高空三萬尺 -- 真實版

2011年6月18日

(等得咁多日, 我終於都有心情可以好好的記住呢個恐怖記憶)

我地滿心期待咁上飛茲, 打算去我地既世外桃園喇
air asia 全都是細機, 都係得橫數6個位架者
咁我又唔係第一次搭細機, 應該都冇問題既
後面坐住一個媽媽, 3個小朋友約5-7歲
飛機開左冇幾耐, 小朋友就開始唱歌 (唱馬拉文)
左前方有小朋友喊聲, 有媽媽忙安慰聲
空姐們又忙住叫邊個訂左餐
仲係飛機既engine 聲
成個機倉就係一個字 -- 嘈

大約半個鐘既機程, 而且係咁嘈既情況下
我地唔會訓架喇, 有咩做呢?
之前係香港買既雜誌都未睇完

大約過左半個鐘, 係我就唻睇完我本vivi既時候
機場說我地就唻到丁加奴喇
但果到既天氣唔係咁好! 佢係用not a good weather 架~
咁佢話not good者, 唔係bad呀ma~心諗應該冇野~

忽然感覺機倉搖晃 , 本身細機搖晃係正常既
因為風大既關係! 由於我地係搭夜機
因此機外既環境我地根本唔清楚
直到機倉搖擺程度愈來愈大
而且仲出現間歇性的離心力!

睇睇窗外, 見到一閃一閃的閃電! 心離了~

好彩搖晃沒有加劇, 只是機倉全黑, 窗外閃電不斷
感覺真係好恐怖

大約十分鐘後飛機開始搖晃加劇,
窗外大約每一秒一下的閃電
而且霧氣很重, 我估我們進入左雷雲了!

機倉全黑, 窗外閃電不斷, 間歇性的離心力
我地2個心都慌了, 手緊握住手,手心都不斷出汗
呢個時候再聽唔到小朋友唱歌, bb喊聲
身後既媽媽仲一直的祈禱 (馬拉文)
雖然我唔明白佢祈禱內容, 但的確有令我的心平和左一點點

係雲入面唔知幾耐..........我只係口裡面一直講
快d出去快d出去快d出去

半小時過去, 終於.................出到雲了
我地感覺平靜左一d
心唔可以跳得再快
呢個時候captain 報告: (英文的)
因為當地天氣差, 我地會先係上空盤旋十分鐘, 之後再唻過

我聽到呆左, 我話"快d飛返去吉隆坡喇, 唔好再試喇"
當然佢係聽唔到我講野喇

雖然我冇諗過死, 不過都真係好驚!

十分鐘既時間, 大家係爭取時間去toilet
可能緊張係會比較易有小便瓜

唔知過左幾耐, 安全帶燈又著喇
d人九秒九走返自己個位上安全帶

望望窗外, 我地又再一次走入左雷雲
飛機開始搖晃加劇, 窗外閃電不斷, 間歇性的離心力
今次的離心力比之前的仲要勁!
好似玩緊過山車一樣, 我今次真係忍唔住叫左出唻

今次既煎熬比上半個小時勁
終於我忍唔住, 驚到喊左出唻(由於有陰影)
腦入面完全空白, 好彩我身旁既係小俊
我知道佢雖然都好驚, 但都要一直安慰我

一輪又一輪既搖晃, 一次又一次既離心力
心裡面諗既唔係咩我的一生
只係諗住, 我一定會冇事.......睇相佬冇話我咁早死

忽然聽到飛機開TURBOT既聲, 可能佢係想衝出去雲
過左一陣, 真係出左去喇.................
飛機上平靜得可怕

機長報告: 由於當地天氣太惡劣, 我們無法降落, 因為油唔夠
我地將會飛返吉隆坡, refill完再飛多一次

我立即鬆哂個人, 好lor, 佢終於都肯走喇!
不過就決定唔會跟佢機再飛多一次
痴線架, 呢d 經歷一次唔夠呀? 我唔玩喇~

飛返去吉隆坡果半小時, 飛機真係好靜, 我只係聽到自己既過急心跳聲

飛機一land 吉隆坡, 我地就九秒九起身,
再九秒九要求佢比我地落機
擾攘左一陣, 有D 地勤走左上機,
我地見到坐我地後面既媽媽同3個小朋友, 立即起身衝出去
我見到坐我旁邊的馬拉女子, 問問原來佢係丁加奴人
但係吉隆坡做野, 佢話要2星期飛返去一次
但都未試過今次呢個情況, 我真係好彩

終於我地都落到地, 終於我地都唔洗驚喇

不過仲有一個問題, 今晚酒店點算? 聽日飛機會唔會冇位?
其實呢D野都唔會太大問題, 命仔緊要~
果一刻, 我地都一致認為生命係比錢重要!

老套但實在係, 珍惜眼前人~ 你唔會知道下一刻自己仲會唔會係呢個世界上!