大阪2012 - Day 1 - 大阪城公園, 天滿宮

OK, 係完全未打完東京之旅既時候,
我已經係急不及待UPLOAD 哂D 相, 仲要已經分好哂日子POST好哂喇
好似幾高效率咁WOR..........(錯覺, 工作呢排忙到HIHI, 已經成個星期冇UP blog就知)

夠我打一年既2個遊記! 正! haha!

-----------------------------------------------------------------------------

2012年6月22日

我生日月總係要去一次旅行, 因為咁岩係淡季, d野平好多架~
我地真係幾咁好彩, 6月中, 有2個大台風吹緊日本,
仲係到驚緊會唔會上唔到飛機既, 知道大阪應該會無台風! 真係勁開心~

今次又係凌晨機, 我地愛上左. 雖然就真係幾辛苦, 不過時間好用到不得了!
boarding 好準時, 不過captain一再話冇位起飛要掛隊....一等就半個鐘....
再加上個台風其實未走, 係南海上空, 我地經台灣既時候好多氣流呀
又見captain 唔可以直線飛, 足足比平時遲左個幾鐘先去到大阪.........

大阪既關西機場離市區近一d, 特急去梅田約50分鐘, 難波約35-40分鐘
有南海電車直到難波之後再轉地鐡! (經驗話我知, 大阪搭車比東京更難)

今次我地住既係心齋橋, 係商業區, 真係日日行商店街都唔悶架~
villa fontaine 係連鎖酒店, 住過東京果間好鐘意, 揀返都應該冇錯
點知就真係有d 失望, 同東京果間真係差好遠......雖然早餐就好好多!
佢仲有好既原因係, 地點真係超方便, 地鐡上唔洗2分鐘就到!

更加位於心齋橋商店街, 食行住都冇問題!!!

一到步, 放低行李都係9點者! 好早呀~ 去食個早餐先~
LORATT <-- 好似係咁串! 平時既快餐真係又貴又唔抵食, 不過早餐估唔到又幾OK~

出發去第一個境點, 大阪城公園! 坐長堀鶴見緑地線去到大阪BUSINESS PARK 站出!

一出左站, 我就有好濃厚既江戶時代感覺,
因為出口周圍已經比河包圍住....見到大阪城, 但行唻行去都係外圍, 真係好大呀~
呢個公園真係好正呀, 好多榭好舒服架, 所以我地見到好多人係到放狗, 又跑下步

我一直行一直話, 你睇下, 果時d人要攻城都真係唔係咁易架! 有起碼有3條護城河!

終於都到左喇~ 當下感覺並唔係想像中咁偉大!

因為入城是要$ 的, 老豆性格要$的通通唔洗諗.....所以我地都冇入去~
不過公園周圍都有好多店鋪可以行下既~

仲見到可愛柴犬 - yiu~ <- 真名, 我自己問佢(主人)架!

大阪城公園真係好大架, 想像到, 如果你有心and 有時間可以係到hea大半天架~
不過我地冇時間la, 行完就去搭車去..............

天神橋, 天滿宮~
我本身plan 呢到都唔記得左係為咩...........
不過就係咁反而有驚喜!

jr 天滿宮站天滿宮出口一出就見到天神橋商店街, 沿著商店街行就會見到天滿宮

搵到天滿宮喇, 之後就放出一個美麗的誤會比大家
我以為呢到就係千烏居既地方, 仲周圍問人tim,
d人又唔識英文, 我又唔識烏居英文係咩?
係極度雞同鴨講既情況下, 放棄lor~
(之後發現, 根本就唔係呢到, 無論點問人地都唔會明架喇)

搵唔到味去行一個圈lor, 一場唻到~ 係咪?

太曬, 相機豬唔識自己focus同white balance! 激c 人~ 

咁岩係主大樓果到有人應該係結婚(我估) 但因為佢高好多, 我唔係睇得太清楚

祈願板, 雖然睇唔明, 不過我都係祝福你地既~
雖然呢塊板真係唔平, 要成y800 一塊架, 不過如果y800 可以令一個願望成真! 抵!!!!!!!!!!!!


行完左天滿宮, 帶住少少失望既心情去搵野食 (白痴果時仲未知自己搵錯地方XD)

待續.......