小車: 婚攝小道具分享

去拍婚照既時候依家既小道具真係好重要~
因為可以令個婚相更加多元化, 更加FUNNY
如果你本身係鐘意cool cool style 都有道具架~

我自己去影婚攝前就睇左好耐, 到底要買d咩道具先好呢?

其實唻唻去去都係果d架ja
氣球, 公仔, 字母, 眼鏡, 黑板, 字卡 (will u marry me 果d),

我自己影既時候就揀左公仔, 字母同氣球
仲有風車, 吹波波機

公仔同字母對我唻講都幾有用, 因為如果想一張相有個性d
就要有一d有個人特色既野, 可以代表到你地既
字母依家好多人都用架喇~ 香港都有得賣tim~ 係cotton on
不過果d真係太過flat同唔靚, 我咪去淘lor~
好平, 幾蚊就有一個, 雖然運費會貴d, 不過就保證有貨lor~
而且佢仲有好多個唔同既字型tim, 唔會好似contton on 咁得一款~

呢對公仔我真係好鐘意呀~ 又係淘返唻~
手工真係一流架~ 香港買一對呢d公仔要hk$500-600不等~
我淘運費都係200幾~ 真係平都冇朋友~
由於我個人唔係好鐘意"毛"公仔, 所以呢對冷公仔真係合哂我河車
我估唔到佢地咁上鏡架~ 影出唻個效果真係好好呀~

之後我仲係當地買左輕氣球.
我一直都想架, 不過因為唔知點拎既關係放棄左
點知福哥同我講可以果日早上去買~ hk$ 100都唔洗有8個~ ok 喇~
最緊要係靚~~~~~~~~~~~~ wahahahah
影海灘同教堂果到冇左d汽球個感覺就會唔同哂架喇

因為我地要去花田影相,
攝影師哥哥suggest我地買個風車,
個風車都幾大個, 有手臂咁長架,
不過影出唻又同D花田幾夾wor~ 而且又可以影到d cute cute既效果, 唔錯
T21vHhXgxaXXXXXXXX_!!716767194