2011年7月2日
去完水上樂園, 一早就買左馬戲飛
不過真係貴左勁多,
我仲記得我2年前去ja ma
果時入水上樂園買, 都仲係y90 人仔 (原價y120)
今年今月今日, 竟然升價2賠
仲要水上樂園已經冇得平喇
佢仲同我地講, 1/7 前仲係y180, 1/7 就一加加y70
真係驚嚇度100.....................我本身真係唔想睇
不過有睇未睇想睇, 唉, 算喇, 出得唻行預左要比~
去完水上樂園再搵車搭過去大馬戲, 去到都已經7點
因為佢係冇劃位既, 要早d 去搵位
比較落既位都比人坐哂lu
因為睇過喇,而且坐太遠喇, 冇咩靚相影到
所以直頭唔影喇! 
其實野都冇咩點變, 好似係加左減左少少lor....
我最緊張就係佢最後既空中飛人喇! 第一次睇
睇完想搵車去洛溪食街, 講過喇, 唔知點解大陸d 的士佬咁臭串
呢到話唔去, 果到扮唔識.........真係激死人
我地所以決定搵返今朝果架van仔
點知佢一開就y100, 真係打爆佢個咀呀想
之後講講下就話y80 ok, 咁聽佢講話幾遠下! 唉是旦喇~
大約15-20分鐘車, 終於都到左! 其實又真係幾遠既~
呢到果然係食街, 不過唔係好似夜市
因為都係酒家唻既! 冇小食果d...............
我地行左一陣, 見比較"事正"既入去
有好多係粥鋪, 但係太熱真係唔想食..........
搵到一間覺得都可以既就入去喇, 價錢公道
平均一個餸18-38 不等!
海鮮就會貴少少, 不過帶子都係y10 3隻! 我地叫左9隻都係y30 者, 抵! 唔差架~
呢個唔係新鮮聖子, 麻麻地
大陸整呢個yu 魚同真係不得了呀~ 好食到一食, 再叫~ encore了~
排骨
好似仲有幾個餸, 但相機緣盡了! haha
7個人8-9個餸 , 又野飲, 又飯 又啤酒
都係y260 者, 真係抵到你唔信~
食完就搵的士搭返去酒店
返到都12am了, 大家都累了! 本身想玩多一陣
不過大家都走左去訓lu
--------------------------------------------------------------
2011年7月3日
今天一早就起左身喇! 10點半約大家集合
搭的士落祈福搵車返深圳
好順利買到車飛返深圳, 都係y60 者! 平喇
去祈福食街搵食, 入面有一間客家野既
好好食呀, 最衰最後一日, 仲要係趕時間果時先食到
本身唔趕時間, 但因為加左單, 佢又催極都唔唻
搞到我地鬼死咁趕, 係30幾度既高溫下仲要跑! 真係攞我命3000
好彩最後都趕到車, 如果唔係要等一個幾鐘架
返到深圳, 打的去"樂園路" 有人記錯左
原來果到應該係叫"春風路", 係樂園路問下人
佢話唔遠行2條街就到
點知我地行呀行, 2條街又2條街, 2條街又2條街
真係行到我火到唻咪!!!!!!!!!!!!!!早知打的喇~
我都係想唱K者
一路行一路問人, 都唔知問左人幾多次
最終都到到.............可惜我已經係熱到唔識講野, 歌都唱唔到!
休息左一陣, 開始狂唱喇, 佢有好多歌香港都冇
而且仲要好平, Y118一間中房, 只要叫返相得既野食就OK
都幾抵~ 唱到8點
就同左佢地去西堤食西餐(有人想左好耐)
之後就返香港lu~~~~~~~~~~~
沒有留言:
張貼留言