大澳風情畫

2013年5月4日

上個星期6 大家一齊飛甩男友~ 同好姊妹去郊遊去~
本身話去迪欣湖~再落大澳~ 不過大家都想係東涌SHOPPING~
所以cancel左迪欣湖, 係東涌行完街再去大澳
真係羞家, 係香港住左咁多年都未去過大澳.....呢個香港水都

係東涌行到大約3點就出發去大澳
巴士總站搭 11 號巴士~hk11.5, 比上次去昂平平wor~

大約半個鐘到就到大澳架喇~~~
我地入到唻都已經冇咩陽光~ 仲好, 唔洗咁曬....hehehe

一落船就行左面~ 入去大街~

先係見到大魚蛋同大墨魚~
呢個大墨魚HK35 一杯好似貴左D, 不過我地3個都有買唻試
其實都幾好食, 好爽口入味~ 所以都冇得話貴定平! 最緊要值!!!!!

再行入少少就有串燒, 不過係凡立貝同帶子~
HK$27一串有3粒, 唔算貴架喇, 因為真係好大粒架~
呢個姐姐真係好好人, 我地3個人, 每樣叫左一串, 佢同我地分開串
咁我地唔洗咁困難食得!!!!!!! 好細心~~~~

凡立貝同帶子佢都燒得好好食,
新唔新鮮就唔知, 不過個風味係到, 而且凡立貝真係好好好甜~~ 好好食~
所以我地食完, 之後再返轉頭encore 呀~ hahah
姐姐都認得我地, 仲比串最靚既我地tim~ 仲教我地去搵食~
見到佢記住同佢say hi~ 話佢知有人係網上讚佢 XD

再轉個灣.........同一間鋪

有d好特別既炭燒.......又試下先~~~
我地叫左魔鬼魚翅同黃花魚春~ 老闆推介的~

魔鬼魚翅干唔會太硬, 而且咸咸的有口感~ 唔錯~

黃花魚春真係必食推介.......佢個咸香唔係到到都可以食到~
而且佢有口感得唻又唔會太硬~ 真係十個好食~ 叔叔又係超好人
大澳人個個都好傾得2咀呀~ (定係我成日周圍同人吹水?)

再行多2行, 就見到車站豆腐花,
好似都幾出名~ 而且佢話佢自己仲係用石磨磨豆腐

我就唔知係咪真係用石磨, 不過真係唔係幾滑~
只但係佢係好有豆腐味既, 唔同出面混左野果d
佢係好有口感既口花~ haha~ 黑白, hk12
個芝麻唔太甜都ok~

再行入d

大澳超多貓, 每一條街都有2/3 隻......
佢地又唔似街貓架wor~ 我最勁果時係見到有人餵貓, 果到起碼係10幾20隻
好彩我鐘意貓架者..............hehehe

水上屋

我地去果日咁岩噚日大澳火災, 所以有d地方唔比去~
我地都睇唔到燒左果到~~~~~~~

香港水都~ 如果有藍天仲好~

行返出碼頭食大魚蛋~ heheheh hk$5 一粒,
不過真係好好食, 同長州差唔多~

食完就去encore 凡立貝, 之後姐姐就指點我地繼續去搵食~~

過橋, 見到鳳城之後轉入巷仔

再行就會有好多好野食~ 出名既炭燒雞蛋仔~
之前佢係車仔, 依家有鋪喇~~

真係用炭唻燒架~~~

呢個係我食過世界上最好食既雞蛋仔,
因為佢出面脆入面好似蛋糕一樣既內涵包到實,
完全唔會有空洞既感覺!!!! 超正~~~~~

行前多少少就有之前個姐姐力推既沙翁~~ 呢個又係超好食
佢即炸個感覺佢好新鮮呀~ 而且仲食到佢出面脆入面軟既口感~!! 一流~~

再行前少少就會見到香妃卷, 佢都係大澳幾出名
試下先~ 唔貴架, hk25大大件~~~
不過...............佢個味道唔係個個都接受得到
佢叫香妃卷既原因係因為佢有好多香料,
佢冇肉....但係就好so 好so 好so........果個香料味我真係接受唔到
如果你鐘意就會鐘意食喇~

我地入唻大澳其中一個mission就係去文化酒店間餐廳 - lookout~
搵石仔埗街一直行, 行到最盡頭就係~

經過既都係一d好寧靜既小巷~ 好舒服~~

行左大約20-30分鐘 (我都冇計) 就會見到呢到~ 係喇~ 到喇~

其實個外觀都幾靚~ 唔似大澳呀~

真係好愛呢d白色歐陸走廊~~~

係酒店2樓............(話就話係酒店, 其實好細架ja)

入到去, 冇咩人..........唔緊要~ 有冷氣
同時....................有好多蚊!!!!!!!!!!!!!!
佢個環境比我想像中既唔同, 冇咁靚lor個view
其實望出去會比d榭遮哂你咩海都睇唔到
我地已經係大澳食到好飽, 所以只係可以食少少野
佢個set dinner 要$268.......好似貴左少少
我地坐左5分鐘, 去左一個toilet
mandy 坐一陣已經比野咬~
我坐係到仲見到勁多勁大隻既蚊~~~ 我好惹蚊~ 呢d仲要好毒架~
同大家討論之後, 咩都冇叫, 就決定!!!!!!!!!!!! 走~~~~~~~~~~~~

我覺我佢收得咁貴at least 都要比到一個好既環境我, 貴我都覺得抵d
我唔想一唔食, 一路r...........真係好失禮~~~

行返出去碼頭都未天黑~ haha 大家都忽然行得好快.........



去完就覺得呢到真係好舒服, 下次再早少少入唻先~ d野我地都未食得哂~ hahaha