上司壓力之下，滄東無從制止... 眼望著細鬼一步一步走向生命邊緣，滄東心如刀割。

其實講真真係有少少失望.......會唔會係我對佢期望太高呢?
但係佢打得出係<証人> 班底, 就預左會比人比較架喇

部戲好似太商業化左................警察同線人既關係好鬼秘, 亦敵亦友!
其實戲都係圍繞住警方收到風既一單"大茶飯"
但我就略覺大茶飯唔夠激........可能佢重點唔係放係呢到

去到最後都係唔係好知佢想點,
我明白導演可能想講出做線人最後都冇好下場
結局係D人死哂! 警察又做錯事

戲既內容也許唔可以講D咩, 也冇咩好講! 因為太港產!
可以讚既當然都係D 演員喇,
我覺得今次最特出演員應該係智叔, 可能係D傻佬角色比較易有發揮

7影帝張家輝, 唔係唔好! 佢其實都有好多內心戲架
但你要明白, 一個影帝係要配合好多野架
可能呢一部就唔係佢可以好好發揮既戲喇!

Nicolas 可能佢Mk look 太過深入我心,
所以佢做起古惑仔都唔覺得特別做緊戲!
Sherman好似都幾慘, 以下呢一幕係冇係電影入面既
佢出鏡幾秒, 講左一句"唔好打呀....."
之後比人CUT哂! 有時就係咁架喇, 你做都幾好都冇用~

九龍灣 -- 白木屋

星期日去左九龍灣MEGA BOX, 行街睇戲食飯!
我地睇中左白木屋去試下喇! 之前都睇過王子讚佢好食

睇完佢個menu就覺得佢同其他既日本野有d唔同
d野食都幾特別咁lor~

3色冷麵, actually 係冇味! 咁麵就當然係冇味架喇~
佢右面果碗都唔知係咩! 食左少少我就放棄........

男朋友最鐘意食既溫泉蛋, 呢到都好ok wor~ 做到果個效果
不過一路食, 男朋友一路話好掛住涉谷既溫泉蛋

下次再去食lor~

呢個鰻魚玉子都幾ok wor, 有蛋味得唻就唔會散

蟹柳薯容係叫錯左架, 所以好一般...........本身想叫滑蛋蟹柳飯~

3文魚pizza, 呢個真係幾好食~ +少少tobasico 真係正到暈呀!!

結帳: $280~

2010年8月24日星期二

菲政府黑幕從一開始格殺車上所有人,絲亳不打算救人

菲政府黑幕從一開始格殺車上所有人,絲亳不打算救人
1.槍手以前唔同人貪污,被人革職
2.槍手脅持巴士凖備向全世界傳媒  爆高層貪污真相
3.槍手在巴士窗貼上寫上貪污真相的紙
4.槍手要求復職否則格殺人質
5.貪污高層為阻止貪污真相被傳媒獲悉 ,而下令格殺槍手
6.為提早格殺槍手,首要事項是令人質死亡
   貪污高層在電台,電視宣布拒絕槍手復職,令槍手殺人質
   槍手在巴士Tv 及談判專家得悉 .非常憤怒.開始殺人
7.菲藉司機逃出
8.貪污高層  逼菲藉司機說人質全死,令  sniper 向巴士掃射事後有理
9.貪污高層下令 sniper 向巴士掃射
10.貪污高層在電台,電視高調捉拿槍手家屬,令槍手殺人質
     槍手在巴士Tv 得悉  .失控殺人
11.  貪污高層  下令 police 銷毀巴士窗貼上貪污真相的紙張
     所以 police 打擊貼上紙張的巴士窗

12.  sniper 向巴士掃射槍手死亡

(3,11)貪污高層  下令 police 銷毀巴士窗貼上貪污真相的紙張

(9,10) sniper 向巴士掃射
http://www.youtube.com/watch?v=S4wG_iwrR3w&feature=more_related
(6,10)貪污高層在電台,電視高調捉拿槍手家屬,令槍手殺人質
http://hk.dv.nextmedia.com/template/dv_channel/index.php?fuseaction=dv15.player&mode=section&id=4104&range=d&dv_iss=20100824&sort=view&iss_id=20100824&sec_id=4104&art_id=14376579&av_id=14376780&page=1

-----------------------------------------------------

http://www.uwants.com/viewthread.php?tid=10601311
其實我都好明白咩係死者已
但係香港人無辜身亡, 身為香港人只想為死者, 無辜既家人
希望搵到佢地受害既真相!
如果以上只係估既話, 點解今日呀3世會忽然走出唻認錯?
唔明白點解佢地可以唔理D人質既安全, 亂咁開槍!!!!
我希望菲政府可以比到一個合理既解釋香港人!!!!!!!

2010年8月23日星期一

為係菲律賓既遇害者默哀

昨日發生左一件令我, 令全香港人都無法忘懷既事
有一架旅遊巴入面有15個香港人質被一個菲律賓前軍人脅持
10小時長既等待, 令8個港人死亡, 7人受傷!

我雖然冇睇住直播, 但我下午3點幾既時候知道已經好擔心
直到8點鐘, 有人同我講話果15個人全部死哂
我果一刻既心情真係低到不得了!
好彩, 返到屋企先知係誤傳
但就係因為呢個驚慌司機亂咁講說話
令D白痴特警以為可以攻入車, 佢地完全係到做D 白痴既行為
敲玻璃( 又敲唔得爛哂) 拉車門 (拉拉下繩都斷左)
想攻入車 (但聽到搶聲就立即走返出唻)
搵D冇用既談判專家 (你咩都應承左佢先LOR)
之後就聽到幾下既搶聲, 我個心狂跳!

再過一陣, 搶手死左! 同時車內有多人重傷及死亡

心一直的唔舒服, 呢個唔係咩天災
D人係無辜架! 佢都得罪你, 點解你可以咁冷血?
點解菲律賓特警咁廢?

希望遇害既人, 曾經做人質既人, 遇害者家屬, 可以快快忘記傷痛重新上路!
RIP!

2010年8月17日星期二

深圳 -- 皇室假期, 大漁

終於都得閒上大陸HEA下喇~
其實呢返大陸一D都唔平架! 依家D 人仔咁貴都唔會話好化算
只係想返去買D $5 wii game咁lor( 唔好拉我!)

我地次次都係去羅湖火車站果d架
但今次就去試新野! 有人話皇室假期就去左喇~
因為要就人, 係罜湖出左關就搭的士去喇! 都係Y12人仔者!
雖然d人話皇崗有平coupon, 要就人冇法喇

http://www.queenspa.cn/zh/queen_zh.html

的確呢到係貴得有道理既.......
佢一入門口就幾十個人唻同你"歡迎光臨"!
之後入到去更衣室! 真係好新同好靚 (不過聽講係因為裝修過)

因為未食lunch, 所以係休息室果到既餐廳食野先喇!
如果係香港人, 我會覺得佢係香港價錢,
但如果係大陸既角度, 就好貴!
anyway , d野食都好好食! (呢樣野好d)
佢仲有好多free既drink同生果食既, 真係唔洗驚會肚餓~

食飽就去揀女女喇, 冇錯! 我都係第一次自己揀!
佢有幾部機係比d相你揀女女既, 真係有d clubing既感覺
有d仲要唔差tim, 但佢地d相唔係普通果d車頭相wor~ 係set到好行果d~
男友話, "你幫我揀喇, 唔係等陣我揀個靚你又話我"
講真, 我又冇咩所謂wor, 我係你隔離你地都唔會做到d咩架喇~

我地遲左去, 按完雙鐘都7點喇!
冇時間去買game tim~ (人地想買果隻super mario bro 玩><)

落到地下又打的! haha~ 咁大陸打的平呀ma........
我地去左"佳寜娜廣場" 都係Y10 者!
我地去做咩? 去食野lor~ 我地去了<大漁>
聽聞係好出名既~ 咪去試下lor~

但係有d失望.....................

佢其實真係唔係少野食! 不過要150人仔就真係好d 唔抵! 圍起要港紙$160幾!
係香港都食到喇, 而且佢又唔係特別好食 =_=
咩都係不過不失.............冇野會係令我地encore既~
以下相係copy至openrice.com, 因為那天我冇影相!
但其實食物都係呢d架喇~

我諗唯一有少少特別既就係呢個"炸雪糕"
一見到咁得意, 咪叫唻試下lor~ 佢唻左2次,
第一次果個冇外跪內軟, 但第2個有, 不過佢個外都係唔熱既~ 算喇

我諗大漁冇下次, 不過皇室假期就應該可以去多次~

2010年8月12日星期四

舞出真我3D (step up 3D)

繼《舞出真我》第一及第二集取得極佳票房和口碑後，今年《舞出真我》將推出全新一集的3D版本！今集故事講述孤兒露加是一名出色的街頭舞者，為了讓自己的舞蹈隊伍House of Pirates繼續生存，他們必要在世界街舞賽中擊敗宿敵House of Samurai，以贏取巨額的獎金。為此他先後羅致了娜特莉及摩斯，並與娜特莉互生情愫，然而背景神秘的娜特莉，卻對House of Pirates能否獲勝造成重大威脅。