瘋人瘋事墾丁 -- Day2 後壁湖

今朝一早就要起身, 因為約左潛水店司機9點係酒店門口等
但可能我地噚晚太夜訓喇, 搞到8點半先起身.. 9點半先食完早餐
司機已走.....好彩走唔遠, 打去潛水叫佢返轉頭

我係book ~ 安可浮潛 http://www.anke.idv.tw/
佢係有免費接送既, 咁就唔洗自己搵餐死喇

[後壁湖 安可浮潛俱樂部 Tel : 08-8866909　0963-137409　0937-479776]

係大街去後壁湖大約20分鐘車程, 其實都幾遠架~

好快就到店, 係店有隻可愛狗狗-- 妹妹!
佢知我影佢, 擺po比我影tim, 幾串~

係店入面換好衫...潛水衣?  但都要著泳衣打底架!

之後我地就被車左去海邊喇............一落車就落雨, 灰哂!
其實起身果時都已經落雨, 點知落一陣又冇喇wor~ 本打算cancel既....

有個教練係咁e講下點呼吸..........

落水喇.................水上, 雨好大......水下feel不到!但因為咁, 水很污濁!

見到呢條唔知咩魚? haha

魚很怕人, 你有麵包係手佢唔食, 你扔比佢, 佢先食............好少魚! 
我地算多架喇, 因為我地自己買左麵包 (有彩有買)
對面果d人係咁望我地點解咁多魚........見到我地有麵包, 幾咁羨慕!
呢到d魚少食好野呢? kaka

係冇咩睇既情況下, 玩左d野先, NT600, 3包, 浮潛+2水上活動
我地揀左甜甜圈同大力水手...............玩完2樣, 對手超累...
因為你要好大力咁捉住, 如果唔係就會落海..........

大力水手最激, 佢地玩左2次, 佢地話企係到正到暈.......我坐都驚. 都係唔好企
我想叫, 但一叫, 佢拋起我個人合返咪我個口....

玩完呢2個, 成個人散哂! 真係好累...............

店入面係有熱水沖涼既,
我地果日可能係星期6, 我地返到去果時好多人
所以我suggest都係早d有著數, 唔洗同人爭!

沖完身, 就行去魚市場食lunch喇! 好近架者!

你睇下下面輝哥幾咁多人......所以我地是旦揀一間, 因為我地都覺得應該差唔多! 桂英!

揀好海鮮先, 見有籃色魚, 有人話想試下

魚生真係好新鮮又平, 呢個細既都係NT100/HK25 ja. 所以我地encore了 
右面既係蟹腳, wor 好正, 啖啖肉, 又甜! 正呀!!!!!!!!

左面唔記得左係咩菜, 不過我唔鐘意, 因為對於平時鐘意食葉既我, 好硬!
右面既湯係吻魚蛋花湯, 其實冇咩味, 不過佢地話食完味重既野, 清清地都幾好!

左面就係藍色魚喇, 出奇地好食呀! 一d都唔鞋呀! 佢d骨都係藍色架 
右面係炒"law".....都好好食!

結賬: 約NT 1500/ hk$375 都抵wor~ 食到反哂肚!

我地返酒店沖個涼開始下半天既行程喇 -- 包車遊~

下集continue.........