復活節精選 - 澳門九如坊

2013年3月30日

本身想去珠海食海鮮既，點知佢落雨無船開
唔緊要！我地留返係澳門食

我提議去九如坊，因為我次次都食唔到！
我地12點3去到要坐出面，
唔緊要！過多3個字，另外兩張都坐咪
佢真係出名到，我不停見到人入唻

睇睇個menu都唔係話貴到飛起，
平均80一個小食，150一個main
Lunch就好似貴左少少！但一樣咁多人

佢會先比個麵包你，我就覺得麻麻無食哂，估唔到之後有用！哈哈！



芝士燒茄子，好香芝士，茄汁好出，
個茄子仲啖啖肉，無騙人！好食！仲好大條
未試過用刀食茄子架！哈哈

叫左個招牌焗鴨飯！唔係講笑！超好食！
鴨肉係飯入面又唔鞋，上面蠟腸咸香配飯一流！非常值！

最後海鮮焗馬介又，個汁又係咸左少少
不過用唻配麵包真係一絕！十分愛！有魚有蝦有尤魚！very nice!

雖然結脹每人200，不過真係食得好開心呀！嘻嘻