廣州2天週末遊 - Day 1 上下九路

哈哈, 2大個遊記都未打完, 先打一個小遊記先

2012年8月18日

對上2個旅行都係同屋企人去, 都冇同俊俊既2人世界
所以平平地去廣州2天團喇~~~~~~~~
其實好hea 架ja, 冇咩特別plan去邊, 想去玩就玩喇!

早一日買車飛, 星期6/日又貴左喇~ 永東 $110 單程
因為係我屋企附近ma~ 最早要12:30 先有位, 唔緊要喇
hea trip 要保留hea trip既休閒!

永東有一個唔好架, 永遠都遲到!!!!!!!!!!
本身12:30既車, 12:45先到, 唉~ 不過佢話塞車都冇計~

3個小時既車程就由香港上到祈福喇~
因為俊仔上次住過話好wor, 咪住返囉~
但其實同其實比係有少少貴~ 但係方便又係幾方便 (唔計去長隆)

酒店的確幾靚幾新淨幾舒服, 可惜雙人房太少
不過可以叫佢"併床"架~ 張床咪仲大左囉..............呵呵

我想講張床真係好舒服呀, 雖然我一直都冇生保床訓唔到呢個問題
但呢張床真係好舒服, 好快就訓得著...........

放低左d野之後, 就去食街搵少少野食~
如果想只係食少少野, 係祈福你得2個選擇
一係去超市買, 一係去祈福食街 - 荔灣

佢對香港人唻講算好平架~  幾蚊都有架~
平均都係十幾一碗/一碟! 仲要好食架wor
所以係一個非常抵食既茶餐廳!!!

食完野就係時候出發去上下九路喇~
問完酒店, 佢話有巴士去地鐡站架, 係祈福巴士站 10B~
2蚊人仔出到漢溪長隆地鐡站!

大約10分鐘都唔洗既車程就出到地鐡站口~

中文題: 請讀出以下2字!!!! (答案會於本篇尾公報)

由長隆漢溪站去到海珠廣場站真係好似十萬九千里長征咁架
(後追: 有網友提供資料, 原來由長壽路站行過去會快好多)
轉2次車, 成9個字先到..........
出左海珠廣場站仲要行大約20-30分鐘既腳程先到上下九路
真係我建議大家都係唔好行, 搵定巴士搭 / 打的喇

真係幾經辛苦, 先唻到上九路!

呢到好似深圳老街, 不過D野真係平好多好多好多.....................

佢應該係一女裝街, 又有商場咁
不過都係女裝多! 真係好抵好抵, 平均一件衫都係35 人仔
靚少少就貴少少! 我咪好似走左入淘寶咁囉~
不過呢到有得摸有得睇, 好開心呀~

上下九路加咪真係好長架, 我已經冇咩點行商場,
唔係幾行店舖, 因為俊仔係到我都唔好意思睇咁耐
都冇買到野呀!!!!!!!!!~

好搞笑, 呢間係專賣呢個PATTERN 架~ 好爆笑~

行完哂上下九路已經個幾鐘LU! 見到真功夫就要走入去食喇~

最搞笑係, 俊仔話呢到係佢既地獄wor,
下次都唔會再唻, hahahha, 不過就係我天堂喇~
之後食完飯出返唻, 以為行完可以走喇,
點知轉個灣, 仲有一條十路! hahahaha 笑死我~ 點行都唔完咁~!

我地已經離開左個地鐡站好遠好遠喇.........
真係唔想返轉頭, 打的去地鐡站返祈福~

去超市行個圈, 有人要趕返去睇波, 今日英超開鑼~
大陸有免費波睇真係幾好!



___________________________________________________________________________________

答案 "力教"