大阪2012 Day 3 - 京都 伏見稻荷 (千本烏居)

2012年6月xx日

今朝又係一早起身, 食完早餐就出發, 今日向古都京都出發
由於我地時間有限, 只可以去一日, 下次可以去3日, 因為京都真係一個好舒服既地方

又話說, 我地由買飛開始已經好驚險
我地去到大阪站, 搵下車去京都既~ 只後見到有架自動販賣機有得去京都
咪走過去買lor~ 點知我地買完, 好興奮咁入去時候 , "ping pong"唔比入wor~
唉~ 買錯飛, 果到d人又唔識講英文, 我地行大阪站行唻行去
佢指左我地去第2個入口, 果個人又指我地去呢到果到...........
最後最後靠既係指手畫腳, +我少少少少既日文+佢少少少少既英文
原來呢到唔係去京都特急既~ 要去邊到(指定入口) 唉~ 真係搞左幾耐...........

你唔好問我係邊, 第一我唔記得左, 第2真係我自己都唔知
上左車之後, 有個票務員走咪唻, 要check 飛
原來我地仲係買唔岩(暈) 要補錢, 用錢解決到就得喇......

特急, 唔洗一個鐘頭就到左京都喇~ 我仲以為要個幾鐘架~

今次第一站唔係清水寺, 係伏見稻荷, 因為睇左千奇百趣, 真係好想睇下個千烏居
路線係咁 京都(ＪＲ奈良線・奈良行) à 稲荷 [JR稲荷站, 伏見稻荷大社出口]
一出就會見到架喇~~~ 個地鐡站都好靚架~

見到喇~ 個門口呀

好偉大既神舍, 同我地既temple 真係好唔同呀~
所以我成日都話要去多d 地方, 因為每個地方既文化唔係可以書本上面睇返唻
讀萬卷書不如行萬里路, 我信

介紹我就冇架喇, 要睇就自己google 喇XD (好唔負責任)
不過我本身係想買呢個野, 因為我覺得好靚呀,
唔係買唻祝願, 係想買返屋企呀XD 不過好貴呀~y1200一個~ 
又唔知買返屋企會唔會唔係咁好..........就冇買!!!!  

見到呢個, 者係已經到左喇~~~ 好興奮!!!!

一路向上行................好長好長好長架

我地一路行, 一路一回頭睇睇佢d年份 (後面有寫係幾時建架)
但我地發現, 並唔係愈前愈新/ 愈後愈新, 係年份不一樣的
者係是旦咁分 XD hahahaha, 唔知目的何在~

唻到呢個分差口就可以入去玩下..........(玩咩呢?)
我錄左個vedio, 由入口呢到行到去出口, 要幾耐呢?

答案係, 我錄左2分鐘就冇錄.....haha, 都未行哂~ 其實呢個路係最短架喇~

好可愛呀~ 又係為1200 一片~ 太貴~ 睇下人地畫果d 算喇~
有d真係幾靚, 好比心機畫架~

其實向山上行, 係仲可以行烏居路架,
但因為一唻我地好累喇, 又覺得行上去都係咁上下
所以我地幾個僧人就下山喇

狐仙是神舍守護神呀~

行返出去地鐡站, 經過生果店
買左幾個唔甜既柑, 仲要係超貴.....900 5個.........嘩~ 都唔知點解日本既水果咁貴
因為有一個壞左, 老闆知道仲主動換一個比我地
香港唔係冇老實人, 只係日本特別多