尖沙咀 -- 滬江大飯店

尖沙咀彌敦道27-33號良士大廈地庫

地點者係尖沙咀國際廣場(ISQUARE) , 近重慶大廈出口對面!

噚日係isquare 睇完好精彩既step up 3D 之後就去左對面食上海野
佢個環境其實都好ok, 好舒服
個d waiter仲好~ 我要讚下佢地呀~
因為我地睇完都10點幾, 坐低叫下野,
等咪個frd放工過唻都食到11點幾~
人地都應該收工, 全場得返我地一枱
佢企係到狂睇住我地, 但又唔會好似趕我地走咁係咁執野
搞到我地唔好意思, 叫個frd唔好唻喇~ 我地打包左比佢食

講返野食先~ 我係睇openrice知道呢間野想試下既~
點知真係好有驚喜呀~ 因為佢不單止好食, 仲係好有創意tim~
唔同一般既上海菜~

先唻一個花生......呢個係紫菜花生, 都話唔係一般既茶樓架喇!

係上海野又點可以唔試小lo包呀! 呢個好食, 又唔貴! $32 4隻
只係我覺得個皮唔夠薄! 如果再薄少少就正喇

呢個係創意之選呀~ 醉雞醉豬手就食得多, 醉乳鴿我都係第一次食
點知真係好好食, 肉一d都唔鞋~ 好易入口~ 加少少spicy 正到暈

招牌炒飯, 多數我試新野都係會叫d比較例牌既,
咁實冇死ma........haha~ 呢個炒飯冇咩特別!

火腿津白, 火腿唔太咸但又唔會冇味, 津白入哂d上湯味又唔會好硬

最後叫多個砂鍋雲吞雞, 雲吞唔知係咪自己包架呢? 都幾好食
不過最好食, 竟然係d菜呀~ haha, 因為個湯超濃,
d菜吸哂d湯, 好味都暈呀~

佢另外仲有一個創意之作, 就係豆腐餃子,
因為我地噚日太夜已經賣哂! 下次再試~
 

我地食左咁多野, 4人份, 包咪茶末加一
結賬: $504~ so reasonable~~~~~~~~~~