墾丁福華渡假飯店

起初因為book唔到夏都而住福華而唔開心過...
不過依家覺得福華應該好過夏都...........

夏都食既其實係"海角7號"熱
佢係靚, 不過原來佢係對住一個大墳場
你諗下如果你夜左返酒店, 經過墳場你驚唔驚?

而且佢既私人沙灘--大灣係唔靚得小灣幾多既
仲有佢相距墾丁大街, 約有7-9分鐘既腳程 (街頭)
但福華, 如果唔計lobby to 大馬路,
只係3分鐘者! (街尾)
所以over-all唻講, 原來係福華好夏都好多!
(福華旁的凱撒都唔錯)

由大馬路行入lobby, 大約要2-3分鐘

福華可以見到青蛙石(小灣)

講下佢既房先,
福華很大.......大到你唔信! haha~

佢既房, 每間都係family room~ 但就雙人房既價錢
雖然就唔係住海境房, 不過都冇咩呀~都冇時間睇

toilet 都有2個浴剛, 一個企, 一個泡的!
唔介意可以一齊架...kaka....真係好大架!

最貼心係佢附的都係plastic 拖鞋, 方便你去沙灘玩! 讚!

B2就係去小灣沙灘既客人隧道, 1900 CLOSED!

早餐方面, 多到好似食buffet咁,
由頭盤到甜品都有.......傻的!

另外就係商店街同室內遊戲機場..........多野玩到你唔信
如果打風, 應該都唔會悶親~~~

如果有時間可以到福華水世界玩下, 不過好似都唔平的!

另外福華行去大街的時候, 中間有一個旅遊中心-- new port
有7仔, 有餐廳, 入面有一間叫野宴! 食日本bbq, 好味! 又抵!
晚上仲有bar可以飲下野,
不過如果飲野, 都係去酒店對面既小灣吧喇!

對住個海, 睇住星星! 舒服到暈..........