第一天吉隆坡 - 轉機天 2, LCCT

2011年6月18日

上回講到我地到達左LCCT,
一落機我已經感覺好好
因為佢真係比我想像中大好多
我地因為係停機坪落機
沿路行出去入境果到, 都要10-15分鐘
唔係誇架! 咁係証明air asia 都冇吹水
話自己係the best lowest cost airline!
因為個機場係air asia 既, 只係會有少少時間見到其他飛機

我地入左境之後, 因為仲有成3個幾鐘先再入去
咁所以搵d 地方hea喇
我地好開心呀, 因為果到好多野食呀!
我so far去過幾個機場唔係得一間餐廳就係貴到飛起
LCCT 的確令我lower cost flight 另眼相看

行出international immigrate 已經眼前出現起碼3間既餐廳

我地就揀左一間香港冇架喇當然~ 叫marry brown!
搞笑wor, 佢係fast food, 但係有飯食
仲要係棷飯! 估唔到都幾好食架bor

冇咩特別既包!

如果我地係對rm$2.6 : hk$1 既話
呢2個餐就hk$51.5.....係香港可能係差不多
不過因為馬拉係有food and beverage tax 既6%咁多
好想問呢個tax 可否退稅, 雖然我已經返左唻喇
我諗呢幾日都比佢tax左唔少!

香港唔知有冇既功夫panda!

全個馬來西亞都有d包頭女人, 雖然我唔知點解
不過的確係果個地方既特色

有duty free 既shopping 地方! 呢到就雖然有d貴, 不過係tax free
咁係咪者係一樣呀?

下面呢盒金沙出品, 勁多味道
雖然有d 貴, 但我想返唻先買(點知咁貴都比人買哂)

有全個東南亞都唔好食既dunkin donut!
點解咁講呢? 因為上次食完菲律賓果個, 今次食完呢個! finalize~

由於我地時間真係多到嘔, 者係嘔完再食再嘔都有時間
而我又咁岩想去洗手間wor
而咁岩LCCT果d toilet 真係有少少少少潔癖既你(者係我)都去唔落
只係好過大陸少少咁多架者

而咁岩又知道有間酒店係附近wor, 咁當然行下過去喇(hea下時間都好呀)
係機場行過去, 只係要10分鐘到
就會有個乾淨少少既toilet喇! 或者可以比$ 買下wifi喇~

間酒店主要係for 一d 要轉機既你既
因為佢好近機場, 而且平! 只要rm60一晚者!
即book 唔知有冇房, 如果一早知要stay 一晚都係早訂比較好

酒店樓下有間7仔, 天口熱食下雪條先!~

食完冰冰, 又返返lcct (你話我地係咪真係好得閒呢? )
反而咁樣時間真係過得好快........
咁快就過左一個半鐘!

係LCCT我最開心就係有呢間馬來西亞出名old town white coffee喇
係第2到唔係特登去搵你話幾好呢~

如果係coffee shop唻講佢就真係平到你唔信架喇!
平均一杯大約hk$14!
我地平時cafe 最平一杯都要$28喇!
呢到仲要好飲咁多tim

佢其實除左咖啡, 仲要飯喇, 麵喇, kaya toast喇~

剛剛食完野, 點都試下佢既kaya toast 既!
個人認為唔係好特別, 可能佢牛油唔夠喇~
不過太多牛油又驚肥wor, 真係矛盾喇內心掙扎ing

有人見到馬拉7up~

飲飽食醉之後(我由細到大都唔明呢句野架)
就差唔多要入去domestic departure喇~
等緊上機既時候又比人搶左ipod 係咁玩tiny wings

驚險旅程開始..................