第四天樂浪島 - 出島Marang碼頭

OMG, 咁鬼死耐冇出遊記tim............冇計, 呢排好忙, 又要趕deadline, 又要溫書仲要做research
依家有少少時間就打喇~ yeah~
寫返大約一個半月前架野都唔係好過份者hor?
----------------------------------------------------

2011年6月21日

今日一早起身食完早餐就要走喇, 真係超級唔捨得呀!
我真係好鐘意食呢到d 早餐, 佢個太陽蛋同簿餅真係好鬼正!
又係雞鳴咁早起身, 都習慣左喇
呢幾日都係早睡早起, 其實咁都幾好架~ 好健康架



* 俊仔話想退休/ 老左, 可以過d咁既生活, 係個島仔上面開間bar仔
自己可以hea 住搵$, 得閒去玩下~ 係人都想喇.......
發完夢喇, 係時候返返現實世界喇
食完早餐等左一陣就要上沙灘車喇.........

再見喇....................樂浪島!
我愛它, 因為它有人情味濃的人
我愛它, 因為它有海天一色的海
我愛它, 因為有怕人的小松鼠
我愛它, 因為它沒有巴士, 馬路
我愛它, 因為它沒有TVB
我愛它, 因為它有可愛的nemo 仔一家
雖然我未必會再來呢一個地方, 不過呢個一定係我一世都難忘既地方

大約9個字既船程我地又返到Marang碼頭喇~
呢個碼頭主要係接送來往樂浪島既人既
佢分開2個大碼頭既, 一個係 Laguna redang 專用既
另一個就係大眾碼頭喇! 咩人都用得喇...........

因為接我地去機場既車未到, 我地就係碼頭周圍行下喇
(我地係經resort 訂咪架, 要一早訂架, 因為冇車走架)
果到有好多手信店! 最重要係, 佢平過樂浪島入面好多................

雖然樂浪島入面都有一兩間手信店, 但可能唔集中,
冇咩競爭力, 所以貴少少都得!
我見到我係島入面買既一隻公仔平1/3....算喇! 又唔係話好貴!

見到個好可愛既小朋友! 我叫佢halo, 佢比左個好尷尬昸表情我

見到有手信TEE 賣wor, 入面好貴又冇size, 呢到有size 仲要係平既! 即殺~rm 20 only~

我真係好鐘意海龜................真係好想係海底親眼睇佢地一下
btw, 我係水族館成日都見到佢地! 不過想係海睇呀~ 我想touch 下佢地呀



仲比我地見到一d 咁可愛既小小民;裙呀! 太得意喇! 仲要rm 10 一條ja
立時諗下有咩人有女.........表哥個女, 就算未出世都要買左先! 太可愛呀

係我地狂shopping 既時候, (去到邊到shop 到, 勁呀)
通知車已到喇..................

我地準備搭飛機返吉隆坡喇!