睇場 - 景逸軒(都會海逸酒店)

反正一場唻到紅磡, 睇多幾個場喇
本身想睇咪都會置富果間煌府, 但有人話唔鐘意係商場入面既酒樓wor
真係好q麻煩, 起初就咩都話冇所謂, 之後勁多意見!!! 算!

好呀~ 唔睇煌府, 行去都會海逸酒店睇睇景逸軒
其實都會置富都有景逸軒, 不過冇咁靚同冇左條長樓梯
但係就有一個好大好靚既証婚花園
(但係俊仔親身經驗話, 証婚花園開放比好多人租, 搞到好似要排街証咁, 好唔鐘意wor)

講返都會海逸酒店景逸軒先

我地一入到去話想睇酒席, 都好主動sell 野



都睇得出佢地好有經驗, 當日有2對新人同時係到擺酒喇~
因為仲早, 就未睇得出有咩混亂既情況出現

樓梯係大廳既新人負責, 不過係公眾地方
所以唔可以唔比任何人影相......唔........
所以公關都話, 如果果日同時有2對新人, 最好就唔好佈置喇~

佢帶我地入左去大廳, 我地20圍用大廳
入到去感覺唔好, 好迫呀,
台同台之間好迫, 基本上你一定會聽到隔離台講野
而且march in 果條路...........................真係好短,
你一眼睇哂喇~~ 我估行幾慢都30秒行完~~

另一邊細廳, 其實佢係可以打通既
不過3x圍先可以~ 如果打通左就唔錯喇~

大廳個receiption 位! 張台都唔係大.........

之後認真咁坐低傾下價錢
我地2個都嚇左一跳, 冇min charge 之外
個package 仲要係好平~ (如果叫酒店入面既話)
所以呢到真係好full~
最平果個package 連最平既酒水加一, 都係$ 8,568 一圍
不過我一早聽過呢間d野食麻麻地~
俊仔話, 如果唔係我老豆要求野好食, 佢一早揀呢間wor



不過俊仔仲spot左一個問題, 佢唔鐘意同人share room wor
公關小姐話其實唔算係好多時候會share room~
我地果個唔係太爆日子有機會唔洗share 架~
不過有人話唔鐘意wor~ (呢d咪果時話冇意見, 依家鬼咁多唔滿意果d人)

因為2個大問題, 所以應該out 喇~