瘋人瘋事墾丁 -- Day1 B

係酒店行返出大馬路, 本來打算等街車....
點知等左5分鐘都冇一架......冇法喇!
而且我發現D街車時間表唔係好準時!
仲有呀~你係唔洗係街車站等街車, 因為見到就可以"止"停佢!

我地等呀等, 等左好耐都見唔到.....
之後比個的士佬引誘成功, 我地上了的士
因為真係好熱.........等不下去...haha
4個人佢要NT400, 算喇!

瘋事一
我地搭搭下車發現已經2點幾
其中有一個人問"有冇人諗過其實我地係未食野?"
我地都冇人諗過食野呢個問題....
一味係到講去完海洋館去邊去邊!
問司機, 發現海洋館入面同出面都係冇野食!
冇法~ 出去先食!

第一站 -- 國立海洋生物博物館

係大街去大約要30-35分鐘!
佢係全亞洲第2大既海洋館, 第1大係沖繩!(有機會一定會去)

唻到呢到, 最想睇既就係企鵝!!
估唔到佢地真人比上鏡可愛十倍


仲有好大好大既鯨鯊..........真係好大條呀~

註: 人同鯊既比例係幾咁誇張.....我地諗食幾耐先食得哂呢? 一年?
      當然我地唔會食喇!!

仲有好可愛又大既白鯨!!!!

唻呢到就好似去左潛水咁.....應該係話開心過潛水先岩...

** PS, 呢到係有學生票, (正常票 NT490, 學生 NT250)
            而且係可以接受海外的....+上佢係唔睇的
            只要你有一張似學生証的物體都可以入去..........
            (我有個FRD用張2006年expiry既都可以入)

***PPS, 係出口附近有東港手信買, 如果各位唔去東港,
               但又想買就要係到買, 因為出返去就冇架喇!!!!

行完海洋館已經4點幾...(我地仲未食野)
是旦搵架的士上車, 返大街先算!

瘋事二來了!
果個司機不斷咁說我地BOOK佢local tour~
我地話book左喇, 之後佢仲係咁講.....有邊度邊度好玩
講到慶起果時, 佢仲2手完全離開呔盤..仲望住我地講野
真係比佢嚇鬼死! 我叫佢睇路喇! 佢就話冇問題....
我地經過沙灘, 佢叫我地唻呢到玩......
車頭向左cut, 雙手離呔, 手+頭向右指.........
嘩! 司機你玩咩呀?? 比架係旁邊既大巴bu佢先望返
嚇c人咩..............

終於都安全到大街, 叫司機介紹d好野食!
帶我地來了

可能我地太餓, 一個熱辣辣既包令我地覺得好正!!
叫左個海鮮包, 都唔錯!!! 個包唔硬又皮薄! 唔錯唔錯!!

行過少少, 仲有50嵐tim~ (一日飲左3杯, hohoho 好飲到咁)

墾丁大街既下午的確係水靜河飛,
好少野食...........
我地是旦搵左一間有開既唻食!
點左d個名好搞笑既菜! 大家都唔知咩唻, 大家都係博架者..

但估唔到, 個名最怪既最好食.......haha~ 蒼蠅頭!
可能我地餓喇.................

返酒店打算落沙灘玩, 所以換哂沙灘裝
落到去小灣先發現, 又細, 又唔靚, 又冇人, d沙又粗!
完全冇哂落水玩既意念, 所以轉戰室內遊戲

bowling, 打機...........咁就玩左2個鐘喇..! haha

玩完都8點lu, 餓了! 出去大街搵食.............

下午既墾丁大街同晚上既真係完全2個世界
下午好似死城咁, 晚上就5光十色!!

是人妖BAR嗎?? 唔夠膽入.....

今日決定掃街!  我食過既都給分數最高

炸熱奶 -- 熱食冇咩味, 可能凍左會好食d

 
"又"魚 -- 超正, 最好食係墾丁大街街尾近小灣果間
                                       好軟, 又好味~ 

冬瓜露-- 一定要飲, 仲要係街尾果間, 其他冇試過!
                                       不過真係好清涼解渴, 正!

意大利杯麵 (冇字先係正宗)  -- 呢個就普通小小, NT75就唔係平
                                                                   不過over-all都係OK既!

青蛙下蛋  -- 愛玉, 好甜又有口感! 唔錯!

一品滷味  --  見佢咁出名所以試下, 但冇我地想像中咁好食
                                可能係佢煮法問題, 咩都放左一起煲, 之後全部一樣味
                                 不過推介的是包心丸!

50嵐  -- 因為50嵐就係一品滷味旁, 所以一路食一路飲, 唔錯!
                                推介紅茶拿鐡布丁! 正!

烤玉米  -- 最唔好食既一個, 栗米唔似栗米, 唔知咩來!

打算搵個地方飲下野吹下水,
於時我地就返小灣, 因為記得果到有間bar.......

未行到出去, 已經見到好多星星!好靚~
係吧到飲下野, 吹下水, 聽住海浪吹住海風, 幾咁sofu~

飲完野, 見到咁多人係沙灘咪行出去睇下lor
點知.................嘩! 枱頭一望, 全個天都係星星~
一個超美既星空....................大叫"好靚呀!!!"
有人已經忍唔住, 訓左係沙到!
雖然相係影唔到, 不過在心中.....呢個moment我會記住架!!!

明天早起浮潛~