東京2012 - DAY 4 涉谷 五右衙門

為免我唔記得哂D野, 又以免我今年去trip 去得太瘋癲打唔切(我已經加左4個新既類別喇)
我都係快快手打完個東京先喇~

2012年5月xx日

話說上回我地去完六本木, 仲係好早咁wor~
唻日本當然就唔會有早睡早起架喇.....只有晚睡早起, 仲癩過返工~
仲有dd 時間, 佢地就話想去多轉涉谷, 哦~ 好喇~
反正六本木都冇野食既, 一係就貴到飛得起,
去涉谷係最方便, 因為涉谷係總武線既總站~ 唔洗轉車~

出到去涉谷就搵食, 行下行下搵到呢間~ 五右衙門
我都已經唔記得左係d咩野吸引到我地 (可能係食左幾日日食, 想食d洋食瓜)
而點解我要特登開個post講佢呢? 因為佢真係冇令我地失望

由於我地6個人既關係, 而店舖又唔係好大,
所以都等左一陣位~ ok 既~

店入面有3個人, 2個廚師, 1個侍應
一入到去, 安排我地坐係對住廚房既位置!
眼見既就係2個廚師不停手不停做..........真係忙到出煙架~~~

花多眼亂, 好多選擇

我地等左一陣就有野食喇, 我已經忘記哂自己叫左咩
人地叫左咩...........

但我仲記得呢個意粉真係好好食, 又唔會太咸
而且店員都識英文架~

我記得呢個番茄係最最最好食, 我地清哂架~~~

呢個女廚師要做待應喇, 甜品喇, 野飲喇, 落單喇, 帶位喇.....我真係未見佢停過

男仔都唔差, 佢不停煮不停煮....一得閒就會去洗pan 洗碟~
我真係十分的佩服佢地呀~~

認住呢間野喇, 我記得係新宿都見過, 應該係有分店既~
真係好好食, 而且睇佢地表演分身術都夠好睇