鑽石山 - Pasta de Waraku

星期六heahea 地, 本身打算返大陸
但因為已經好晏喇, 都係算吧喇

諗諗下去邊, 好耐冇去過鑽石山入去行下先
呢個地方都比左好多回憶我架~

行到七點幾開始餓, 本身打算入九龍城食
但行行下, 有人見到D野又話想試
於是就走左入去食PASTA 喇

7點唔洗排隊, 7點幾少少就開始要排一陣
不過都唔係等左好耐者

係等緊位既時候仲聽到一首令我地笑到合唔咪口既兒歌tim
等位旁有一個小朋友同媽媽
媽媽係到唱(rap) : 點虫虫, 虫虫飛, 飛去邊? 飛入耳仔"龍"
wahahahaha真係令我地大開耳介.......
我覺得呢段rap 令小朋友更加驚d 虫虫飛lor.....haha

講左好多好多題外話tim, 講返入正題

我地其實係比佢果d display pasta 吸引入唻食
入到唻睇menu, 又真係好多唔同既pasta
好多你出面未見過都有
仲有個勁長既drink list, 不過我地冇叫lu

佢有d 比較自由既set, 我鐘意, $108 一個pasta + soup + salad + pizza
我覺得ok 抵wor.........
其實2個人叫一個呢個set 叫多個pasta , 真係夠食有餘

個湯唔夠熱, 冇咩味, 個salad 真係唔值一提~
唔緊要, 主菜可能ok呢, 話哂d到主打係pasta
今日冇咩胃口, 所以叫左d 茄野, 希望胃口可以好少少

茄海鮮pasta, 都叫ok既~ 加少少tobasico 已經可以好好食!
不過唔係果d 食完再想食

比起我個茄, 呢個就真係佢話食完一啖已經唔想再食
我食就覺得有少少豆乳味, 可能係都唔定~
不過menu 冇講wor~ 菠菜3文魚pasta !

最後 $108 跟餐既pizza, 係令人好失望架
雖然係跟餐者, 我都有比$架下ma?
點解只係比咁少少材料我呢? 好貴? 我都話我有比$
如果我一早知係咁一定唔會叫set lor~

呢間野真係唔係好得! 唔會有下次lor~