東京2012 - DAY 2 南青山+ 涉谷

2012年5月9日

上回講到去完原宿, 我地就搭車落車南青山
其實南青山分左好多個區架, 由涉谷一路去到原宿都係南青山
我地要行既(香港人岩行既) 就係南青山3丁目
呢個區有UNDERGROUND, comme de garcons, hesytergic, Y3, BAPE, Original fake....
由原宿行去南青山係一個不可能的任務, (除非你唔介意行一個鐘)
記住係搭地鐡去表參道落車, 搵南青山三丁目就岩!

南青山區既變化都幾大............我地3年前唻時候有既野,
今年冇左.....有d 又搬左....

有一個tips比去南青山既朋友, 南青山路比較難認,
為免迷路, 請盡量有陽光既時候去
記住黑色有型prada building 做路標, 係果到轉入去就會見到其他你想要既品牌喇~

小俊第一站就唻到佢最愛 - original fake 喇

由於掛住shopping, 相都冇影架, haha (其實係之前影過哂, 冇興趣再影, 想睇睇返之前)

南青山區已經冇哂俊仔想行果d牌子喇, 得返一個,
日本買orginal fake, 平香港30- 40 %喇, 款又新d 咁!

受朋友所托去garcons 搵野買, 點知冇佢要既牌子
問個sales, 佢話要涉谷先有, 唔緊要, 叫佢比個地址我, 反正我落涉谷!
點知等左好耐都唔見佢返, 我就去搵佢喇, 就見佢好比心機咁畫緊下面個地圖比我
嘩, 幾sweet 呀, 佢以為我地行過去, 好好心機畫架! (雖然我都睇唔明, 不過100分呀)
日本人做野真係唔同d架, 如果香港, 最多最多咪話你知點去lor

雖然可以行去, 不過我地都係留返d腳骨力行街好喇,,,,haha

搭一個站落涉谷, 先去搵左朋友間garcons 先~

果間garcons 就係seibu入面, 呀, 我朋友搵既牌子係garcons - homme 呀!
不過唔多款, (起碼冇佢要既) 但俊仔就睇中野wor..... (返到香港IT 睇, 日本買平一半有多)

再左行行右行行, 腳斷喇, 搵個地方坐下先...........

試左間日本既快餐連鎖店 locca (好似咁上下) 好貴.....又唔係話特別好食
日本食快餐係貴過正餐架!

因為落雨既關係, 冇咩點影相,
去109 shopping 喇, yoho~~~

to be continued...........