端午澳門生日遊 -- 2

2011年6月5日

上回講到, 係大三巴尋找戀愛巷
我地就行返落去大馬路搵的士喇
因為我地想去食禮記

沿途經過胡椒餅, 我又要求食一件

果然試完台灣真正既胡椒餅之後
其他都係食唔出味來的
(我記得之前我覺得呢個好好食的
人果然都係食好野就落唔返去......)

最後行到大馬路, 一路行一路想搭的士
可惜都係搵唔到
咁咪算lor, 行過去, 都唔算好遠

Dinner@ 營地大街
禮記魚翅海鮮酒家

食完, 其實都已經飽架喇
不過又經過義順wor
有人問: 仲有冇肚食呀?
我地2個女仔立即答: 甜品點會冇肚?

"4個雙皮, 1個加紅豆呀, 唔該"

食完奶奶, 大家都好滿足了!
哥哥話十六浦好靚and 可能有車
所以我地就出發行去十六浦mj展

聽聞十六浦酒店張床好正...........下次試下先

我地搭返的士去威尼斯人
行左一陣街街, 佢地係man u shop 買左d 野
俊又要去addidis orginal睇下有冇野岩
冇法喇, 佢個個地方d 貨都唔同!

玩到大約10:30pm, 我地就要同佢地分別喇
因為我地要趕住拱北關門前過去珠海

(等車時, 見到夜間的galaxy, 美極)

等左好耐車呀, 好多人過關呀
終於都順利過到關.............(大陸人幾時都咁可怕)

我地訂果間係珠海國泰酒店
一出關就見到佢, 大約5分鐘就行到過去
勁方便唔想係珠海玩既就最岩
因為第2日過返澳門勁快~
大陸酒店真係平好多呢

酒店樓下有一間24 小時kfc,
小俊今日食左勁多野
佢都仲食得落..........好勁

早抖!!!

明天澳門繼續