The sims free play - 結婚生bb, 捉鬼

 

由THE SIMS 1 開始我已經係一個最經典的sims 迷
記得以前零用錢有限, 但真的很愛sims
慢慢的慢慢的儲, 終於我買到第一正版電腦遊戲
(當年仲未有得dl, 要就買老番!) 但我竟然會用$300去買一隻正版
証明我有幾愛sims.........

最近得知iphone出左the sims free play
我知ios 唔係依家先開始有sims, 不過唔夠靚, 唔夠真, 唔夠好玩
今次呢個free play 最正就係呢個update左既marriage and baby mode la

不過我相信好多人同我一樣,
都唔知道係點先可以結婚, 生bb
我上網搵d人又唔講, 所以我就打呢篇blog喇~....

你做mission 做到咁上下
佢就會有呢個"訂婚吧"的mission!
如果你未到呢個階段, 就會你同伴侶個條bar 爆哂
同你伴侶爆heyo 都唔會結到婚架~

到伴侶果條bar 爆左, 你就會出現多左呢個求婚要求喇

佢有個bubble 出唻話會送介指比你, 係真既
因為佢一出果個訂婚mission, 佢就會加20個lifepoint (橙色波波) 比你
係用唻買介指架, 你用唻買佢就一定會答應你
如果用錢果d, 未必會答應架!(同現實世界一樣咁現實)

求婚中..........

做左訂婚都仲未結婚, 而且仲未可以有bb 架~

你又要努力咁令佢地伴侶爆bar, 就會出左結婚mode喇 (勁搞笑lor, 6秒結完)

yeah~ 禮成!!!!!!!!!!! (勁兒戲呀 XDDDD)

咁你就有mission 可以有小寶寶喇~

買小bb, 係要用lifepoint既, 佢都會免費送d比你既!
你見到喇, 上圖我既lp 都仲係50,. 我買完bb 床 (9lp) 都仲有58, 者係佢送左18個比我!
其實bb床應該可以用錢買, 但我唔想者
(我都唔明點解bb 係買架呢? 我同呀媽講, 佢話好殘忍呀XD)

我等左20個小時之後, bb終於出世?! 喇~

bb 自己係唔可以有咩指令既, 自己只可以訓覺

但其他人呢, 對住bb就有4個指令!
好搞笑架, 如果你抱抱bb, 你會同佢變朋友同好友! 但果個係爸爸wor, haha



就係咁, 但bb沖涼呢個問題
我見d人話要佢紅色就會有, 等下喇! 我未有XD

YEAH~ i love sims~ have fun~

-------------------------------------------------------------------

2012 年3月29日 更新

我終於都解決到bb dirty 呢個問題喇
你係要等到bb 去toilet 果條bar 同沖涼果條bar 紅色
之後你就不停咁喂佢食野
如果都係唔得,你就等佢訓下先....
等多一陣就得! 佢自己會自動痾係條片片到
到時去toilet bar 就會去返綠色喇
呢個時候, 沖涼bar仲係紅色
咁你同佢換多一次片片就冇問題喇~~~
yeah~ easy~

----------------------------------------------------------------------

2012 年5月16日 更新

EA 又出新野喇, 今次baby 終於都可以長大喇
不過真係好貴呀, 要長大就要用20lp 再要用一日既時間去焗一個生日蛋糕
錢是有喇, lp 好少架, 用完得返20個...>_<
我依家等緊呀, 等完話比大家知

咁耐先UPDATE TIM~
其實幼兒MODE 唔係唔好, 不過佢大左仲煩
有咩都一定要有個大人睇住, 少左個人搵錢呀~

幼兒自己的選擇唔多, 多數都要大人陪同的

小朋友沖涼一定要用泡的, 而且仲要一沖就45分鐘 =_= 搞錯!
(2013年3月18日: 佢update完, 好多task 小朋友都可以自己做得到, good job~
而且沖涼唔再係45分鐘~)

我都唔係幾鐘意呢個幼兒MODE, 因為佢好煩
做咩都要大人陪, 而且EA 好奸, 買幼兒玩具係要比錢既~ 佢好慘. 冇玩具玩....
如果佢要有就變青少年就好, 不過APPS memory 有限,
都唔可以做到好似電腦牌咁多function 架喇
所以我都冇玩喇已經! hahahaha



只係想影一影自己買果架新車, yo~ haha

------------------------------------------------------------------------------------------------------------------

2013年3月18日

本身我game 都del 咪.....點知唔知咩事又patpat痕想玩返
但又冇哂d save wor~ 咪由頭玩過lor~
其實都好快者............之前冇cloud 呢樣野冇得save,
依家有得save 係icloud好好多喇~

咁我又打返blog呢? 因為我又有一個任務kick 住左
我最幫得人架ma, 上網搵完答案咪打中文版lor~

今次個難題係捉鬼...........
由於我係新玩返, 呢個option已經係上年10月hollween 既update喇
所以對你地可能係old news喇~

講下個任務先, 佢叫我影鬼........
起初我以為會好似電腦版咁要搵下墳場果d, 點知冇
最後比我上網搵到解決方法....

首先, 你要係買野果到搵搵一搵

我就搵到最平既中間果個南瓜燈,
你只要見到佢右下角有個紅色鬼鬼標誌都可以買唻用
唔同既物件會搵到唔同既鬼......之後話你知有咩用

買完放好之後

搵個人唻用用佢, 見到有個叫搵鬼既
(記住夜晚先可以搵架, 日光日白邊有鬼先得架)



媽媽開始去搵鬼喇!!!!!!!!!!!!

之後你會見到間屋係到閃閃下.......有呢個icon 出現, 代表搵到lor
其實100% 搵到lor~

你click 下個icon 就跳左一隻野出唻..........
(由於佢係我屋企跳唻跳去, 又由於要捉鬼, 我都唔記得close up先cap screen, 見諒)

你要連click 隻野3下先會捉到, 佢係到跳唻跳去, 都要快d 手.........

3下之後就捉到, reward 都幾唔錯架wor~

點解要捉鬼? 捉唻拎reward, 佢有好多唔同種類既鬼
收藏係唔同既傢俱到, 所以買唔同既鬼item 都會捉到唔同既鬼~
最後捉哂有50LP 架~~~~~~~~~~ 好開心呢???

我覺得我今次個BB好可愛呀, 雖然我知有得變青少年,
但我唔捨得佢長大呀~~~~~~~~~