開年

兩個人相處難免會有摩擦
不過最重要既都係溝通
相處第6個年頭, 交當然唔會冇鬧過喇
大交, 好似係鬧過一次
其實每一次鬧交都總有對與錯
但大家都分唔到, 因為大家係鬧交既時候
因為被火掩飾左道理,
大家會講一d自己唔知道傷害對方既說話
你話我神經質又好, 咩都好
我係唔會, 唔可以將問題帶去訓覺
我只會訓唔著.......我一定要當天解決問題
你話我固執, 我話你冇誠意
我明白一人退一步既道理, 但好難架ma, 起火既時候

唔知有幾時開始, 我好唔鐘意係我火大既時候
聽到你一句"冷靜", 火唔止冇熄, 係愈來愈大
有時候係因為我明明就係好冷靜, 點解你仲要叫我冷靜呢?
又火起

永遠同你鬧交我都係輸果個
因為你永遠都有一大篇道理講
無論你對或錯, 都係冇誠意地道歉
咁叫道歉咩? 你話因為你覺得自己冇錯
你覺得自己冇錯但我嬲都應該安撫我先瓜?
永遠都冇呢d野既, 咁最後咪鬧交lor

我都有好多缺點, 我知道自己有時脾氣係比較差
有時係唔講道理, 之前有講過你已經乖左好多
因為之前你係我發你又發, 大家一齊發
咁就多數都係鬧交, 不過依家我發你又冇發
因為有時我係發下老蘇者, 唔係發脾4, 所以好快就冇事架喇

鬧交都係一個溝通既方法,
我地習慣係鬧交之後都會講下大家鬧交既原因
咁樣大家先會進步

我應承你我會改, 你都要! 大家努力