東京2012 - DAY 1 新宿晚, 博多天神拉麵

2012年5月8日

終於終於都捱到夜晚, 對我唻講真係捱架
廿幾三個鐘冇訓過覺, 你話平時打通頂麻雀都係坐係到者
今日要行行行行行行, 再行, 真係唔認老都唔得喇! haha

最搞笑既係, 我地係淺草轉返車去上野再搭山手線去新宿
因為成半個圈都幾遠, 我地一行6人一字排開坐哂係到,
之後一齊訓覺..............haha....我真係頂唔住喇, 火車太好訓喇~
差左半個鐘電, 感覺真係有少少迴光反照架~

因為antie 唔舒服, 所以都唔可以亂食野,
而且我多數晚餐都冇set 定要食d 咩既~ 見到就食,
有時仲驚喜架~

係新宿亂行, 都決定唔到食咩
因為真係太多野選擇......最後經過博多天神,
聽講不錯就入去喇~

因為樓下冇位, 老闆招呼我地上樓上就坐....
坐坐下又見到香港人入唻.....
(係因為周圍都見到香港人, 只限一d 好commen 既旅遊境點如新宿, 原宿)

樓上有第2位師傅為我地做拉麵, 唔係做完拎上唻架~~
呢個係no 1 人氣既拉麵......

我就叫左個少d 叉燒既....因為個人唔係太鐘意食日本叉燒~ (好食又唔同d 既)
食後感係: 好普通, 我係日本都食過唔少拉麵店, 呢間真係好普通
    如果佢係一間普通我是旦行入去既拉麵店我都唔會讚既一間
    湯底, 拉麵, 叉燒, 蛋, 都係好普通
如果你想特登搵唻食, 我都係覺得你可以慳返!

食完就返左酒店放低左3老~
hotel villa fontaine 係我係日本住過又平又靚既酒店, 我上次住過, 今次再住~
重溫 (請按住shift click, 才不會直去link失去此頁)

因為上次介紹過, 今次唔多講喇~
返到酒店, 安置好3老之後, 我地3少就再次出發,
唔去咁遠, 就去酒店後面既激大版激安之x 堂, 過萬尺!
行一個鐘都係行左3分一者~ (因為又要揀又要睇ma)
唔緊要, 咁近我地酒店, 聽日再唻過~
反正佢係收12點幾我估, 上次我行到12點佢都未收,
不過開始收野~ 行完哂新宿D 夜點, 都可以再唻殺過~

正確地址唔清楚
不過我知係邊, 新宿有一街韓國街, 就係果到
如果你唔知韓國街係邊, 好簡單, 副都心線東新宿站A1 出口, 向左一直走
如果你住E-HOTEL 仲方便 ! 酒店左手邊一直走~
至於要係新宿JR 行入去都有少少遠,
你要過哂歌舞技町, 再向入行......(自己搵地圖, 我都唔係好識講)



SHOPPING 完行返出唻, 見到呢間好似好好食甜品, 但我地果刻真係太累,
快D返酒店訓覺~

DAY 1 完喇~ YEAH~