新年前..買買買買

:新年wor, 當然係去買過哂d新野喇
:(好藉口呀你, 出左bonus 想買野ja ma)

我呢d係唻, 係咁買買買買
先係上網買左一件褸........好好好好鐘意
我之前講過話上網買架件呢

上網睇已經好靚, 佢話係2011 年新款
咁就要去專門店睇下試下喇
一著上去, 真係唔捨得除佢落唻喇….kaka
最靚係佢入面d花花圖案

不過睇一睇個價錢..真係幾驚嚇 $1699,
好似之前bread n butter 果件咁, 唔捨得買呀
不過依家上網買平一半有多wor, 只係$799
都有諗過會唔會係假野? Or 係彷製品…..
最後我都買左正貨, 感覺真係好平好值同好興奮lor

另外, 用左一日時間去大出血
(果然, 錢係一之過洗開心d)
買左2個袋,
一個平時用

一個係毛毛袋, 新年用既~

最衰佢得黑色, 不過都幾靚!
本身睇中一個全毛毛既細袋仔, 淡粉紅
細過手掌都要$329, 我又師奶上身! 唔比買唔比買!!! >_<

陪朋友去benefit睇野, 點知自己都買左野

朋友係專登去買concealar既! 因為佢話有人介紹佢用
好多專業新娘化妝都係用佢
不過佢就買另一款, 比較creamy d,
我呢款, 個sales話係比較dry一d, 不過就conceal得好d咁話
話說我地當日見到sales 姐姐完全冇黑眼圈呢個問題
就好奇問佢: 你係咪本身冇黑眼圈架?
佢話: 唔係, 我係用呢隻concealar先冇架ja
我明顯立即上釣................
不過我係見佢平先試下者, 試過幾隻都唔太work
希望呢個真係我既救星喇

又另外一個陪朋友買野, 自己又買咪野既例子
Lanvin全新推出的香水 Marry me

係color mix 既化妝姐姐介紹既, 佢話係新出架
仲要一出就賣斷市, 岩岩先入返
12月果時係送女仔既first choice
我一嗅就知點解.........
"完美演繹清新、幸福及激情的感覺。香水的主調由突尼斯苦橙及阿拉伯茉莉混合而成，馥鬱的苦橙、桃子甜蜜果香與茉莉花的清雅淡香交匯融合。茉莉的魅惑芬芳佐以木蘭的甜美，加上清逸的玫瑰花香，造就柔媚感性。"
以上官方形容, 都幾貼切

寫(買)住咁多先.......