--------------------------------------------------------
2012年6月23日
其實行完天保山, 大家都累到咩咁架喇,
因為始終零晨機係唔同d既, 時間係見洗左好多
不過因為咁行多左好多路架......... 由早上9點行到晚上10點
東京仲痴線, 行到12點都唔返酒店架.....有咩可能........
講返大阪先, 我地去完天保山之後就出發去梅田
係一個我地可以大shopping既地方 (但估唔到唔係呢到放最多血XD)
第一站就係我個妹恨左好耐既地方 - 鬆弛熊天地
阪急梅田站，沿阪急十七番街往阪急三番街........但就記得唔係好難去架JA
有人係呢到狂行狂行, 但唔係狂買狂買!
因為佢話好多野香港都有, (都算佢有折制)
同佢睇完野. 我地就去一早PLAN好左既大阪燒喇
一早問左大粒太邊間好食, 佢就介紹左呢間
去大阪點可以唔食好燒(<-- 漢字)呢?
鶴橋風月, 大阪府大阪市北区大深町1番1号 YODOBASHI梅田ビル 8F
我去既係呢間梅田分店既, 因為順路
但其實佢分店真係幾多, 我地平時行街都會見到
搵呢間野既時候都真係有一小段故事
話說我地係火車站搵緊路
真係行唻行去都唔係幾對路
走左去問人, 果個女仔係行玩緊電話
我地拎住地圖, 問佢喇....佢睇左一陣知係邊
但唔識講呀~ 唔係佢英文唔叻, 係真係唔識講
之後佢講左一句"ok, let:s go"
我話唔洗架喇, 佢就話唔緊要喇
之後我就同佢一路行一路傾左一陣
佢英文都幾好架,
原來因為工程, 由梅田站要先行過一條天橋再轉個灣先去到yodabashi, 好複雜!
人在外地, 遇到困難, 人地熱心相助係非常感動既一件事
所以我係香港見到遊客問路, 我對佢地好好架~
真係幾經困難先去到呢間鶴橋風月
(講完一大餐都未入正題 XD)
聞說呢間風月好多人架, 要排隊, 盡量唔好食飯時間去
我地去到已經9點架喇~ 仲要等位....不過有得坐住等....好好架喇
半個鐘到就有位喇
未入去之前, 個waiter 問我地4個人係要咩食
我地話要一個2人餐, 佢好驚訝, 之後話會唔夠食架wor
但我地決定唔夠要再叫~ 佢都好尊重我地既決定
呢個係有專人服侍架, 完全可以零出手!
除左要放落自己隻碟到之外
2人餐其實真係勁多野食,
有一個好燒(無麵) 一個炒麵, 一個豚肉燒
我地再加左個好燒(有麵底)
有人專人為係搞搞搞搞搞..........震!
再放上去燒一陣, 你唔洗理佢架~ 因為到時到侯佢會過唻幫你反轉架喇
再唻一個勁好食既豚肉燒,
呢個真係好好食, d 蛋真係好滑的! 果然係人氣no 1
反轉左之後再燒一陣.............
再加咪沙律同其他, 就完成喇!!!!!!!!!!!!!
好味道, 雖然個人覺得好燒可能間間都差唔多
但其實材料同粉既比例都幾重要,
食到成口都係粒, 個人都唔開胃!
同場加映, 炒麵一個
呢到我地4個人食已經飽到上心口,
但我地見到周圍果d 2人台, d人真係2個人食一個2人餐~
一男一女又係咁食, 2個女仔又係咁食, 仲要完食!
我暈了! 點解佢地食咁多野都係咁瘦!
沒有留言:
張貼留言