台北婚相

好興奮呀~ 我比原定既日子早左2日收到相,
可以去北海道之前睇到相真係十分十分開心呀~~~
D 相冇我地果日睇咁靚咁,
俊仔話可能因為佢地ZIP左所以冇咁高解象所以冇咁靚~
應該係既, 不過我覺得都已經靚喇...........hahaha

我放幾張我自己最鐘意架先

呢張係我估唔到既, 影果時都覺得冇咩野, 點知影出唻就幾好睇wor~~ haha

本身我地都話唔影cool cool既相, 但一唻累, 一唻個mood好夾
我地都好自己咁cool起唻, 但個感覺又好奇怪咁ok wor~ haha

係church 入面既相我係最最最鐘意,
可以因為有個好靚境, 再加我地2個名仲有熊貓貓
真係出奇咁夾~ 我都冇諗過可以咁夾

係個studio入面影果d我有d都幾鐘意
我地宏觀咁睇就會覺得個境好普通
但佢執完又覺得唔係studio入面咁

呢個境係最普通既.......但都揀左幾張!! 咁lor


係海灘影日落呢個真係超正, 真係要多謝好有passion既福哥
呢張kiss 日落既相真係正都冇朋友~~~~~~

睇唔到樣又會係靚相~ hahahaha

我真係好鐘意自己呢個look,
我覺得好靚呀~ 所以我都揀左好多相呀呢個look



福哥又同我影左張我好鐘意既相~ 個feel 超好呀~~~~好sweet lor~~~~~~~~~

呢條裙最重要呢個裙擺.............佢咁樣飛起真係好好好好睇~~~~~~
夾落俊仔件白色禮服到好夾呀~~~~~~~~ 我又好鐘意呢張lor~



total 86相, 不停睇不停睇
我真係好開心呀~ 我睇完覺得自己好多e咀笑,
去北海道果到微笑多d先~

而且呢我有一個包哂上去elegent d 既look
但比咁多人睇, 個個都話唔襯我呀~
我自己睇果時係覺得冇野架~ anyway~
我下次去北海道咪唔好整呢個頭lor~~~~~

今晚我有時間可以再慢慢睇d相, 睇下有咩執先
有d佢執得太瘦, 有d太薄呀個人......反而好怪咁......