舞出真我3D (step up 3D)

繼《舞出真我》第一及第二集取得極佳票房和口碑後，今年《舞出真我》將推出全新一集的3D版本！今集故事講述孤兒露加是一名出色的街頭舞者，為了讓自己的舞蹈隊伍House of Pirates繼續生存，他們必要在世界街舞賽中擊敗宿敵House of Samurai，以贏取巨額的獎金。為此他先後羅致了娜特莉及摩斯，並與娜特莉互生情愫，然而背景神秘的娜特莉，卻對House of Pirates能否獲勝造成重大威脅。

今集既男主角之一原來係上集既其中一個主角(配角?)
我完全唔認得佢呀~ 係我個FRD認得! 佢真係勁! 果然係STEP UP fan
不過我都覺得唔洗睇返之前果集既, 因為劇情就冇咩關係
只係有少少既人物關係, 不過都唔係好有關咁LOR

除左男主角之外, 女主角都係STEP UP既前主角色! 不過點解佢地好似唔識咁架呢?
咁我就要睇返之前先知喇..........(我忘記哂lu)

不過講老實話, step up 一集比一集精彩
如果今次3唔係3d架話, 應該都會好睇
因為叫得step up都應該係跳舞架~
部戲有108分鐘, 我諗有80分鐘都係跳緊舞! 真係極鉅視覺享受

電影一開始就有好多colorful既3D 效果同跳舞場面
果然係sell 3D, 起初我都係唔抱咁大希望入去睇
因為次次都好失望, 但估唔到今次好有驚喜呀

我同我個frd睇到嘩嘩聲呀! 因為除左夠哂3D之外
果d人跳舞真係好勁.............真係好似係你前面咁呀~
最令全場叫到嘩嘩聲既就係以下呢幾幕! 水中舞!!!!!!!!

加上有3d既效果, 你真係好有現場感, 好似會比水濺到一樣!
我諗睇4D會好正! 有幾正係真係要入場感受下先會知~ 睇trailer 都可以睇少少!

其實由第一集開始, STEP UP都係話有一班志同道合既跳舞友一齊去比賽
經過比賽, 除左WIN左prize之外, 最重要既係win左friendship~

最後果一part 係全部戲最好睇既一part, 睇到全場拍哂手! 我冇誇張架~
最後果part 係講佢地跳final 架, 真係好精彩
由其是最後佢地用light T-shirt唻跳舞, 我真係睇到嘩嘩聲呀~ 好精彩~
我搵到D official 既us trailer 比你地感受下喇~

有人比我既評價吸引左....kaka
我都打算同佢睇多一次! 好正呀!!!!!!!!!!!!