心有靈犀

星期日 10pm. 依家有一個節目叫<心有靈犀>
上一集有白姐姐, 好睇, 因為好笑呀ma
anyway 我係唔應該將人地既痛苦建築係自己既快樂下既
我唔笑
不過我覺得呢個節目好好睇
唔係因為白姐姐, 係因為佢要情人們說出"心底話"
雖然唔知佢地有幾多成真
不過大部份都好感動!
我好多事都比佢地感動到, 會睇到喊
星期日, 多數時間我都係同小俊一齊睇
(應該係我捉佢一齊睇既)
佢本身係一個幾冷淡既人 (對外人only)
成日都問我"又關你事? 你又喊?" 咁樣

噚日睇洪天明佢地果pair唱歌果時,
我又bee左一點眼淚出唻
因為佢地唱緊"唯獨你是不可取替"
其中一首我好愛既歌! 佢地2個唱得好lum呀.....

我問小俊"你可唔可以結婚果時唱一首歌比我聽呀?"
我知, 我知, 呢個應該係surprice, 不過呢個人係冇咩surprice細胞
又或者太多女友, 一早用到死哂!

佢係到諗, "我唱咩歌比你聽呢?"
我話"你自己諗喇......"

我又問佢"你記唔記得你第一支唱比我聽既情歌係咩?"
佢竟然一口就答到.......叻叻 <k歌之王 >
(雖然它不是什麼情歌)
當年既感覺真係好正
(不過係當年......你幾耐都唱過? 成日都唱k架wor)

送上"唯獨你是不可取替"