瘋人瘋事墾丁 - day2

好! 因為我地今朝遲左起身, 搞到咩都遲哂!
本來約左架車1點半, 但我地1點半先返到酒店
只好叫佢等一等喇,
上去沖一個快涼..................立即落去上車!
開始今日既-- 半日遊!
(其實都唔算半日架喇, 2點玩到8點到, 都係NT1600 4個人, 都抵)
BOOK咩車係 DAY1 講過喇!

第一站 -- 船舨石, 話佢似人頭會開心D lor~
因為落住微雨, 係咁e 影左相就走lu~ 到此一遊!

砂島
係微微雨既情況下都叫幾靚~ 不過我見到blog友d相好天既相真係好靚~
不過算喇, 冇落大雨已經好好架喇!

走入展覽館睇下, 佢呢到就有得拎上手睇下喇. (因為係保護區, 唔可以比人落去架)
佢有97%都係貝殼沙........真係wor, 幾靚~!
如果你想做個紀念, 果到冇得買, 不過墾丁大街有, 仲耍好平! 留意下喇~

鵝鑾鼻公園
又係一個要藍天白雲先美既境點! 唉~ 本來仲打算去滾下草地tim!

好天好灰, 襯唔到白色既燈塔呀!

比我見到大尖山!!

上返車, 女司機就請我地食鳳梨, 佢好nice的!好喜歡她!
果然係水果王國, 真係好甜, 不過佢地話一定有用糖水wor~

最南點!
佢車停了, 叫我地自己行入去.....見到有個牌"最南點 -- 前行50米"
心諗, 好近者!
點知, 我地一個50米, 又一個50米......都唔知行左幾多個50米........先到!

我地行得咁辛苦都係為左同你影一影相......

去完最南點, 終於都可以坐耐少少車.........
我地話我地有少少肚餓, 司機話帶我地去恆春食包!
坐左20分鐘車, 到lu~
不過勁多人.........可能係呀so既關係瓜?!
要排隊拎飛lor..........no 係375 我地係418...咪有排等lor...

點知過左一陣, 我地係旁邊買緊野飲既時候,
司機姐姐問我地要咩包, 講好左...幾分鐘之後佢拎住d包出唻喇!
我地唔洗等! 我地o左咀! 勁wor........

我本來想試下呀so話好食既起司包,
但咁岩冇哂! 冇法~ 試左洋蔥烤肉包.....ok咁喇, 不過我覺得噚日果個好食d wor~

食住個包去北門.............

雨停左一陣........天都開始放晴!!! 有好天, 好過冇呀~

再落恆春老街行下, 食下冰,
唔知係我地太早定係咩呢? 果日已經係星期6, 但老街都冇野行冇野睇既?
連果d食冰既地方都冇開, 我地咁岩見到ja~

呢個冰好抵食, NT40, 已經夠4個人食喇............我地果d係hk40呀~ 差太遠!

司機同我地交岩哂時間 上關山睇日落..........

可能係落完雨唻, 雲都係太厚....睇唔到佢落水果一刻....有d失望呀!

終於到左我最期待既出火喇,
其實呢到唔係主要睇出火, 係主要玩煙火...kaka
我地果d"仙女棒"係墾丁大街買既, NT90 一包10支!
唔知係出火買要幾$$, 不過應該都唔會平!
墾丁大街得一到有得買架ja, 晚上會放出街賣
早上係民宿唻, 你走入去買就得架喇!
(係墾丁大街近小灣街尾民宿, 名忘記了)

大約8點鐘, 我地就返到唻墾丁大街
多謝司機姐姐既熱情, 你真係好nice呀~

搵野食, 因為噚日已經掃左街, so今日食d正常野!
個個blog友都話好既"沙哇帝卡"

先唻一個生蝦身, 幾隻唔食得spicy既仔.....食唔到..
我就覺得麻麻地! 唔係好夠鮮~

呢個魚好食呀~ 酸甜咁.......正!!!

棷雞湯, 都可以! 清清地又唔會冇味!

甜酸雞球! 最正係呢個, 可以送到一個飯呀~!!!!!!!!

食左唔係好多野NT 1250......叫唔叫抵呢?

食飽飽去行左陣, 買左手信.....
如果要買食的, 都係得2間, 不過呢D多數都係HEA送.....冇所謂喇!又唔係貴!
我地好滿足的買到一袋2袋, 因為仲有下半場
所以就返酒店放底D野先喇! (住大街就係咁好架喇!)

出返去大街, 打算落夜店, 本打算見識下D台妹!
點知只係有得睇show冇得睇台妹!
不過個show high到暈左呀~ 我地一路睇一路心跳加速!
咁都係NT200 一個人,又送野飲,. 抵喇!!!!!!!!!!!

有bikini 美女, 有猛男, 仲有人妖..............

至於佢地點玩, 我就keep it secret 喇, 咁你先會好睇架ma......

總之你會玩到好high喇!!!!!!!