出租天使

白天，她是校內的風頭躉；夜晚，卻是出入酒店的性感援交少女。

17歲的高中女生小澤理央（佐佐木希 飾演）用身體換靚袋，更升呢招攬其他同學有錢齊齊?。認錢不認人的她，出賣友情、欺騙感情只是等閒事。一天，「見慣世面」的她竟因一個男人的相片而莫名心動。他是35歲的大學講師光輝(谷原章介 飾演)，對這個莫名奇妙惹上來的可愛女生，沉默內向的他只報以冷漠的回應，但理央不斷熱情地追求，更戀愛大過天，放棄充滿錢途的援交生活，終令兩人漸漸走近。然而，兩人各自背負的沉重秘密，以及身份與性格的差異，會否阻礙理央好好戀愛一次？

 
香港7月29日先上映, 但我已經搶先一步睇左喇
只因為日本已經上映了很久..............

講返戲先! 我起初以為係講援交少女既故事
佢又唔係完全係wor~ 因為佢冇十分咁清楚交代佢既援交生活
可能呢個topic真係好濫喇! 所以佢都唔講咁多!

反而將故事 focus左係一個情字上面!
友情 & 愛情!

原來佢以為身邊係冇朋友, 所謂既朋友都只係一d酒肉朋友
根本就唔將朋友放上心
但係當佢有事時候, 反而幫到佢既...就係呢班朋友!
相信導演係想帶出......朋友真正既意義! 唔係有利用價值的先係朋友!

本來既拜金少女, 因為一個男人, 所以令佢放棄一切都要同佢一齊!
雖然佢冇好清楚咁交代點解女仔會咁鐘意一個陌生男人
但係感覺, 不嬲都係冇say既~ 我明白!

戲入面既感情戲好土,
一個陽光少女改變了一個本來對生命沒有了希望的男人
但往往, 娘唔緊要, 最緊要受!
我呢? 唔係幾受, 不過我一直都覺得睇戲唔駁戲
幾離譜我都接受到!

不過我喜歡故事結尾, 令人睇得好傷感!