情人節花

今日情人節, 祝大家有情人/冇情人的情人節快樂

今早上班見到好多人(送花員) 手上都係大大少少既花
經過花店, 一扎扎花放哂係地
今天星期一, 女孩子都喜歡係公司收花(覺得威D瓜?)
有邊個女仔唔鐘意收花呀?
有, 平實既女仔! 我唔係話收花既女仔就唔平實
只係會覺得情人節收花呢個舉動好貴
如果唔係情人節, 一扎花平一半
咁花, 幾時都可以收架喇, 都唔一定情人節比人Kill bill架者?
朋友今日係facebook話今晚有好多孝子賢孫出現
起初我都唔明白, 佢解釋係因為好多人拎住花
好似拜山咁樣, 我又話唔係放白菊花就得喇

咁多年唻我真係冇收過花
你問我恨唔恨咩? 我又幾恨, 不過又唔係好想佢洗咁多$
我不好公仔, 更不好花, 因為我係平實形
送我的最好實際好用
不過有邊個女仔唔鐘意花呀, 一次都好呀.....

最近係facebook 發現有朋友(女仔)親手種花
記得幾年前, 哥哥帶我去睇花既種子
佢要種花比佢女朋友
佢係一個好懂浪漫既人, 有諗過做佢女友都幾好呀
起碼佢會諗好多野出唻逗自己
我當時真係好希望可以有一個人咁樣為自己種花
我明白了, 我唔係唔喜歡花
我只係想要有心思同耐性既花
唔知我幾時先可以實現呢?